American Ah Sianginn Kai Dingin Sawkmi An Tam Tuk Hringhran Cang

E0EYM7 Syracuse, New York, USA. 11th May, 2014. Students gather for the 160th commencement ceremony of Syracuse University at the Carrier Dome in Syracuse, New York. (© Nicolaus Czarnecki/ZUMAPRESS.com/Alamy Live News)

American student visa hi a sawkmi an tam tuk hringhran
===========
American student visa hi a sawkmi an tam tuk hringhran caah visa reject a tam tuk, tulio dirhmun in English a thiam tuk lomi caah ruahchannak a um tuk ti lo.

Australia student visa kong cu fiang tein kan thei kho cio rih lo. Ielts score 5 point 5 cung ngah ahcun ruahchannak a tam deuh. Ielts loin visa ngah khawh a si lai maw ti cu hohmanh nih fiang tein kan chim kho rih lo, a ngahmi zong tutiang an um rih lo.

Cucaah, hlen na ton nak hnga lo na phaisa na pek hlan ah thil sining fiang tein kherhhlai hmasa a tha bik. Thlachiat ruat lo minung an karh caah i ralrin lo cun a lak in phaisa tampi sung khawh a si.
By; lunthlitum

News Dang, Ralhrang hna cu Miphun unau hritlai cungah thatlonak atuah tu an si tiah National Unity Government nih a chim.
Ralhrang lei nih raltuk nak vanlawng pawl, hriamnam ngan hna in faktuk in adoh mi hna hi miphun unau hritlai cungah kil veng ding in an tuah mi, zulh ding, upadi hna a hrawk mi an si tiah National Unity Government nih nihin ah thawng an thanh.

Ralhrang nih Kachin, Kayen, Kareni, Chin le Shan State, Sagaing le Mago ramthen hna chungah raltuknak vanlawng pawl, raktuknak motor, Helicopter hna ahman in adoh hna caah mipi athi mi an tam ii thong tam pi mipi nih an inn an lo kaltak in an zam dih.

Mah kahdoh chungah ralhrang ralkap phu hna nih mi tampi akahthah mi pawl, Inn le lo ahrawh akhangh mi pawl, khuami hna le mipi pawl satlaih hna ii ral minung fa lonangin atuatto mi zong an um len hna. January 12 ah Karen National Union, Mokyaw pengkulh,

Duanluu pengkomh hna chungah ralhrang nih van lei in a kah hna caah Waakhada le Laythuphu Siiinn zong bomb in ahrawh piak akah piak hna. Vawlei cung Ram pumpi phu cheukhat nih an langhter mi cu ralhrang nih hramhram in uhnak alak caan 2021 Febaruary ni 1 in,

November 30 tiang ah ngandam nak lei rian tuan tu 355 cu an doh hna ii rian tuan tu minung 288 cu an tlaih hna. Siinn, Sidawr 113 cu kal hnawh in adoh caah alak piak hna pin ah riantuantu minung 31 cu athah nak hna aruang cu National Unity Government, ngandamnak lei rian tuan tu lei nih nihin ah thawng athanh.

Ralhrang nih sualnak atuah mi cungah kan pawm kho lo tiah Geneva Convention le United Nation Security Council tel in ram cung upadi, ram pumpi upadi ahrawktu azul duh lo mi ralhrang cu ram pumpi nih a caan um lio ah kan kham piak ko uk tiah National Unity Goverment nih ahal hna.

National Unity Goverment lei zongin Ralhrang nih athah hna adoh hna caah ralzam in a um mi mipi hna cu bawmh ding le a himnak hmun an phanhter khawh nak hnga a phunphun in zuam lio a si nak kong le ralhrang nih kahthah nak atu le tu in atuah mi cungah vawleicung ram pumpi upadi in dattat ding in tuah lio pi asi tiah National Unity Goverment nih an chimh.

Be the first to comment

Leave a Reply

Your email address will not be published.


*