Thawl a tih ruangah a thil tuah mi hi thil tha lo ngai a si, 27 January 2021 ah khan Japan ram ah nu pakhat kum 48 hrawng i upa mi cu a freezer chung ah ruak an hmuh ruangah Tokyo palik hna nih an tleih.
Freezer i an hmuh mi ruak hi amah hringtu a nu bak a si, kum 10 chung cu midang hmuh khawh lo dingin a rak chiah cang.
The Gurdian nih a van langhter ningah cun a nu ruak caan saupi chung freezer ah rak chiah tu hi Yumi Yoshino ti a si. ma tiin a nu ruak a chiah nak a ruang cu midang nih an thei tik ah an um nak apartment in an thawl sual lai ti a phan ruangah a si, a nu he apartment ah hin an um tawn an apartment cu a nu min in chiah a si.
Asinain kum 10 hnu ah cun an apartment umnak man a pe khawh ti lo ruangah apartment in chuah ter a si, a umnak apartment thenh tu dingah an fial mi nih cun freezer i a um mi ruak cu a hmuh i a lau ngai palik hna an chawn colh hna.
Ruak an hmuh mi hi a thih lio ah hin kum 60 i upa hrawng a si ti theih a si, zeiruangah dah a thih ti cu theih a si rih lo. Palik hna nih investigation an kalpi lio a si.
Leave a Reply