Biden, Putin Thil Tuah Mi Hi Vawleicung Biaceihtu Pawl Biachah Nak Ka Tuah Ter Hna Lai

Ukraine cu Moscow i kahdohnak cu miphun cihmih bantuk a si  tiah American president Biden nih a chim lio caan ah Russia lei zong nih kahdohnak cu punghman ning in pehzulhin kan i timh mi kan phak hlan tiang kan tuk ko lai tiah Russia president Putin nih a chim.

” Aw a si ko. Miphun cihmih a si tiah ka chim. Zeiruang ah dah a si ti ah cun Ukraine fa ka si ko ti mi cu Putin nih hnawn hna dingin aa timh, aa zaum timi cu hi nak in theih thluahmah a si cang i tette pawl zong tampi a um ko ” tiah U.S President Biden nih a chim.

” Miphun cihmih aa timh, miphun cihmih a si le si lo cu vawleicung huap biaceihtu sihni hna pawl cu biachah nak ka tuah ter hna lai. A si nian kei mah lei in cun miphun cihmih a si k” tiah Biden nih a chim chap.

Russia nih khua nu, khua pa pawl thah nawn dingin a timh hna timi cu an mah Russia lei nih a tu le tu in mah bia cu an cohlang duh lo, an hnawn i ral chung ah Russia nih mipi pawl thahhren in a tuah hna timi Ukraine le Nitlak lei ram hna nih an chim mi cu Russia lei nih an duh ning an herh ning paoh paoh in an chim phuan i leh nak an tuah tiah theih a si.

A sinain Russia ralkap pawl hnu lei ah an kir hnu ah Ukraine ram i thlang lei khuapi hna ah mithi ruak cu lam cungah tampi hmuh a si tiah theih  a si. Russia ralkap pawl an chuah nak Kive khuapi pawng hrawngah mithi ruak cu 720 an hmuh tiah theih a si.

US nih Taiwan a buapi than ahcun US cu kan lo ko cang lai. Chim awk zong khi a um ti lai lo. Russia le Ukraine kahnak ruang ah US nih Ukraine cu fak tuk in a tanh i Russia chuak thilri vialte a phih dih. A bik in Gas a phih mi a si. Russia pehtlainak vialte a phih  Ukraine caah phaisa tamtuk a hman. Hriamnam zong tamtuk a hman fawn. US rammi kan tuar ngaingai. Nifatin in kan hman mi thilri an man kai dih cang. Khuaruah har in an kai. US ah mah bantuk thil man kai hi a um tuk bal lo.

Tuluk nih Taiwan cu kah a timh pah hoi cang. Taiwan zong US nih biatak tein ai tanh mi a si fawn. Hriamnam thazang zong in ai tanh bak mi a si. Tuluk le Taiwan an i kah i US nih a tu Ukraine a buapi bantuk in Taiwan a buapi sual ahcun US cu kan lo bak ko cang lai. Ram chung ah sifak an karh taktak lai. Zapi zaran caah cun Motor hmanh i mongh khawh ti lo tiang dirhmun zong kan phan te kho. Din ei tiang hmanh ah i sumrem dirhmun kan phan te kho mi a si.

US nih vawlei cung ram hme tete a tanh hna le a dirpi hna hi a tha tuk ko nain kanmah US rammi tiang harsatnak tuar ding in a tanh mi le a dirpi mi hna hi cu a tha lem lo. Ukraine le Russia kahnak ruang ah US nih Russia cu phun tamtuk in dantatnak a pek. US zong hi Russia Zinan le Gas ceilak a cawtu a si. Sinain a tu cu a phih cang caah thil man a kai taktak khi a si. US ah thil man a kai tuk ruang ah President Biden hi voi nolh thimnak ding ahcun a tla khomi dirhmun a si cang. Russia nih Ukraine a kah mi zong hi Biden a tih lo tuk caah a si tiah a timi tampi an um. Biden hi an uar lo chin lengmang ko cang.

Kalay-PDF In Mipi Kilvengtu Mino 3 Nih Ram Le Miphun Caah An Nunnak An Pek Nihin Pyidawta lei kahdohnak ah SAC ralhrang lei minung 5 hrawng an thi. Cun PDF-Kalay in mipi kilvengtu mino 3 zong ram le miphun caah an nunnak an pek tthan, tiah theih a si. (Crd. PDF-Kalay)