Inpat Khuah A Zaam Kho Lo, Kum Upa Tar lawng An Tang
Sagaing ramthen, Khin U peng chungah a um mi, inn 500 leng a si mi Inpat khua cu SAC ralhrang nih an inn le loo an hrawh piak hna, mei in an khang piak hna tiah theih a si. Tu ni suimilam 12:50 hrawngah Ye Oo khuapi lei in a ra mi SAC ralhrang motor pa thum he Yo Thit Kung Pyusawhtee 100 hrawng nih chun lai Suimilam 2:30 tiang inn mei an khangh tiah Khin U Local Guerrilla Force nih cathanh a chuah.
Meikhum zaam a tam chinchin lengmang caah SAC ralhrang pawl khuachungah an um rih ko i, khua chungah a zaam kho lo mi tar lawng an tang tiah theih a si. Khin U khuapi pawngah a um mi khuami pakhat nih ” Khua chungah ah a zaam kho lomi kum upa tar lawng an tang, inn an khangh mi zat cu theih khawh a si lo.
Kan khua te cu a lang patlang lawng in kan zoh , zei hmanh theih mi cu a um rih lo.” tiah a chim. Nizaan zaan lei sangah Inpat khua ah SAC ralhrang ralkap thazaang 100 kong an rak luh nak kong, Khua chungah an i chawkleh i suimilam 8 hrawng ah eidin rawl an laak i an kir tthan nak kong, Pa minung pathum Ye Oo khuaah an tlaihnak hna kong cu Khin U Local Guerrilla Force nih cathanh a chuah.
Hakha Cawbuk Sang Mino 5 An Tlaihmi Hna An Thlah Tthan Cang Hna, April 30 zan suimilam 6:00 hrawng ah cawbuk mino 5 cu Hakha khuathar Inwa Bank hmai ah SAC ralkap nih an rak tlaih hna.“Annih hi an hawile sinah len aa thawh mi an si, SAC ralkap nih an dirter hna i an phone an chek piak dih hna. Anmah chungin lunghrinh mi hmanthlak an hmuh caah an tlaih beh hna hi a si,” tiah tualchung mi pakhat nih The Chin Post ah a chim. “Tlaih a tongmi mino 5 cu thong inn ah zankhat an um hnu ah May 1 zan ah an chuak ṭhan cang,” tiah a chimchap.
Nikhat Chung Ah Pyusawthi Minthang 12 Thah An Tong, Sagaing ramtthen , ChawngOo peng khua pakhat ah pyusawthi tiah minthang mi 12 cu nizaan May1 zinglei ah tualchung hriamtlai phufonh nih an thah hna. Thah a tongmi pyusawthi hna cu Kinmontaw (ကင်မွန်းတော်) khua in nu 5 le pa 7 an si tiah (တွေ့ရာသင်္ချိုင်းဓါးမဆိုင်း) nih an thanh.
“Kinmontaw (ကင်မွန်းတော်) khua in pyusawthi 12 thah an si tiah thawngpang a leng mi kongah a dihmi a si ko” tiah (တွေ့ရာသင်္ချိုင်းဓါးမဆိုင်း) pah-kah-phah in tuanvo ngeitu nih a chim. Pyusawthi 12 thah an tonnak kong ah (တွေ့ရာသင်္ချိုင်းဓါးမဆိုင်း) pah-kah-phah le ChawngOo tualchung hriamtlai phufonh nih an tuahmi a si i, hmailei zongah SAC ralkap lei ttang in cawlcanghnak a tuahmi pyusawthi hna le dalaan cu fimhlawm nan si ko lai tiah an thanh chih.
Leave a Reply