Daw Aung San Suu Kyi, Thongdan Kum 5 An Pek Chap
U Phyo Min Thein sinin Sui le Dollar a lak timi Daw Aung San Su Kyi cu Naypyisaw ceihceih zung nih thongdan kum 5 an pek chap ti in ceihzung he aa neih mi sin in thawng theih a si. Tuni ah tuah mi Nay Pyi Daw ah a um mi Zabbu Thiri special biaceih zung nih kum 5 thongtlah dingin thongdan a pek chap tiah theih a si.
U Phyo Min Thein sin in Sui le Dollar a laak tiin taza cuai mi a hmuh cungah Daw Aung San Suu Kyi nih a dik lo mi a si tiah a chim. SAC ralhrang nih Daw Aung San Suu Kyi cu kum 2021 February ni 1 ah an rak tlaih hnu ah tazacuai in kum 6 thong thlak ding in thongdan an pek i a tu ah kum 5 thongthlak chap dingin thongdan an pek tiah theih a si.
Myitgyina ah phone battery tunnak in inn kanghnak a chuak, Nihin April 27 zinglei suimilam 9:00 hrawngah Myitgyina khuachung Mingkhing(မန်ခိန်) sangah phone battery tunnak in puahkehnak a chuak i inn kanghnak tiang a chuak tiah theih a si. Mei kanghnak ruang ah cun dothnih inn pakhat, datkhat inn pakhat le a pawngkam ah ummi Biakinn hall a kaang tiah sangchung ummi pakhat nih The 74 Media ah a chim.
” Electric wire a sawt tiah an chim, phone battery tun khawh in puahkehnak a chuak, inn cu a tlaih dih, hall cu a dihlak in a kaang dihlo” tiah a chim. Minutes 30 tluk mei a kaang, mei kanghnak ruangah hliamhma tuarmi an umlo tiah a chim chap. Kachin ramkulh Myitgyina peng Palanah(ပလန) khua cozah rubber cinnak hmun zung pakhat zong nizaan ah a kaang tiah theih a si.
Bomb Hmanhding A Kalmi PDF le SAC Ralkap An I Kap, SAC Ralkap 2 An Thi. Sagaing ramtthen, Monywa-Mandalay motor lampi ChawngOo le Myinmu kar ah bomb hmanhding in a kalmi tualchung hriamtlai phu hna le SAC ralkap ralvengtu kar kahdohnak a chuak i SAC ralkap lei 2 an thi tiah Myaung TGR nih an thanh. Motor 6 he ralvengmi SAC ralkap hmaikal motor 2 in ralkap hna nih tualchung hriamtlai phu hna cu an hmuh hna caah an kah hna caah kaphnihkar kahdohnak a chuak tiah theih a si.
” Bomb hmanh ah kan kal, SAC ralkap nih ral vennak an tuah kan theilo, kanmah cu cycle he bomb hmanh dingin kan kal ah an kan hmuh caah kahdohnak a chuak, kanmah lei cu AK pahnih lawng kan ngei, lam cungah si lo in ramlak dum chungah kan tli, kan tlikpah in an kan kah. Kan kah ve hna i pakhat cu kan khen caah a thi, ” tiah Myaung TGR t hruaitu Bo Tiger nih a chim.
SAC ralkap 2 an thi, tualchung hriamtlai phu lei in minung 1 hliamhma a tuar, Tualchung hriamtlai phu lei minung 7 kan si cycle 5 he bomb hmanhding in kan kal na in, SAC ralkap nih an kan kah caah kan nun himnak ding ah tlikzaam in hnu kan tolh i cycle 2, bomb lung 4 , battery 7 le meihri bawmhnih a dihlak ah tulio phaisa in sing 12 man leng kan sung tiah an langhter.
Leave a Reply