American Ram Mary Timi Nu Cu Kum 40 A Rauh Hnu Lawngah An Hmuh E!!

286279626_1683964571978015_6245139732033924419_n

Holy Mary Cu Kum 40 A Rauh Hnuah An Hmuh Than
==============
American ram Texas state ah nu le pa thah piak a ton lio 1980 kum hnu ah a tlau mi hngakchia pakhat cu kum 40 a rauh hnu ah a nungin an hmuh tiah theih a si. Thahpiak a si mi nu le pa Tina Gailing Claude le Haroldin Claude Junior hna cu zeibantuk minung an si nak kong, zohfel hlethlaitu hna nih kum tampi chimphuan dingin an i zuam hnu ah, a tu kum 42 a si cang mi Holy Mary cu nu bu le ngandam tein an hmuh tiah theih a si.

Tina Gailing Claude le Haroldin hna cu Florida in Texas lei ah an rak ii thial lio 1980 kum hnu ah an tlau tiah theih a si. Thitum nak an tuah nak a sau rih lo mi nuva hna pahnih cu thla tlawmpal a rauh hnuah Houston khuapi ram laak ah an thih hnuah hmuh an si tiah theih a si. An fa nu a si mi Mary cu kum 4o a rauh hnu ah Oklahoma ah nun buin an hmuh ii fanu le fapa pa 5 a ngei cang tiah theih a si.

A rau tlau lio ah hin hngakchia tleirawl te lawng a si rih tiah theih a si. Holy Mary a tlau hnu ah a mah cu Arizona ah a um mi Biakinn pakhat nih a cawm tiah theih a si. A mah cu Biakinn ah a um mi nu pahnih hna nih mah Biakinn ah cun an kal pi hi a si tiah theih a si. Holy cu hmuh tthan a si cang tiah thawngpang theih nu ah a pi nih lomhnak bia a chim tiah theih a si. ” Kum 40 chung thlazaa ka caam ii a tu bantukin ka hmuh tthan tikah Pathian ruangah a si, Pathian khuakhan ruangah a si .” tiah a chim.

Magwe ramthen, Yezakyo peng, Sin Pyo Shin hlei SAC ralkap Gate cu PDF nih June 9 ah an kah i SAC ralkap 3 an thi 1 a nung in an tlaih, hriamnam tam ngai an lak tiah mizapi vengtu ralkap – Yezakyo nih cathanh an chuah. Hi hlei gate kahnak ah cun, Yezakyo PDF , Myaing PDF, SaLingyi ( Salingyi Special Task Force ) hna an i bawm i nihin May 10 chun Sml 12:00 hrawng ah an lak khawh. Cu kahdohnak ah SAC ralkap 3 an thi , 1 a nung in an tlaih, SAC ralkap tampi an hliamhma he an zaam. G-3( 4,), Ushi ( အူစီ ) – 3, hriamngan 1 le kuan 1000, Cycle 1 kan lak khawh i sakhan cu mei man khangh tiah an langhter.

Irawaddy ramṭhen, NgaPuTaw peng chung um sianginn hna cu, SAC ralkap nih tualchung mi an hngahter hna, tiah theih a si. “2022-2023 cacawn kum i sianginn hun mi hna cu zan he chun he SAC ralkap nih, tualchung mi an hngahter hna. Thilman a kai tuk lio caan le rianṭuan awk a har tuk lio caan a si i, ṭuan chom eimi hna ca ah a har tuk,” tiah tualchung mi pakhat nih a chim.

“Sianginn cu zinglei ah minung 3, zanlei ah minung 7 tiin an hngahter hna. Sianginn a hngak kho lomi chungkhar cu, khuabawi sin ah 3000 an liam. Zung kaimi chungkhar an um cun an hngahter hna lo. Rian har lio caan i an hngahter mi hna hi ṭuan chom in a nung mi hna ca ah cun a fawi lo, an lung rawk tuk, tiah a chimchap.

