Assam Palek Nih Meithal An Puahhnawh Ruangah Mizo Nu Pakhat Hliam A Tuar

Assam Palek Nih Meithal An Puahhnawh Ruangah Mizo Nu Pakhat Hliam A Tuar August 17 zing suimilam 1 hrawngah Vairengte, Hallveng minung 3 hna cu Bilaipur in Nibas ti mi Kalapa pakhat nih uico cawk ding a um tiah a rak chawnh hna ruangah uico cawk ding an kal lio ah ramri a congmi Assam palek nih meithal an puah ruangah nu pakhat hliam a tuar.

Hliam a tuarmi hi Pi Lalduhawmi a si i, Assam palek nih meithal an puah ruangah an pathum hi an zaamnak ah chengpalang ah a tla i cakeh lei a ban a kiak tiah theih a si.

Hi kong he pehtlaih in Kolasib DC nih Assam palek ramri ah duty mi hna nih civil mi cungah meithal an puahhnawh mi cungah kan lungtlin lo nak kong he Hailakandi DC sin ah theihter a si cang.Mi hlengtu Nibas zong kawl i, tlaih piak dingin theihter a si.

Ramri hmun cheukhat ah buainak a chuah lo nak dingah palek conghter an si caah mipi zong nih harsatnak an ton lo nak dingah ramri ah kal lo ding le, cozah nih a si khawh chungin a tawlrel lio a si tiah a chim.

The Chin Post