Barca Nih Tei Nak An Hmuh Lio Caan Ah Real Nih Teinak An Hmu Ve Lo

Zahan La liga chuih mi ah Barcelona nih cun 4 – 0 bak in Granada cu an tei hna, Granada pawl cu an mah stadium bak ah fak ngaiin an sung.

Barcelona caah hin French forward Antoine Griezmann nih goal 2 a thun pin ah Argentina superstar Lionel Messi nih goal hnih bak a thun ve. Granada lei in minute 78 ah JesusVallejo cu red card refree nih a pek

Tu lio ah Lionel Messi cawlcangh ning a ttha ngai kan hnu zarh La liga chuih mi zong ah goal hnih bak a thun, tu tan La liga chuih mi zong ah goal hnih bak a thun than. Messi hi tih a nung chin leng mang ko.

Barcelona pawl hi La liga ah game 18 chuih mi ah point 34 hmu cang in League table ah pathumnak ah an um lio a si, Granada pawl hi game 17 chuih mi ah point 24 an hmu ve cang i league table ah pa7 nak ah an um lio a si ve.

Granada 0 – 4 Barcelona

Shots 8 – 13

Shots on target 4 – 4

Possession 27% – 73%