Sianginn a hngak duh lomi cu rampi nan dohkalh tiin dat kan tat hna lai, tiah NgaPuTaw peng Laikchaung khua, khuabawi Khin Soe nih a tlerh hna, tiah tualchung mi hna nih an chim. NgaPuTaw peng sianginn hna ah 2021 cacawn kum i sianginn aa apmi an tlawm tuk ko nain, 2022 cacawn kum belte sianginn aa apmi an tam ngai, tiah theih a si.

Sagaing ramṭhen, Myaung(မြောင်) peng lei ah a kalmi SAC ralkap pawl cu, nizan June 9 zinglei ah kan kah hna i SAC ralkap 15 hrawng an thi, tiah Myaung Peng PDF- CDSOM ṭuanvo ngeitu nih a chim. Myaung peng ZaYetNi(ဇရပ်နီ) khua pawng ah zing sml 6:00 hrawng ah kahdohnak a chuak. Cu kahdohnak ah bomb hri an pah caah lung thum an puak i a thimi an tam, tiah a chimchap.

“SAC ralkap cu zing sml 6:00 hrawng ah ZaYetNi khua in an ra. Sml 7:15 hrawng ah kan kah hna i SAC ralkap 10-15 kar an thi. Kan kahnak hna ni pe 300 hrawng hlat in kan kah hna,” tiah CDSOM ṭuanvo ngeitu Bo Min Ya Khah nih a chim. SAC ralkap nih 60 mm le 40 mm hriamngan in an kah hna caah PDF ralkap pakhat phei ah a khen ko nain hnu kan kir kho, tiah a chimchap.

Kahdohnak a daih in rallam a sialmi SAC ralkap pawl cu, ZaYetNi khua inn 2 an khangh pin ah Myuang peng MinHla khuami 3 zong an tlaih hna. MinHla khua phungki umnak ah umhmun an khuar i, hliamhma pumi SAC ralkap cu an thlop hna, tiah CDSOM nih an langhter. Cu kahdohnak ah CDSOM phu, Myaung PDF, Myaung Union Army(MUA)၊ PDF TALOKE၊ GGG၊ MGM RANGER၊ MGM TIGER 35၊ MGN 21 le SHWE OH phu hna i bawm in an kah hna, tiah theih a si.

Sagaing ramṭhen, Kathar peng chung ah SAC ralkap motor pakhat cu RPG in kah a ton caah ralkap 5 nak tlawm lo an thi, tiah theih a si. June 9 zanlei sml 2:45 hrawng ah Kathar peng PinMaLut(ပင်းမလွတ်) khua in a chuakmi SAC ralkap motor pathum cu, meng 8 an phanh ah Kathar PDF Battalion 1, thiamhlei Companny nih lamhruang in RPG in an kah hna caah motor pakhat a rawk, tiah Kathar Pah Kah Pha nih cathanh an chuah. A thimi le hliamhma pumi hna cu zanlei ah Kathar in mizaw phorhnak motor in a rak laak hna. SAC ralkap 15 nak tlawm lo an thi i, tam ngai hliamhma an pu, tiah an langhter.

“Kathar peng chung ah thawng petu kan ngei hna. Thawng fiang a kan pekmi ning in SAC ralkap 15 nak tlawm lo an thi,” tiah Kathar sang No. 5 ummi pakhat nih a chim. June 9 Kathar khua chaklei, WayKyi khuakomh chung ah Kathar Pah Kah Pha le ṭangṭi phu nih SAC ralkap cu bomb an puah hna hi a si. June 9 chun sml 12:30 hrawng ah Kathar khua in a chuakmi SAC ralkap motor 3 cu, lamhruang in Kathar pengkomh PDF le ṭangṭi phu hna nih bomb an puah hna nain an bomb a puah lo caah kaphnih kar kahdohnak a chuak, an langhter.

Post Views: 6

American Ram Mary Timi Nu Cu Kum 40 A Rauh Hnu Lawngah An Hmuh E!!

Be the first to comment

Leave a Reply Cancel reply