Nihin chun ah mawtaw PK 3 cu Tanlan Mizapi vengtu Ralkap nih an kahthah hna tiah thawng kan theih. November ni 3 chunhnu suimilam 1:30 hrawng ah Tanlan peng, TilahWa Sehzung pawng AungTaPyi lam ah mawtaw le cycle a chawk mi cung ah sual ngai in tangka an chuh hna,
Mawtaw an chuh hna caah,Tanlan PDF nih kan kahthah hna tiah an chim. Mawtaw PK pathum thah an ton hnu in Lam an phih chek hlet nak an tuah len tiah Tanlan um mi pakhat nih Mizzima ah achim
ASEAN Palai nih Daw Aung San Suu Kyi tonnak nawlpek ding an kan hal mi hi phungbuar a si, tiah Soe Win nih chim Nizaan November 2 lio ASEAN Cazin Check Zung (ASEANSAI) pawl meeting ah, “ASEAN Palai nih Daw Aung San Suu Kyi tonnak nawl a kan hal mi hi phung le phai (upadi) a lonh mi a si, tiah Min Aung Hlaing changtu Soe Win nih video in bia a chim.
“Tazacuai in biaceih lio mi pakhat cu zeibantuk upadi le hmanlio mi upadi zong nih a onh lo caah hihi phung an lonh a si,” tiah Soe Win nih a chim. ASEAN Palai Myanmar ram rat nakding kong ah Min Aung Hlaing te phu hi fakpi in hnahnawhnak kan pek rih hna lai, tiah Cambodia nih a chim ve.CrdMP
Chin Ramkulh Kanpelet peng chung CDM le Non CDM cazin cu November ni 10 ah a hnu bik thanh nak kan tuah lai, Non CDM pawl cu dan kan tat cang hna lai tiah Kanpelet CDF nih an chim. Hi bantuk phunglam kan ser tik ah Vawlei cung upadi he a thlak ning le Chin miphun nunphung he a tlak ning in Mifim thiam hna nih a kan tel pi tiah an chim.
Fimcawnnak zung nih CDM le Non CDM cazin a thanh mi ah CDM a tuah mi nih nan min a tel le tel lo tha te zoh ding in CDF Kamplete nih ralrin nak an pek hna. CDM tuah mi pawl i let than ding in hram hram in a fial tu Ralhrang misa pawl nan min kan in theih dih hna, kan in hmuh hna nak poh ah kan in fimtawl cang hna lai tiah CDF Kanpelet nih cathanh an chuah.
Leave a Reply