CNA Le Ralkap An I Kap Cuahmah Ralkap tal Lak Te An thi Cang

Breaking News Falam leiin a rak kaimi ralhrang le CNA cu an i kap cuahmah lio asi, ralkap hi 10 in 20 kar tluk cu an thi cang men lai tiah zumh asi. Mindat le Matu Kar lam remh ralkap le mipi hriamtlai zong an i kah cuahmah tiah theih asi.

Chin ramkulh telh in Myanmar ram chung ah Biaknak lei rianttuan tu hna nifatin a tlai tu le that tu, cun mipi hna thilri fir tu le umnak inn khaang tu Min Aung Hlaing ralhraang pawl hi lehrulhnak kan tuah hna lai tiah Chin National Defense Force (CNDF) nih thanhca an chuah cang. Hriamnaam bochan in nawl neihnak ningcang loin an laak hnu ah Myanmar ram pi chungah ummi Biaknak lei rianttuan tu hna tiang ningcang loin a tlai tu le that tu,

Cun Biakinn le mipi umnak inn zei ruat loin khaang tu Min Aung Hlaing ralhraang pawl nih Chin ramkulh, Falam peng Tuphei khuami pa 2 hna cu minung lungput nei loin an thah hna. Cun Falam in Hakha lei le Rih lei an kainak lampi ah lamkam um khuami hna cu meithal puah in an tlerh hna, khuami hna nih an zuatmi sattil, Ar le Vok an thah piak hna hlei ah an duhmi thilri paoh an fir, an laak,

Cun Rial Ti khua Biakinn pakhat telh in khuami hna inn le Thlanrawn khua inn 12 an khangh chap rih. Ralhraang nih an thah hnami hi Tuphei khuami Thawng Lun Mang (kum 34) le Salai Thawng Nei Maw hna an si, an thah hna hnu a luan ciami October ni 13 ah khan an ruak cu lamkam ah an char hna, thah tongmi Thawng Lun Mang hi a mit zawn ah meithal kahnak hliamhma um bantuk in,.

Salai Thawng Nei Mawi hi a paw zawn ah meithal zun 4 kahnak hliamhma um. Minung lungput le ruahnak nei loin khuami hna that tu le biakinn le khuami hna inn a khaang tu Min Aung Hlaing ralhraang pawl hi Chin National Organization (CNO.CNDF) nih lehrulhnak kan tuah hna lai tiah nizan Ocotber ni 14 ah khan thanhca an chuah.

October ni 13 le ni 14 ah Falam khua in raltuknak ttheng pa 2 telh in motor tam nawn he a rak chuakmi Min Aung Hlaing ralhraang pawl cu Lungpi khua le Thlanrawn khua kar ah CNDF, CDF hna nih an doh hna bantuk in Hakha khua lawnh ka, Hniarlawn khua pawng zong ah CNA le CDF hna nih ralhraang pawl dong ding in kalmi pawl an kah ve hnanak ah ralhraang 10 nak tlawm lo an thi.