Autorickshaw Driver Nih Cun A Passenger Pakhat Nih A Philh Sual Mi Sui Tam Ngai Cu A Pek Than

Time of India nih a van langter ningah cun Autorickshaw drive kong hi ngei a nuam ngai. Tamil Nadu’s Chennai i Chromepet lei mi pa pakhat Paul Bright cu a fanu tthitumnak puai a dih hnu ah Auto in a lawi i, autorickshow chungah cun sui tam ngai Rs 20 lakh man cu a philh diam i a kal tak diam.

Tthitumnak puai hi Chromepet i hall ah hman a si i, Paul Brigh hi inn lei ah auto in a lawi pah ah cun a buai ngai i phone hna a chawn pah i mah ruangah hin a sui tam ngai cu a kal tak diam.

Bright ti mipa nih hin a sui a kal tak ti a theih tik ah cun a lungre thei ngai, a citnak auto cu registration number zong a theih lo, zeihmanh tuah awk a theih lo caah palik sinah a report ve colh. a sui philh mi cu a hmuh than a ruahchan ti lo lio caan ah nazi pakhat hnu ah a sui phih mi cu a hmuh than.

Autorickshaw driver zong nih cun a passanger nih sui tam ngai a philh ti a theih tik ah cun a lungrethei ve ngai, Paul Bright chawnh nak ding phone no zong a thei lo ruangah sui hna cu palik sinah a va chiah diam. Bright nih hin a sui philh mi cu palik sinah a lak khawh than.

Palik pakhat chim ningah cun Paul Bright nih a sui tlau mi a hmuh than ah hin a lawmtuk a mitthli tiang a tla tiah a chim. Auto drive Kumar ti mi pa hi mi ttha taktak a si zohchun awk tlak ngaingai mi a si.