Aizee! SAC Ralhrang Nih Tlangcungmi Ruangah An Ti Hoi!!

Min Aung Hliang Nih Tlangcung Mi Hna Nih Kawlram Mipi An Kan Buaiter Dih A Ti Ko Hih
================================
Yangon ramthen vuanci-choh (ရန်ကုန်တိုင်းဝန်ကြီးချုပ်), Yangon ramthen (စစ်ဌာန ချုပ်တိုင်းမှူး), Mayors, Ministers, Districts le pengkulh level tiang tuanvo ngeitu pawl, Biaknak lei in phu pawl in siseh, ralkap training a tuah mi hlun pawl he tonbiaruahnak an ngeih nak ah SAC ralhrang lutlai Min Aung Hliang nih,

” Ramkhel ruahnak theihthiam lonak pawl le tlangcungmi kongkau ruahnak a khat lo ruangah le (tlangcungmi hna) ruangah ram chung hriamtlaih dohnak a chuak ii chawlehnak lei zong ah harnak le sunghnak tampi kan tong. Rampi daihnak hnga ding ca zongah tonbiaruah ceihhmainak kan ngeih cuahmah lio a si.” tiah SAC ralhrang lutlai Min Aung Hliang nih a chim. ( Tlangcung mi ruangah Kawlram pumpi kan buai dih, tlangcungmi hna nih an kan buaiter dih tiah a chim.)

Relchap, Research an tuah thar mi nih nau pawi mi nu nih MobilePhone a tongh tikah a fa ca ah a ttha lo ti mi cu a dik lo kho men tiah a ti. Hlan deuh ah hlathlainak an tuah i an rak hmuhchuah mi cu Nau a pawi mi nu nih MobilePhone a tonghtham tikah a paw chung ah a um mi a fa ca ah holh thiam harnak le thildang dang thiam ai harh deuh tiah an rak ti. Asinain hlathlainak thar nih cun mah hi cu a dik lo mi a si tiah a chim ve.

Mobile Phone chung in a chuak mi Radio dat hi naute caah a ttha lo ti mi hlathlainak an tuah lio ah khan hnuhma ai peh lo mi result in an chim phuan mi a si tiah an langhter.

Zei a si hmanh ah hlathlainak thar kan tuah mi ah hin cun phone hman ruangah naute ca ah a tthat lo nak an ti mi pawl naute ca ah holh, chawnhbiaknak lei, le a dang thilthiamnak lei ah hnahnawhnak a pek timi cu kan hmu lo ee tiah hlathlainak a tuah tu Eleni Papadopoulou, Norway ram Norwegian Institute of Public Health in a ra mi nih a chim.

Hmaisa hlathlainak nih khan cun nau a pawi lio ah phone a hman tik ah a naute kum thum hrawng a si tik ah khin a tthatlonak a lang an rak ti tiah a chim rih. Hmaisa hlatlainak ah khan cun naupawi lio ah phone a hmang mi nu le a hmang lo mi nu i an fa le kum thum an si tiang ah zei tluk in dah an i dan timi an hlat tik ah 31% tluk hi holh thiam ai harh mi an si, cun 27 % tluk hi ralchia deuh, an ruahnak a puitling har deuh ti hi an hmuh mi a si.

Hi hna pawl hi phone a hmang mi nu nih a hrin mi fa le cung ah a tlung mi a si. Asinain hlathlainak thar ah cun kum thum an si tik ah a zei dah a ttha deuh ti mi hlatnak an tuah i phone a hmang mi nu fa hi 18% tluk niam in phone a hmang lo mi nu nih a hrinmi nakin thilthiam ai harh deuh tiah an hmuh tthan. Hi hlathlainak hi naupawi lio minung 45,389 hmang in tuah mi a si i, an fa le kum thum in kum nga an si tiang bak hlathlainak an tuah. Ref: Mid-day

SAC ralkap nih nawlngeihnak an laak hnu in May 31, 2022 tiang ah inn 18,886 an khangh cang, tiah Data For Myanmar nih an thanh. Ramchung hmun 435 ah Biaknak lei inn telh in, inn 18,886 cu khanghpiak an tong cang.

Cheukhat hmunhram ah cun pehtlaihnak a chambau ruangah, atu langhtermi cazin nakin a tak ah a tam deuh kho, tiah ruah a si. SAC ralkap nih inn an khangh tamnak bik cu Sagaing ramṭhen ah a si i, May thla tiang ah inn 13,840 an khangh cang. Magwe ramṭhen cu a pahnihnak a si i, inn 3155 an khangh cang.

SAC ralkap nih nikum May, 2021 khan inn khangh hram an thawk i, tukum May tiang ah inn 18,886 an khangh manh. Kan hnu thla May, 2022 thlakhat chung lawng ah inn 7146 an khangh i, Sagaing ramṭhen chung lawng ah inn 6014 an khangh, tiah Data for Myanmar nih an thanh.

Sagaing ramthen Shwebo peng khua pakhat ah a riak mi SAC ralkap le Pyu Saw Htee hna cu PDF nih an va kah hmasa hna caah SAC ralkap lei a thi mi le hliamtuar mi an um tiah PDF nih thawng an thanh. “SAC ralkap le Pyu Saw Htee fonh an si i minung 30 hrawng an si. An riahnak khua Tea Thyee Daw khua ah a si.

Mine bomb nih a puah hnawh hna i a thi mi an um, cu an mithi ruak lak an i timh lio ah Drone in bomb kan thlak hnawh fawn hna caah Pyu Saw Htee pakhat a thi i, ralhrang 3 hliam fak ngai an tuar” tiah Snake Eye PDF in nawlngeitu pakhat nih a chim. SAC ralkap lei zong nih an rak kan kah ve caah kan hman mi Drone pakhat a rawk tiah a chim chap. Hi kahdohnak ah PDF fonh D&T Shwebo (LDF) PDF le Snake Eyes PDF pasalttha hna cu himbawm tein hnung an tawlh kho tthan.

India-ASEAN ramdang vuanci tonbiaruahnak ah SAC ralhrang ramdang vuanci cu sawm lo dingin India nih biachahnak a ngei tiah The Economic Times nih theihternak a tuah. A ra lai mi ah tontiaruahnak ngei dingah timhlamhnak ngeihmi mah tonbiaruahnak cu phu chuntel pawl nih saduhthah timhlamhnak ngeih ningah Kawlram cu sawm lo dingin India nih biachahnak a ngei tiah theih a si.

Mah tonbiaruahnak ah ramkhel kongkau a si lomi aiawhtu palai pawl lawng sawm dingah an si lai tiin theihternak tuah a si bnatuk in mah tonbiaruahnak cu India kongkau Myanmar Ambassador ceihhmainak kai le kai lo kongah Myanmar caah thutdan chiah piak an si lai tiah thawng dik lo zong a leng.

A ra laimi June thla ni 15 ah India-SAEAN ceihhmai tonbiaruahnak (SOM) le June thla ni 16-17 tiang ramdang vuanci pawl ceihhmai tonbiaruahnak an ngei lai tiah theih a si. Myanmar kongkau he pehtlai in India Democracy riantuannak lam pawl seisiam khawh than ding, tlaihkhih a tongmi ramkhel thongtla pawl thlahdih tthan dingah le ASEAN nih lungtlinh mi zulhphung phun (5) he aa khat in zulh a herhnak kong zong India nih a chim tiah theih a si.

Post Views: 9

Aizee! SAC Ralhrang Nih Tlangcungmi Ruangah An Ti Hoi!!

Be the first to comment

Leave a Reply Cancel reply