Bomh Remhmi Kawl Aa Thawh Mi SAC Ralhrang Bomb Puah Hnawh An Tong Ceilak An Thi
Sagaing ralthen, Mandalay-Monywa motor lam ah jumper motor pahinh in bomh chiah mi kawl aa thawh mi SAC ralhrang bomb nih a puaih sual hna caah SAc ralhrang ceilak an thi tiah Myaing-PDF nih cathanh a chuah. Tuni April ni 22 zingeli suimilam 10:00 hrawngah Gway Pin Taw le Bo Ming King Kin karah bomb kawl aa thawh mi SAC ralhrang phu cu Myaing mipi hmunhimtu CDSOM nih hruainak in Bomb kawl aa thawh mi SAC ralhrang cu bomb in an puah hna caah Jumper motor a hrawh pin ah SAc ralhrang pariat an nunnak a liam tiah theih a si.
Bomb puah an ton hnu ah umnak thei loin a um mi SAC ralhrang pawl cu CDSOM nih an hmat mi a tang mi bomb pa 8 le, khat ta leiin puah a si mi pawl Bomb pa 2 an hmat (remh) mi nih an puah hnawh tthan hna i SAC ralhrang minung 15 nak tlawmlo nih hliam an tuar tiah theih a si.
SAC ralhrang bomb in a kahdoh phu hna cu Myaing pengkulh mipi hmunhimtu phu tatyin (1), Tatyin (2), Tehkhal (3) ) Myaung Union Army, Kantaya Thein Hnget phu, Black Eagle Defence Force le Minmu dohthlennak atuah tu phu hna he i fonh in an kahdoh hna tiah theih a si.
Thawngpangdang, Zualko, Unity Force Monywa Ralkap 2 An Nunnak Liam, Sagaing ramtthen, Monywa khuapi ah hrambunh mi Unitiy Force( Monywa pyohcia )ralkap 2 cu SAC ralkap nih an tlaih hna i sakhan ah an hrem hna ruang ah nizaan April 21 ah an nunnak a liam tiah rianngeitu nih Mizzama ah a chim. A nunnak liam mi pahnih hna hi tat-seih-hmu(တပ်စိတ်မှူး) Soh Phua(စုတ်ဖွား) le duh-tat-suh-hmu(ဒုတပ်စုမှူး) an si.,April 10 ah tlaih an tong i north west militry headquarters nah-mah-khah(နမခ) nih an hrem han nak an hma he an nunnak a liam hi a si.
Hi hna pahnih hi i kahdohnak ding timhlamhnak caah Monywa hotel pakhat an phak lio ah SAC ralkap thawng petu(dalaan) ruang ah April 11 zing 3 tluk ah SAC ralkap nih thazaang tampi hmang in an tlaih hna. ”An hrem tuk hna i an celh ti lo hnu ah an nunnak a liam, Thil pechantu an si i kan i bochan tuk mi hna an si. An ruak kan va zoh hna ah an tuk velh hna nak hma a hmun a tam ngai ngai,” tiah tat-yin-hmu(တပ်ရင်းမှူး) Bo Aung Swe(ဗိုလ်အောင်ဆွဲ) nih a chim.
Leave a Reply