American President Joe Biden Nih Ukraine Ram Caah Thawngpangttha Taktak Thanhnak A Tuah Cang!

Ukraine Ram Ah 150 Milion Dollar Man Hriamnak Kuat Ding Ah Biden Nih Thanhnak A Tuah Cang

Ukraine ram caah American president Joe Biden nih May thla ni 6 ah U.S Dollar 150 man a si mi hraimnam pawl kuat dingah min a rak thut cang i, Russia kahdohnak hnawn nak caah hraimnam ttha tha pawl cu U.S nih a kuat nak kong cu Reuters thawngzamh in theih a si. ” A tu ah Russia an ral pawl hna cu a dohkhamtu Ukraine miralttha hna caah kan mah lei in feh tein cohlan nak caa zohter hna dingah  pehzulh in kan i zuam peng k.” ti zong in Biden nih a chim.

February ni 24 lio zong ah Stinger, Javelin dungci, Lead ammunition, nai te ah an chuah thar mi (Ghost), a mawngtu um lo mi vanlawng , Hong Weisser telin hraimnam dang 3.4 Billion man American nih bomhnak a peek cang ti zongin theih a si. A tu bomhnak pek chap dingah Dollar 150 million man a si mi, 25,000 mm (155 mm) cannonballs, Cannon counter radar, khamnak thilri pawl, kun lengah hman mi thilri pawl le a dang thilri pawl an i tel lai tiah Biden nih tgeihternak a tuah cang tiah American nawl ngeitu pakhat nih a chim.

A tu Ukraine caah hraimnam bomh hnga ding hi U.S hluttaw nawl peek loin President nih nawl ngeihnak kut chungah atang mi U.S Dollar 150 Millions hi a si tiah theih a si. A luan cia caan zong ah Biden nih Ukraine cu raltuknak caah 20 Billion dollar bomhnak peek dingah a ram chim. Mah kong hi hluttaw nih biachahnak a tuah cang lai tiah theih a si.

Relchap, Kum 2019 cazin ning in Kaya ramkulh chung minung dihlak 390210 an um i, cu chung ah minung 199615 cu ral an zam (zatuak 51.16) tiah ISP- Myanmar nih a langhter. Demosoe peng in minung 78265, Loi kaw in 52311, Phekhung in 51000, Hprosu in 6903, Phasawng in 4000, Bawlah in 3741, Shiaṭaw in 2395 le Mayseh in 1000 an si.

Vanlawng kahnak le a dangdang in a thimi mi sawhsawh hi 2021 May 21 in 2022 April 30 tiang ah 112 an si. A thimi hna chung ah SAC ralkap nih an thahmi, hriamngan kuan nih a khenmi le kahdohnak ah a zam kho lo i, a thimi hna an i tel tiah ISP-Myanmar nih a langhter. SAC ralkap nih mizapi inn an khanghmi le hriamngan in an kah i a rawkmi hi 2021 May 21 in 2022 April 30 tiang ah 714 nak tlawm lo a si. Cu cung ah Khrihfa biakinn le biaknak he aa pehtlai mi inn pawl zong aa tel tiah theih a si.

Myanmar ram pumpi in dohthlennak tuah hnu May 6, 2022 nikhat chung kahdohnak ah SAC ralkap 40 an thi tiah Yangon Khit Thit nih a thanh.Cazin ning ah SAC ralkap a thi mi hi Karenni ramkulh Demosu ah 1, Sagaing ramthen Pale peng ah 2, Khin U peng ah 19, Magway ramthen Pauk peng ah 1, Myaing ah 12, Taningtharyi ramthen ah Boh pin (ဘုတ်ပြင်း) ah 1, Mandalay ramthen Pin Oo Lwin ah 4, an dih lak 40 an si. Pauk peng ah PDF 2 an nunak liam.

Sagaing ramṭhen, Kata peng Pinlaypin khua kam April 30 ah, SAC ralkap le PDF kahdohnak a chuah dih in sualnak ngei lo khuami 4 SAC ralkap nih mei in an khangh hna. A luancia April 30 lio ah Kata peng Pinlaypin khua kam pe 50 lam pawng ah mei in an khangh hna hi a si. Mei khangh a tongmi hna cu- Myo Thant(kum 44), Myint Ṭin(kum 42), Soe Moe Aung(kum35) le Win Myint(kum 34) hna an si. Khuami 6 zong SAC ralkap nih an tlaih hna, tiah theih a si.

A luancia April 30 zing sml 10:30 hrawng ah Pinlaypi khua in Chauhmyathna(ခြောက်မျက်နှာ) khua lei ah rallam a sialmi SAC ralkap pawl cu, Kata- PDF Battalion 3, Kata Pah Kah Phah fonhkomh phu hna nih kan kah hna caah SAC ralkap 15 an thi, 20 hrawng hliamhma an pu, tiah Kata-PDF in cathanh an chuah. A luancia April 27 in 30 tiang ah Kata peng Inn khua komh ah SAC ralkap nih khuami 30 cu, ral i khamhnak ca ah an tlaih hna. Inn khua, Pinlaypin le Samonsuh khua ah inn 15 nak tlawm lo an khangh pinah Sui le ngun sing 2000 leng man an fir, tiah Ka ta- PDF nih cathanh an chuah.