Tu tan season chuih dih ah summer transfer window a on tik ah Lionel Messi cu chuah dawh a si cang ko hih, Barcelona in a tthial taktak lai tiah a zum mi zong an tam ngai cang.
Vawlei cung football player ah mi tampi nih a thiam bik tiah an rak chim tawn mi Ballon d’Or laksawng voi 6 bak a co cang mi Lionel Messi hi tu tan summer transfer window a on tik ah Barcelona in a chuah a si zong ah zarh fatin euro 170,000 cu kum 2025 tiang Barca nih an pek thiamthiam rih lai.
Spanish tadinca lar ngai mi Marca nih a van langter ningah cun Messi nih a contract a hman dih tik ah Catalan club in 34.7 million cu bonus ah dong ding a ngei tiah a van langter.
Manchester City le Paris Saint-German lei ah a tthial lai tiah an chim mi Messi nih hin kum 2017 ah contract a tial lio ah khan kum 2021 ca tiang a tial, mah lio caan ah a contract tial mi ah khan bonus ah, pound 69.7 million hrawng dong ding in a tial chih.
Messi tangka hmuh ding mi hi a zarh bantuk in van tuak ah cun zarhfatin 170,000 a dong lai, mah zat hi cu world class player tampi zong nih an hmuh khawh lo mi a si.
Kan theih cio bantuk in Spanish club Barcelona hi tangka lei ah harsat nak an tong cuah mah lio a si.
Next season ah cun Lionel Messi nih hin club thar ngei dawh a si cang ko hih.
Leave a Reply