Hakha Khuapi SAC Ralhrang Hmurka “Pastor Le SAC Ralhrang Cu Kutsih In An Tuanti Cang”
Pu Ngun San Aung caah Hakha khuapi cu a him tuk cang, lengchuah le khuachung vah zong ah hmai panh taktak le ni ziammam tein a kal kho cang. A hlan ah khan cu khuachung ah a vakvai ngam lo, cu pin ah a inn hram tiang ah security lak piak mi le a pumpak tiang Meithal pek a si ve nak rak theih a si cang nain atu ahcun a hnangam ngai cang ti asi. Hakha Pastor chung in a hawikom zong an i tel ve caah, cu hna hmang in cun rian a ttuan kho ngai cang. Atu hi mino tampi cu Hakha in Rangon lei ah an i thawh lengmang hna, nikhat ah mino 50 hrawng hi cu Yangon lei ah an kal peng hna.
Hi vialte an kal khawhnak ding ah Pastor theihpi nak a herh. Hakha Lah-wah-kah office lei rianttuannak ah Sang upa lei, khuapi chung mipi hruainak lei zeihmanh a um ti lo caah Pastor nih tampi an tlaih cang ti asi. Cu caah Hmet-Pung-tin tuahnak le ramdang kalnak Passport tuahnak cu Pastor nih catial piak lawng in a ngah cang. Cu caah nitin te mino ramdang kal ding in Yangon lei ah aa thawh mi hna hi Pastor catial piaknak lawng in a kal kho mi a si. A tawinak in chim ahcun Pastor le SAC ralhrang cu kutsih in an tuanti cang.
SAC ralhrang riantuannak a tlamtlin khawhnak ding le Hakha kan uk khawh tinak ah hmanrua in an um cang hna. Cun Covid zawtnak venhimnak lei ti zong ah SAC ralhrang le Hakha Pastor i bawm in tuah si cang. Hi ah hin Pastor dihlak si loin a mah Ngun San Aung hawikom deuh cu an si ko ti asi. Atu zong hi caan rau lo te ah Hakha ah Sianginn hun an timh than cang. SAC tlangtlak nak in Cozah sianginn kip cachimh thok cang ding a si.
Cu caah Pu Ngun San Aung le SAC ralkap pawl nih sianginn zong an va veh cang. Cu zong ahcun Pu Ngun San Aung cu raltha tein, hmaipanh tein mipi sin ah a lang cang, a chuakvak cang ko ti asi. “Hakha cu a him tuk cang, ramdang lei nih a him lo an ti sawh i a si, duh tawk in, zalong tein chuahvah a ngah cang ko cu ta, hi ti ning tein kan kal khawh ahcun daihnak taktak a um colh ko lai, SAC in hruainak puitling kan kal pi khawh ko lai” tiah Ngun San Aung nih a chim ti asi. Note: Min langhter duh lomi upa pakhat nih a kan kuat mi asi.
Relchap, Ukraine khualipi Kiev khualipi in nitlak lei Zytoma hmunhma ah a um mi, nitlak lei ram hna nih an rak kuat mi hraimnam pawl cu rili lengin thlah mi Caliber guided missiles hna nih a hrawh khawh nak kong cu, Russia ralkap hna nih an chim phuan tiah theih a si.
Kahdoh a fahnak hmunhma Donbas hmunhma an a um mi, Ukraine ralkap phu pawl caah timhlamhnak ngeih in Mmerican le Erope ram hna nih kuat peek mi hraimnam pawl le raltuknak ah hman mi thilri pawl cu a hrawh khawhnak kong cu Russia humhimnak vuanci nih a chim tiah theih a si.
Ukraine ralkap hna caah American ram le nitlak lei ram hna nih kuat mi raltuknak hraimnam pawl cu kan mah caah sa tlaihnak a um lo i, kan hrawh khawh thiamthiam lo lai tiah a chim tiah theih a si. Cun a chuahsemnak khua le ram a chuh tak mi Ukraine mipi hna caah,
Britain siangpahrang nu Elizabeth le siangpahrang chungkhar hna nih lungdai tein kutkaa an on piak nak hna kong cu Siangpahrang nuh nih a chim tiah theih a si. Russia president Putin i kahdohnak ruangah ngaihchiahnak ton ruangah siangpahrang chungkhar hna nih Ukraine mipi pawl cu kutka on piak peng dingin Britain siangpahrang nu nih Ukraine mipi pawl cu biakam a peek hna tiah a si.
Kawlram thawng, Myanmar ram chungah a um mi ramri thilkuatnak gate kip ah kum 2021 April ni 1 thawk in May ni 6 tiangah thlakhat leng chungah thilkuat a phan mi chawlehnak cu zatuak in tah chunh tikah American dollar in 217 million a tum deuh nak kong cu Chawlehnak le thilzuarnak vuanci sinin theih a si.
Kum 2021 April ni 1 thawk in May ni 6 tiangah ramri cawhlehnak dirhmun le kum 2022 April ni 1 in May thla ni 6 tiangah ramri thilkuat zuar chawhlehnak cu zatuak in tahchunh a si tikah ramri kip chawlehnak cu zatuak in dollar 217 million a zawr deuh tiah theih a si.
Leave a Reply