Mah tluk boruak a chia lio ah, Baptist missionary hna nih rammuih nak hmun khuate tampi ah an kal I bible an sem hna. Mitam pi cu , pulrai corona virus tih ruangah inn chung in inn leng hmanh kan chuak ngamlo lio ah Baptist Missionary hna nih bible cauk mipi caah an sem mi zoh tik ah hin a sung lawi taktak ko.
Nazi 44 chung bak ti long (boat) in an kal I khua kip ah bible cauk an sem. Hi khua hna hi bible cauk an neilo caah an duhning in Pathian bia an rel kho lo. Cu caah Baptist missionary hna sin ah bawmh an hal I, Baptist missionary hna nih an bia el lo te in an pek hna.
Zarhkhat leng lo an rau. Cun khuakip ah bible training an pek hna I, mi tampi cu an piangthar hna. A sung lawi kho tak tak ko. Thiltha tuah a duhmi hna Batist missionary hna cung ah Pathian thil ti kho nak a phuang I, hi hna missionary thiltha tuahnak le cawnpiak nak thawng in midamlo hna tampi nih dam nak an hmuh. Cun bible sinaginn zong an tuah piak hna i, siang ngakchia hna kha bible an cawnpiak hna.
Bible sem an kal nak ah hin, harsak nak tampi an tong ve. A chan cu ti long (boat) kal kholo nak hmun poh ah, bible kha bags chungah an rawn I ke in , hmunhlak pipi tiang an phurh. A ni zuamnak le Pathian bawmhnak thawng in, an ni tinhmi an tlamtlinh kho.
Pathian a dawt mi hna taktak nih cun harsak nak tong an tih lo, an tihmi cu mi caah thiltha ka tuah manh lai lo I, ka hmuhding zak thluachuah Pathian sin in ka hmu manh lai lo ti kha an phang camg mi cu asi. Hi missionary hna tuahsar mi thil hi ai dawh tak tak ko. Pathian nih umpi in thluachuah pe zungzal ko hna she. Amen.
Leave a Reply