BGF in Bo-hmu-gyi Saw Chit Thu, ralhrang tatmah (22) in ralbawi pakhat Bomb An Puah

Kayin ramkulh, Ba Ann in Hliang Boih khuapi ah ara mi ralhrang khinh kayin ramkulh Chief minister Saw Myint Oo a zul tu motor run cu tuni zing sml 11:00 hrawng ah Hliang Boih-Ba Ann motor lam, Hte Lung khua pawngah bombpuah atong i motot 2 arawk tiah kan theih.

Ralhrang kinh Chief Minister Saw Myint Oo cu Hliang Boih khuapi ah tuzing ah tuahmi Oxygen zung on nak puai in atlun lei ah bomb puah asi i, Hi puai ah akai ve tiah kan theih.

Mah kahdohnak ah KNLA brigade (7)ralkap phu hna nih an tuahmi asi lo tiah brigade 7 major Bo- Hmu – Gyi Saw Di Kue nih KIC media ah achim. Khualtlawng motor bomb puah an si cu adik mi si. Zei phu nih an kah hna ti cu kan thei lo .Fakpi in ahliam mi cu an um lo.

Kanmah phu nih tuahmi asi lo caah fiang tein kan thei lo”tiah KNLA Major Bo- Hmu- Gyi nih KIC ah achim. Bomb puah in kahdoh ruang ah motor (2) an rawk tiah zingkaa ah kan theih i minung athi mi an um le um lo fiangin kan thei lo. khit thit media

Min Aung Hlaing nih rampi uknak hramhram in a chuh hnu ah, ralhrang kut taang ah rianttuan duh loin CDM a tuah mi Sayamah Bawi Chin Tial nih Aizawl Sizung ah taksa dam lonak in an kan liam tak tiah kan theih. Sayamah Bawi Chin Tial hi Thantlang peng, Lulpilung ah Sayamah a ttuan lio mi a si.

SAC ralhrang nih rampi uknak an chuh hnu in ralhrang cawlcanghnak a pom lo caah mipi lei ah raltha tein a dir i CDM a tuah mi asi. Sayamah Bawi Chin Tial a thihnak kong he pehtlai in Township Education Board Thantlang nih an ngaihchiatnak le tuarpi nak cathanh zong an chuah ve cang.

“SAC ralhrang uknak raltha tein a doh mi, CDM a tuah mi Sayamah Palesi Bawi Chin Țial cu nihin November 21, 2021 ah Mizoram, Aizawl khuapi Sizung ah taksa dam lonak in an kan liam tak. Sayamah Palesi Bawi Chin Țial nih an kan liam tak mi kong ah kan ngaichiatnak kan langhter i tantak mi chungkhar dihlak nan ngaihchiatnak kan i hrawm pi hna.

Ralhrang tein na doh mi Ralhrang cawlcanghnak cu pehtlai tein kan rak doh ve rih lai i ralhrang uknak kan tei hlan lo na hnu zulh in kan doh ve ve lai tiah biakamnak kan i pek” tiah Township Education Board Thantlang nih cathanh an chuah hi asi.

Be the first to comment

Leave a Reply

Your email address will not be published.


*