Assam palek nih Meghalaya mi an velh hna ruangah Assam Palek Checkgate an hrawh piak ve hna

Assam palek nih Meghalaya mi an velh hna ruangah Assam Palek Checkgate an hrawh piak ve hna Assam, Umlaper khua ah a um mi palek nih Meghalaya Ri-Bhoi district ah khuachung minung 3 cu an velh hna ruangah minung 2 cu fak ngaiin hliamhma an pu.

Assam le Meghalaya state hna hi ramri kong ah buainak a ngei mi an si ve i, ramri buainak tawlrel ding an i zuam cuahmah lio ah atu bantukin Assam palek nih mipi kut an thlak hna ruangah mipi an lung a tling lo tiah theih a si.

Umlaper, Ummat le Pdengtleit khua mipi nih Umpler khua i Assam palek sakhan cu lehrulh an timh ve Assam palek checkgate pakhat cu an hrawh piak hna i, Assam le Meghalaya cozah hruaitu hna tlangtlaknak thawngin an dai tiah theih a si.

Meghalaya Ri-Bhoi district, Umsning block chungah a ummi, Umlapher khua hi Assam le Meghalaya ramri ah a ummi a si i, mah hi state pahnih ramri buainak ah a tel ve mi pakhat a si.

Umlaper khua mi nih an pawngkam ah a um mi Assam palek um hmun hna cu independence day hlan ah thial dih dingin an ti bantukin Assam palek lei zong nih an cohlan cang tiah theih a si.

The Chin Post

Be the first to comment

Leave a Reply

Your email address will not be published.


*