Ralhrang nih uknak an lak hnu ah Suu Kyi cu an tlaih i sualnak phunkip puh in ralhrang nih taza an cuai cuahmah ko. Mahhi kong he pehtlai in chungkhar lei nih UN sinah report an tuah. Suu Kyi an tlaih mi hi phungning lo a si tiin nuhrin covo phu sihni a simi Frabcois Simeray le Jessica Finelle nih chungkhar ai awh in UNWGAD sinah ralhrang pawl report an tuah hna. Daw Aung San Suu Kyi cu ralhrang nih sualpuhnak puhnak in thong kum 11 an pek cang. Cu hnu ah sualpuhnak phun 17 a tang rih i mahhi phun 17 ning in ai lim ahcun thong kum 150 hrawng a tla ding a si. Ralhrang nihcun a sual lomi zong ah sual puh in thong an thlak thluahmah ko hna. Kan ram ai thlen zau lo ahcun Suu Kyi hi thonginn chung ah a nunnak a liam te ko lai dah.
Nihin (Moscow-24 may, 2022) ah Russian Defense Minister Sergei Shoigu nih a chim ning ahcun, Western ram pawl nih Russia heh tiah dantatnak an tuah i, Ukraine cu heh tiah an bawmh chin lengmang, Natein Special Military operation kan tuah mi cu kan tlam a tling hlan cu kan dongter lai lo tiah a chim Council of Defense Ministers of the Collective Security Treaty Organization meeting an tuahnak ah Shoigu nih “Russia cu fak deuh in dantatnak tuah than u sih law tiah a chim i, western- ram pawl nih Kiev cu heh tiah an bawmh zong ah kan duhmi tlam a tling hlan poah cu kan dongter lai lo,
Special Military Operation kan pehzul peng lai” tiah a chim i “Civil mi le sii lei in mipi caah harnak le buainak a chuahpi tu si lo in Russia nih hin Ukraine hi duh sa in kan thuat peng lai” tiah a chim chap. Russia nih ‘silence regimes for Ukrainian’ cu civil mi caah an umnak hmun ah thatein um than ding in lam a ser piak peng hna i an caah humanitarian corridor an awn peng tiah Shoigu nih a chim chap. Russia nih Ukraine ram chungah Special Military Operation hi February ni 24 khan a thawk. Cre-RTK
Yinmapin peng ah khuachung inn khangtu SAC ralkap bomb puahhnawh an tong 8 an thi Sagaing ramtthen , Yinmapin pengchung khuakip i thial in khuate a khangtu SAC ralkap hna cu bomb puahhnawh an ton caah 8 an thi, hliamhmatuar an tam tiah tualchung hriamtlai phu nih an chim. ” Bomb lung 5 phirh mi pahnih kan puahhnawh hna, cheukhat bomb cu ruah a sur caah a puak lomi zong a um” tiah Regional Friend Frghters in tuanvo ngeitu nih a chim. May 25, chunhnu suimilam 2:15 ah thazaang 100 he rallam sialtu SAC ralkap hna cu RFF le tualchung hriamtlai phufonh nih bomb puahhnawh in an doh hna hi a si. Cu dohnak ah tualchung hriamtlai phufonh lei hliamtuarnak an umlo tiah theih a si. May 24 ah SAC ralkap nih Tayaw-gyin(တရော်ကျင်း) khua mei an khangh hnu Aungchainta(အောင်ချမ်းသာ) ah umhmun khuar in a ummi SAC ralkap hna nih cun May 25 zinglei ah Aungchainta(အောင်ချမ်းသာ) khua cu an khanghthan tiah theih a si.
Thawngpang Dang: Rakhine Ah SAC Ralkap 3 An Zaam, Pakhat Cu AA Sin Ah Ai Fonh Rakhine ramkulh ,Kyauktaw(ကျောက်တော်) peng Mahar Nyat Muhnih(မဟာမြတ်မုနိ) kawl biaknak hmun ah umhmun khuarmi SAC ralkap hna chungin minung 3 an zaam tiah tualchung mi hna nih an chim. A zaammi 3 chungin Kalaw um tat-mah 55 in duh-tat-kyat Kan Kawng(kum30) cu Arakan Army, AA sinah a lut tiah Kyauktaw(ကျောက်တော်) khuami pakhat nih a chim. ” Mipi lei ah ttang in SAC ralkap kuttang in a zaammi 3 hna chungin pakhat cu, a tu an umnak hmun ah a van i thialnak a sau cang.
An pawngah a ummi AA sakhan ah aa fonh hi a si, a dang 2 cu zeiruang ah an zaam le khoika hmun an zaam theih a si lo” tiah a chim. SAC ralkap hna cu Mahar Myat Muhnih(မဟာမြတ်မုနိ) kawl biaknak hmun ah umhmun khuar in an umnak kumkhat tluk a si cang tiah theih a si. SAC ralkap nih umhmun an khuarnak Mahar Myat Muhnih in nichuahlei mengkhat tluk aa hlatnak Zi-chawng(ဇီးချောင်) tisor tlanghrawng ah AA nih umhmun an khuar ve tiah theih a si.Credit – The Chin Post
Paung pengkulh, Ahlap khute ah thli faktuk in a hran caah inn 100 leng a rawk dih i, hngakkchia pakhat le tar pahnih hlaim an tuat tiah theih a si. Thil faktukin a hran caah inn 100 hrawng laak ah inn pathum cu mi umawk tha lo tiangin a rawk dih tiah theih a si. ” Thli fak tukin a hran hi minutes 45 hrawng a si.
Khua ningin tiawk in inn a rak dih. Inn pathum cu umawk tholo tiangin a rawk dih a sop dih.” tiah tualchung mi pakhat nih a chim. Tohlichia hran rawngah inn a hrawk biknak hi Kantayaa lam ah a si i, hliamtuar mi pathum an um tiah mah lam ah a um mi pakhat nih a chim. Hliamtuatr mi tar pahnih hna u Ahlkap khuate siizung ah an thlop hna lio a si tiah theih a si.
“A tar pakhat cu a hliam voi 14 an thit piak. Kum 67 tar pakhat cu voi 8 an thit piak, Hngakchia pakhat cu a kee aa hliam.” tiah a chim. Ahlap khuate inn le lo a rawk mi cu, mi bomchantu phu tuanvo ngeitu phu pawl, meithat phu le ပရဟိတ phu hna nih an bomhchanh hna tiah theih a si.
Leave a Reply