American Ramdang Vuanci Le NUG Cozah Ramdang Vuanci Tonbiaruahnak An Ngei!!

American Ramdang Vuanci Le NUG Cozah Ramdang Vuanci Tonbiaruahnak An Ngei

May be an image of 3 people, people standing and indoor

American ram Washington DC khuapi ah a phan mi NUG Cozah ramdang vuanci Daw Zin Ma Aung telin NUG palai cheukhat hna zong American ramdang vuanci zung (Assistant Minister of Foreign Affairs) a si mi Wendy Sherman he May thla ni 22 ah tonnak an ngei hna tiah theih a si.

May be an image of 3 people, people standing and indoor

Ramdang vuanci wendy Sherman nih hramhram in uknak a laa tu SAC ralhrang i, a sualnak, mipi a neksak nak in a khat mi Myanmar mipi hna caah a fekmi bomhnak peek a si lai i, Myanmar Democracy tlam cungah  a kal khawh nak hnga dingah thazaang peek dingin biakam a peek tiah theih a si.

May be an image of 3 people, people standing and indoor

Myanmar buainak cu daihnak phisin khawh nak hnga ding caah American ram cu, ram dang a hoikom hna he ifuntomin tuanvolak a si lai nak kong, Myanmar buainak zong a daihkhawhnak hnga, pehzulhin bomhnak peek a si lai nak kong cu Amrican ramdang vuanci nih a chim.

May be an image of 3 people, people standing and indoor

Cu pinah hramhram in uknak a laa tu SAC ralhrang i, a tuahsernak a sualnak kong le a neksak nak nih a chuah pi mi, minung sining in a dohkhalh mi, sahrang lei in pehtlai zongin danpek ding tiah a chim. NUC ramdang vuanci i aral tthatnak, Myanmar ram caah tuanvolak nak, Myaanmar mipi telin zapi caah a lunglomhnak kong zong a chim tiah theih a si.

May be an image of 3 people, people standing and indoor

Relchap, Myanmar Defense Force(MDF) nih vanlei ralvennak, rifle 6.6 kuan hmang mi, hmunhlat kahnak ah hmanmi rifle phunkhat kan ser mi cu a hlawhtling cang, tiah cathanh an chuah. Vanlawng kahnak taktak bantuk in a thawng mi cu a si lo nain, ṭhathnemnak tampi a ngei, tiah an chim.

May be an image of 3 people, people standing and indoor

Zeitluk hlat tiang dah a kah khawh cu fiang tein chim awk a ṭha rih lo.Zeiruang ah ti ah cun zei tluk tiang a kah khawh kan chim ahcun cunak hlat sang in vanlawng an zuang sual lai. 1km nak sang tinh mi hmun cu ṭha tein a kah khawh.

May be an image of 3 people, people standing and indoor

Hi hriamthil hi voi tampi zohchunhnak tuah in a tlamtlin hnu ah kan langhter mi a si, tiah Myanmar Defense Force(MDF) in ṭuanvo ngeitu pakhat nih a chim.Kan ser mi hriam cu vanlawng kahnak taktak bantuk in a thawng lo na in, hriamthil tampi he hmunkip in ṭan khawh ahcun a ṭhawng mi hriam a si kho, tiah a chim chap.

May be an image of 3 people, people standing and indoor

Thawngpang dang. Kahdohnak kong CNF nih thanhnak an tuah cang. Ralhrang kawlralkap le CNA, CDF-Thantlang, CDF Zophei le CNDF fonh hna cu May nithum in May niruk tiang kahdohnak a tlawmbik voithum a chuak. Hi kahdohnak ah ralhrang kawlralkap minung 34 an thi i, minung 20 nak tlawmlo hliam an tuar.

May be an image of 3 people, people standing and indoor

Kahdohnak hmun hna cu Hakha le Falam karlak Ramthlo le Tlangzar cun Taal khua ah a si. Hakha khuapi kalay lei in ralhrang kawlralkap hna cu motor 27 le tank pahnih, ralhrang hi minung 150 hrawng an si lai. Cu hna cu mipi ralkap fonh hna nih kah an si. Ralhrang hna nih Ramthlo ah inn 10 an khangh.Cun Tlangzar khua UPC biakinn he inn 16 an khangh rih. May Ni kua ah Falam in Kalay lei ah ralhrang hna cu an kal i, CNDF nih an bomb in an puah hnawh tthan i ralhrang minung pali an thi.

May be an image of 3 people, people standing and indoor

Matupi in Mindate lei ah a kalmi ralhrang hna cu May ni 7 in niriat ah CDF Mindat nih an kah hna i ralhrang 30 nak tlawmlo an thih pin ah tamtuk hliam an tuar.May nithum in Niruk tiang Hakha le Falam karlak tukdohnak ah mipi ralkap lei CNA in minung pali le CDF Thantlang in minung pali nih ram le miphun caah an nunnak an pek tiah an langhter.

May be an image of 3 people, people standing and indoor

Be the first to comment

Leave a Reply

Your email address will not be published.


*