Al-Shabaab sahrang pawl cu phihkham tuk ding in Somalia ramah American ralkap pawl va thlah hna dingin Pentagon headquarters minthut hal mi cu American president Joe Biden nih biachahnak a ngeih nak kong cu May thla ni 16 ah a chiah tiah CNN thawngzamh nih theih ternak a tuah.
Mah thil tuah mi hi kum 2020 lio i, Somalia ram chunagh American ralkap pawl an zaa piin laak dih dingin President hlun Doland Trump biachahnak cu dohkhalh a si tiah theih a si. American cu Somalia cozah he i ceihhmai in nichuah lei Africa hmunram ah American ralkap pawl cu va thlah than nak hnga ding kong cu May thla ni 16 ah American ram nawl ngeitu pakhat nih thawnghaltu hna sinah theihternak a tauh tiah theih a si.
American ralkap minung 500 hrawwngcu Somalia ram ah vakuat hna dingin thawngpang a leng ko nain American nawl negitu hna sinin thawng fiang theih a si rih lo. A si nain Donald Trump cozah kut lio ah, American ralkap traning tuah mi 750 hna cu Somalia ram ah an kua tthan ti hna lai lo tiah theih a si.
“Ngaihchiat tuk a si mi cu Al-Shabaab sahrang hna nih American pawl cu ihmuihtinh in kah dingah timhlamhnak a ngei i, kah doh khawh nak thazaang an ngei lai ti cu ka ruah lo, tiah ka hmuh” tiin American in nawl mgeitu pakhat nih a chim.
Relchap, Sagaing ramṭhen, Yinmarbin peng Banhbuai khua ah umhmun khuarmi SAC ralkap le Pyusawthi pawl cu PDF ṭangaṭi phu hna nih nizan May 17 zanlei ah an kah hna, tiah theih a si. Hriamngan he hriamhme he kan kah tuk hna caah SAC ralkap le Pyusawthi 21 nak tlawm lo an thi, tiah PDF ralkap pakhat nih a chim. “Nizan May 17 zanlei sml 4:00 hrawng ah hriamngan he hriamhme he kan kah hna i Kan i kah lioah ruah a sur, thli zong a hrang ngai. Banhbuai khua cu Pyusawthi an tamnak khua a si. Kan theih ṭhannak ahcun Pyusawthi 20 leng an thi, tiah kan theih. Hriamngan deuh in kan kah hnanak a ruang cu hriamhme kan ngeih lo caah a si,” tiah Next Generation Hope phu in ralkap pakhat nih a chim.
Cu kahdohnak ah sml cheu chung hrawng a rau, tiah theih a si. “Mizapi nih nanmah le si khawhnak zawn cio in nan kan bawmh dingah kan in nawl hna. Meithal le kuan tlamtling in kan ngeih ko ahcun SAC ralkap le Pyusawthi pawl fawi deuh in kan tei khawh hna lai tiah,” Next Generation Hope in ralkap pakhat nih a chim. Cu kahdohnak ah Next Generation Hope၊ Daunglulin PDF၊ Chindwin Tiger Force le ṭangṭi PDF hna i bawm in an kah hna. Hliamhma pumi pakhat pahnih an um, theih a si.
Kani peng Mya Thein Tan Phayakung(မြသိန်းတန် ဘုရားကုန်း) in a kalmi SAC ralkap 200 hrawng cu, nihin May 18 ah PDF hna i bawm in voihnih kan kah hna, tiah Kani People’s Defense Force-KLG in ṭuanvo ngeitu pakhat nih a chim. Nihin May 18 zing sml 6:30 hrawng ah voi khat an i kap, sml 8:00 hrawng ah khua cu mei inn an khangh dih in, rallam an sial lioah bomb voihnih an puah hna caah SAC ralkap 25 hrawng an thi, tiah theih a si.
“Yebutalin(ရေဘုတလင်) khua an khangh dih in rallam a sialmi SAC ralkap pawl cu, bomb kan phummi nih a puah hna caah 15 hrawng an thih cu kan hmuh hna. Zinglei ah hriamngan in kan kah hna i a tlawm bik 10 cu an thi lai. Bomb lung 5 in kan puahhnawh rih hna. SAC ralkap pawl cu Wachaung khua lei ah an kal i, mizapi umnak inn cu mei in an khangh,” tiah KLG-PDF ṭuanvo ngeitu pakhat nih a chim. Cu kahdohnak ah KLG PDF၊ M&K the Boy၊ People Defence Army Yinmarbin (PDA) le tualchung Pah Ka Pha hna i bawm in an kah hna, tiah theih a si.
Leave a Reply