American Vice President Kamala Harris Covid-19 Zawtnak A Ngei
American Vice President Kamala Harris cu cacawn nithumni ah khan Covid-19 a ngeih nak kong cu The White House nih thanh nak a tuah tiah theih a si. American ram pi cu Covid-19 a phak hlan bantuk dir hmun an phak dingin an i zuam cuah mah buin, tatmat mi pawl khamkhawh ding in an i zuam cuah mah lio ah American ramh chuing ah Covid-19 zawtnak a ngei mi, mi tampi an um rih ko tiah theih a si.
American President Joe Biden zong, Jill Biden zong nih Vice President Kamala Harris he neihniam in an um lonak kong cu Vice President i, thawngzamh thianhhlimnak ah Kirsten Allen nih a chimnak in thawng theih a si.
” Ka pum chungah Covid-19 zawtnak a lang rih lo nain, kei cu hmun kaa dang tathmat nak ah ka thu ka dir i, CDC zulh phung lam zong ka zulh ko” tiah American Vice President Kamala Harris nih a chim. Kum 74 a si cang mi American Vice President Kamala Harris cu Pfizer antiviral, Paxlovid a din piak lio a si ti zong in theih a si. Crd-Popular News Journal
Thawngdang,Ni 3 Chung Ah Minkin Peng Khuathum Inn 270 Leng Mei In Khangh An Si, Sagaing ramthen, Minkin peng chung Than Pauh, Yin Ka Lay le Luang Pyih khuathum in ni 3 chung ah SAC ralkap nih inn 270 an khangh i kahdohnak zong a chuak, tiah khua mi hna nih an chim.Tan Pauh khua cu April 25 ah SAC ralkap Khah-Mah-Yiah 87 in ralkap 150 hrawng le Phyo Saw Htee nih hriamngan in an kah lengah an duah, tiah khua mi pakhat nih RFA ah a chim.
Inn 300 hrawng a si mi Tan Pauh khua mi cheukhat hna cu SAC ralkap an luh hlan in an zaam cang i, khuachung ah cun PDF le khua mi tlawmpal lawng an tang, tiah a chim. Yin Kalay khua le Luang Pyih (လောင်ပြည့်) khua mi hna zong SAC ralkap nih khua an duah hlan ah khua cu an zaamtak cang, tiah a chim chap. Khuachung ah cun SAC ralkap nih bomb an hmanh i, khua mi a zaam mi hna zong an umnak hmun in an tlun khawh lo caah PDF nih eidin an pekchanh hna, tiah theih a si.
Leave a Reply