SNA Le SAC Ralhrang Ralkap An I Bom
========================
Shanni Nationalities Army (SNA) cu SAC ralhrang he i bom in mipi humhimtu ralkap pawl an tlaih hna nak kong cu Homalin mipi hruainak le uknak suainaknak phu in minung pakhat nih Luu-Ngeh Khit thawngzamhah a chim. July ni 8 zinglei sangah Sagaing ramthen, Homalin pengkulh Mai Kiang khuate pawngah Homalin mipi ralkap phu pahninh cu SNA le SAC ralhrang i bom in an tlaih hna hnu ah minung pakhat cu a nunnak a liam tiah theih a si.
Mah kong he pehtlaiin Homalin mipi ralkap phu in tuanvo ngeitu pakhat nih, ” An pahnih ningin an nunnak a liam rih lo. Ral hmai ah an um. I bom in an tlaih hna timi cu a dik mi a si ko.” tiah a chim. An tlaih mi hna minung pa 2 zu Homalin mipi ralkap-HPDF-123 ralkap phu an si hna tiah theih a si.
Sagaing ramthen chungah mipi ralkap phu le SAC ralhrang phu karlak kahdohnak ah SNA an umnak le Kachin ram hna ah SNA cu SAC ralhrang he i bom in mipi ralkap pawl cu an doh hna tiah theih a si.
Sri Lanka President Cu A Inn In Mipi Nih An Dawi Hnu Ah A Rian A Dinhtak! Sri Lanka President Cu A Inn In Mipi Nih An Dawi Hnu Ah A Rian A Dinhtak!: Rampi chawlehthalnak lei ah buainak a tong cuahmah mi Sri Lanka President cu nizan zarhte ni ahkhan Sri Lanka mipi nih an umnak inn ah luhhnawh in an dawi caah a zaam i, president inn a chuahtak suimilam tlawmpal ah President rian in aa phuahnak kong media ah a thanh.
Mibu thong tampi hna nih cun Sri Lanka khualipi Colombo ah president umnak inn cu chuahhnawh in, cozah lutlaitu president cu ramchung chawlehthalnak(economy) sunghzawtlaknak kong i mawhphortu ah an puh i, duhlonak langhter in a inn ah an luhhnawh. Mibupi nih president inn kulhnak hna cu an baoh i, tiliaunak(swiming pool) le innkhan kip i, an luh lio hna cu media ah hmuh ding in cheukhat nih live an thlah i, president inn cu an sawksam.
Mipi nih president inn a luhhnawh lio ahhin tilei ralkap navy hna nih president cu an hruai i, Sri Lanka thlanglei tipi ah an zaampi. Hi an zaampinak hmun hin an rian a dinhtak kong President Rajapaksa nih cun a thanh. Buainak a chuah lio ah hin buainak a linhsat tuk caah President chuahpi ding in amah vengtu ralkap hna nih mibupi ṭhawlnak ah meithal zong an puah. Colombo khuapi buainak ruangah siizung a phan mi zeimawzat an um nain nunnak a liam mi an um theih a si rih lo.
Sri Lanka hi ramchung chawlehthalnak a ṭumchuk tuk caah tukum hramthok khan buainak tampi an rak tong i, cozah lutlai zeimawzat hna zong nih an rian an rak dinhtak. Ramchung ah eidin tirawl a har i, oil man a fah tuk tikah mipi nih celh ti loin President cu buainak vialte mawhphortu ah puh in an luhhnawh nak hi a si.
Myanmar Ram Pumpi In July 10 2022 (Nikhat Chung) Kahdohnak Ah SAC Ralkap 46 An Thi! + Monywa Ah Pyosawtee 6 Fimtawl An Si, Kyonhpinkok Le Pyoiboi Khuabawi Thah An Tong! Monywa Ah Pyosawtee 6 Fimtawl An Si, Kyonhpinkok Le Pyoiboi Khuabawi Thah An Tong!: Sagaing ramṭhen Monywa ah SAC ralkap nupi pakhat tel in pyosawtee training a dih mi minung 6 cu UG (Mongywa) nih July thla thok ah khan an tlaih hna i, an fimtawl hna tiah Mongywa pengkomh UG hruaitu Bo Taihka(ဗိုလ်တိုက်ဂါး) nih Yangon Khit Thit media ah a chim.
