Alaw Bum kahnak ah, bawmh dingin a kalmi ralhrang ralkap 200 cu KIA nih an phomh hna

Alaw Bum kah nak bawmh dingin a rak kai mi ralhrangbu 200 hrawng cu KIA nih Bomb he an thuat caah a thi mi le hma a pu mi cei lak an um tiah mipi sin in theih a si.

May ni 10 zing suimilam pali le cheu hrawngah ralhrangbu minung 200 hrawng cu lam ah Bomb he voi 5 renglo thuat an si tiah khua mi pakhat nih a chim.

“Rallokap pawl hi Alaw Bum lampi ah a rak kai mi an si. KIA nih an kamh mi an lamh mi a si Mah hmun ah Suimilam cheu hrawng an in kap, Ralhrangbu lei an cei deuh caah hnulei kir ding hmai ah kal ding zong an in harh ngai tiah kan theih” tiah a chim chap.

Alaw Bum lei a kal mi hi an i thawhnak Ni 3 hrawng a si cang, an kal nak lam (Shang Htung Bum) ah a taap mi rallokap pawl bawmh dingah ei din he a kai mi an si i, KIA nih ei le din an phih piak mi pawl zong an um tiah theih a si.

Mah kong he pehtlaihin KIO Headquarter nih confirm fehter mi cu a si rih lo.
Bhamo-Laiza Motor lam nichuah lei Tower taing camp cu KIA nih an chuah tak hnu ah ralhrangbu pawl nih Alaw Bum lei ah vulei lei thazaang an in chap mi hi a si.

The Chin Post