Thihdaar CNA Lance Corporal Andrew fapa Van Cung Bik tlangrai in a nunnak liam – CNA i Lance Corporal Andrew (Mara) le Pi Hawi Khin (Khumi) hna i an fahniang Pa Van Cung Bik (Van Cho Bie) thla 5 cu tlangrai in nihin October 14 zinglei ah a nunnak liam.
“Apa hi ralram ah a um lio a si i nufarual hi Camp ah an um ngam ti lo ruang ah Mizoram ah an um. Pherh inn tangte ah harsa ngai in an um lio ah an fapa cu a nunnak a liam. Chungkhar zawnruahnak he bulhnak pe cio ding in kan sawm hna,” tiah Olivia Nu Cinzah nih a facebook cahmai ah a langhter. RIP
PAC tawlrelnak Thantlang ralzaam tangka le facang bawmhnak pek October 14| Thantlang Placement Affairs Committee (TPAC) tawlrelnak in ramchung ramleng bawmhnak cu Thantlang ralzaam cheukhat hna sin ah tangka le facang an pek hna, tiah kan theih. “Thantlang peng khuate i aa dor mi minung 500 tluk sin ah minung pakhat ah MMK 30,000 cio TPAC nih bawmhnak kan pek hna.
Naupawi, pumtlinglo le kum nga tang ngakchia hna hi a hlei in bawmhchanh an si,” tiah TPAC nih an thanh. Cun, Bual peng le Vailam tlang khua kip ah ralzaam hna caah tiin, khua khat ah facang tun 5 cio caankarlak eiding an phawt hna, tiah kan theih. Arauhhlan ah Thantlang peng khuate dihlak ah bawmhnak phakter khawh kan i zuam lai, ti zong an thanh fawn. Author Avatar The Hakha Times
Kan hnu lei ASEAN Summit ah meeting kaimi vialte hna nih Kawl ralhraang pawl nih tuah ding le zulh ding tiah hnatlaaknak an rak tuahmi thil pa 5 hna cu Kawl ralhraang pawl nih zeirel lo tuk in nihin ni tiang pakhat te zong an zulh, an tuah duh lo hlei ah mipi cungah thahnawnnak a tuah pengtu ralhraang pawl an pu simi Min Aung Hlaing hi ASEAN Summit ah tel ter lo ding in,.
Philippines Foreign Minister simi Teodoro Locsin Jr nih a chim. ASEAN Summit ah zapi hnatlaaknak rak tuahmi thil pa 5 tuah duh lo tu le a zul duh lo tu Min Aung Hlaing hi ASEAN Summit ah kai ter lo ding, ASEAN timi phu cungah ram mipi hna nih an neihmi zumhnak le ningzahnak hi a biapi tukmi si tiah Philippines ramdang vuanci Teodoro Locsin Jr nih cun fiang tak tak in a chim ko cang.
ASEAN nih Brunei ram foreign Minister pa cu ASEAN Special Envoy ca ding ah an thim nain Min Aung Hlaing le a ralhraang pawl nih Daw Aung San Suu Kyi he ton biaruah ternak caan ttha pek an timh lo ruangah nihin ni caan tiang ASEAN Special Envoy zong Kawlram a rak tlawng kho rih lo.
Cu ruangah ASEAN he hmunkhat ah rian a ttuan duh lo tu Min Aung Hlaing he tutan October ni 26 in ni 28 tiang tuah dingmi ASEAN Summit ah tel ter lo ding le sawm lo ding in ASEAN ramdang vuanci pawl thaizing October ni 15, kum 2021 ah ceimainak le biachahnak an tuah lai.
Leave a Reply