Thah a tong mi hna hi Mongywa pengkomh PDF hmanthlak pawl SAC ralkap sin ah a hmuhsak i thawng a petu an si caah fimtawl an sinak a si, tiah theih a si. Thawngpetu hna cu YGA PDF, FFA PDF i bawm in an fimtawl hna i, minung 3 an tlaih mi hna zong zohfelnak an tuah dih hnu in an thlah ṭhan hna, tiah theih a si.
Atu zong Mongya pengkomh PDF le SAC ralkap kar kahdohnak a chuah caah meithal kuan cawk a hau. Khuanfang pakhat ah 8000 kyats a si caah hrimthil zalhnak ah phaisa a herh i Monywa Generation Tigers phu sin ah bawmhnak pek khawh a si, tiah Monywa Generation Tigers nih an thanh.
Cun, Pago ramṭhen, Kyonhpinkok(ကြို့ပင်ကောက်) peng Waikye(ဝိုင်းကျေး) khuakomh Kyinetaw(ကိုင်းတော) khua ah inn 100 uktu khuabawi Tin Maung Lwin(တင်မောင်လွင်) le a nupi cu khuami hna serhsat phun in an um ruangah le PDF thawngpang an hlat i SAC ralkap sin ah thawng an pek hna ruangah July 9 zaan Sml 7:30 ahkhan Thayawadi(သာယာဝတီ) pengkomh PDF batallion 3801 tat-khuai(တပ်ခွဲ) 1 nih an thah hna, tiah PDF theih a si. Mandalay ramṭhen Pyoiboi(ပျော်ဘွယ်) peng Shwe Pyi Yan Aung(ရွှေပြည်ရန်အောင်) sang ah a um i SAC ralkap thawngpetu Win Kyaing(ဝင်းကြိုင်) i a nupi Yin Yin Aye(ယာဥ်ယာဥ်အေး) zong nizaan (July 9) zaan Sml 7 ah a inn ah an kahthah tiah theih a si.
Myanmar Ram Pumpi In July 10 2022 (Nikhat Chung) Kahdohnak Ah SAC Ralkap 46 An Thi!: Myanmar ram pumpi in dohthlennak tuah hnu July 10, 2022 nikhat chung kahdohnak ah SAC ralkap 46 an thi, tiah Yangon Khit Thit nih a thanh. Cazin ning ah SAC ralkap a thi mi hi Sagaing ramṭhen Mawlait(မော်လိုက်) ah 4, Kanhbalu(ကန့်ဘလူ) ah 6, Inndaw(အင်တော်) peng Meza(မဲဇာ) palek sakhan ah 35, Kachin ramkulh Moe Kaung(မိုးကောင်း) ah 1, an dihlak 46 an si i Meza sakhan kahdohnak ah PDF 1 a nunnak liam.
Yegyi Peng Ah Ram Mi Sinak Ngei Lo Mi Minung 51 Tlaih An Si! Yegyi Peng Ah Ram Mi Sinak Ngei Lo Mi Minung 51 Tlaih An Si!: Ayeyawady ramṭhen, Yegyi (ရေကြည်) peng ah Rakhine ramkulh chaklei in mawtaw 2 in a ra mi rammi sinnak a ngei lo mi minung 51 cu nizan July 9 ah tlaih an si, tiah theih a si. Tlaih a tong mi hna cu Yegyi peng Myaitthalin(မိဿလင်) khuakomh Sa U San(စာဥစမ်း) khua pawng ah tlaih an tong i Rakhine ramkulh le Ayeyawady ramṭhen ramri luhnak gate pakhat ah check a duh lo mi mawtaw 2 an dawi mi hna an si i mawtaw khaltu cu an zaam, tiah theih a si.
Tlaih a tong mi minung 51 chung ah pa 28 an si i nu 20 le ngakchia 3 an si. Yegyi peng Konepyin(ကုန်းပြင်) palek sakhan ah zohfelnak an ngeih hna tiah theih a si. A luancia June 28 zong ah khan Kyaitlat(ကျိုက်လတ်) peng Kanginkine(ကညင်ကိုင်း) khuakomh, Waisun(ဝဲစွန်း) khua pawng ah lawng in a ra mi rammi sinak ngei lo minung 28 tlaih an rak si cang, tiah theih a si.
Leave a Reply