SAC ralkap nih an khangh cia mi Karenni Biakinn hmai ah SAC ralkap hmanh mi bomb a puah sual ruangah Karenni ralkap no kum 16 mipa cu a ke khatlei a bul, tiah Free Burma Rangers nih nihin June 19 ah an thanh. SAC ralkap nih Dawngekuh khua cu an khangh i, inn dihlak a kangh lo nakhnga tualchung Karenni ralkap nih an va kah hnanak ah atu bantuk ralkap no pakhat a ke ah hliam a tuar, tiah theih a si.
Cuhlan ah a hmun dai le nuam ngai a rak si mi, Karenni ramkulh Dawngekuh(ဒေါ်ညဲကု) khua cu SAC ralkap brigade 66 ralkap nih an luhhnawh hna, tiah cathanh ah an langhter. SAC ralkap nih khuate pawl luhhnawh in, innlo an khanghpiak hna caah khuami hna cu fingtlang kip cul in ramlak ah ni tampi an i thup i, an khua a him khawh nakhnga thla an cam hna, tiah theih a si.
Sinain khua mi hna nih cun meithal thawng le hramngan kah thawng lakah an innlo kangh lio cu a lang tlang in mitthli he an cuanh, tiah Free Burma Rangers nih an thanh. Karenni Biakinn cu SAC ralkap nih an khanghnak ah a cungcih(canphio) a tla i, mei nih a kangh ruang ah a kutka le a dangdang hna zong an rawk, tiah theih a si. Cred : The Chin Post
Leave a Reply