Khur chung ah a dor mi Chungkhar Zapi ning in an nunnak aliam Karen ramkulh, Hpa- an peng Kawhyinuk khua komh Sinkpine ( Kanah Soe Kone ) ah khua sa mi chungkhar minung 4 cu tuzing Suimilam 9:00 hrawng ah bomb puah thawng a thang i zam nak ding ah an tuah mi khur chung ah an zam nak ah an chungkhar ning in an nunnak aliam tiah kan theih. Hi khur cu aluh nak akauh pe 2 , athuh pe 6, a tang a kauh pe 14 a si, thaw dawp ding a um ti lo ruang ah maw a si hna, khur chung ah fikfa si an kah caah fikfa sii a khuvai an i hap ruang ah dah an thih nak a si hna theih khawh a si rih lo. The Irrawaddy
Vaurawng zunthil nih Lian Hmung Sakhong bia ruahnak an ngeih mi ah a chim mi cu MAH ralhrang nih Victoria Camp a tuk ding an a ra lio a ti. A luan cangmi caan zeizet ah khan Camp Victoria kan tuk lai an timi biathli cu NUG nih kan theih cang a ti. A tu hi mawtaw 52 in mimung 700 hrawng cu kawl lei in Chin ram an tak panh thluahmah cang. Kalay ah a tu hi an um lio si. Camp Victoria tuk a timh caah Laitlang lei a rak kai cawlh lai a ti. Kan tei hriam hna lai, a ruang cu Lai mi cu Jesuh kha kan bawi ah kan chiah i a nungmi Pathian he ral kan tu a ti.
Hihi Min Aung Hliang nih a thei loh a ti. Min Aung Hlaing nih Chin mi a kan nek tuk caah fawi tein ka tei lai tiah a ruah. A ruah bantuk kan si lai lo. Rak ra tuah seh a theih lai a nungmi Pathian nih a kan dohpi lai. Kan tih naisai hna lo tiah a ti. A nawlh rih mi cu nu vialte le mino vialte nih MAH ralhrang an si khawh tawk cio in an doh mi hi a tih bik mi a si tiah a ti. A bia donghnak ah a tu hi Victoria Camp laak ding ah an rak kai cuahmah cang Kalay an phan. Lampi thluangthluan ah kan kah hna lai kan doh hna lai, lung kan hrilh hnawh hna lai i kan tei hrimhrim hna lai. Crd: Vaurawng Zunthil Zoom Meeting
Leave a Reply