Arsenal Lei Ah Martin Odegarrd Cu I Thial Dawh A Si

Arsenal nih cun Real Madrid in attacking midfielder Martin Odegaard cu lak an duh i, tu thla chung bak ah lak an duh cang.

Sky sports nih a van langter ningah cun Arsenal nih hin tu thla chungah Martin Odegaard cu Real Madrid in loan in lak an duh, season khat chung caah lak an duh tiah a van langter.

Norway midfielder Martin Odegaard hi Real Madrid ah cun chuih nak caan a tinglem ti lo, Zinedine zidane zong nih a hman duh lem ti lo squad zong ah a chia bal ti lo. Odegaard nih Real Madrid sinah January thla chungah hin loan in chuah halnak ca a pek hna.

Odegaard hi kan hnu season 2019/20 ah khan loan in a chuih nak club Real Sociedad caah a cawlcangh ning a that tuk ruangah Real Madrid nih an au than nak a si. Asinain Real Madrid lei ah cun a chuih tam hlei lo amah zong nih chuah tak a duh ve.

Arsenal nih cun Odegaard hi caan tha pek an duh pin ah loan in an lak khawh a si ah cun a lai midfielder lei ah hman an tim ngai mi a si.

Be the first to comment

Leave a Reply

Your email address will not be published.


*