Bohmu Serhiy Volyna Nih A Tu Hi Vawleipi Sinah A Donghnak Bomh Ka Hal A Si
Mariupol khuapi ah a um mi Ukraine Marine tathmu pakhat nih khuapi pawng a kulh dihtu Russia ralkap hna nih thazaang tampi in phihkham nak cu thawlkhawh nak hnag ding ah aa zuam pah in, “kan mah lei phu bomh dingin a dongnak in Vawleipi hna sinah bomh a hal nak kong cu BBC thawngzamh sinin theih a si.
Russia ralkap pawl an tamtuk caah eidin ti le rawl, riahcaw an ngeih ti lo nak kong cu Bohmu Serhiy Volyna nih a chim. Russia nih Ukraine ralkap pawl cu hriamnam chiah dingin a rak hal hna i, Ukraine lei nih hriamnam chiah loin a ral cu an pah chih ko taih theih a si.
Mariupol khuapi ah a um mi Giant Azotel Steel sehzung ah Ukraine minung 1,000 hrawng an i dor tiah theih a si. Khuapi chung um khaumi cheukhat cu a chanhchuah dingah cohlang a si cang tiin Kyiv cozah nih a chim. Minung 6,000 hrawng cu va chanhchuah dingah Bus 90 va thlah dingah April ni 20 ah cozah nih timhlamh nak a ngeih nak kong,
Khuapi vuanci Vadym Boichenko nih rampi thawnhzamh media sinah a chim tiah theih a si. Mariupol khuapi chungah minung 1,000 hrawng phihkham an si nak kong zonhg a chim. Timhklamh mi Bus pawl cu phihkham mi mipi sinah a phak nak kong, Mi tampi luatnak lei ah kuat khawh an si rih lonak kong cu ramchung khuauk kawi nih Pablo Kiralan ah a chim.
Mariupol khua in nithlak chak lei Area 4 sq miles (10 sq km) hrawng a kau mi Steel sehzung cu Ukraine ralkap caah a biapi tuk mi hmunpakhat a si ti zongin a chim. Khuapi chungah Ukraine ralkap zeizat dah an um ti cu theih a si rih lo nain BBC sinah a kuat mi Video Files ning in cu hliamtuar minung 500 hrawng cu mah sehzung pawng hrawng ah cun thlop cuahmah lio an si nak kong cu bohmu Serhiy Volyna nih a chim. Bohmu Serhiy Volyna hi Ukraine ralkap number 46 Marine tatyin hruaitu a si.
” Hi hi vawilei cung mipi sinah a dongnak bomh ka hal a si. Kan mah lei zongnih vawlei cung mipi sinah a dongnak bomhhal a si” tiah Bohmu Serhiy Volyna nih a chim. Ka ralkap sinah riahcaw tlawnpal lawng kan ngei cang. Kan mah Ukraine lei in thinlung thawnnak thazaang tampi kan ngei ko nain Russia ralkap pawl cu kan mah nakin a leh in an thawng deuh, cung lei , tang lei, in siseh a let in an thawng i, Russia nih cung lei, tanglei, tanks he phihkham in an kan kah tiah a chim chap. Ref-BBC
Leave a Reply