Kalaymyo, Sanmyo Sang Um A TlauTiah Timi Kum 8 Hngkachia Lal Neih Tluang Cu A Nunnak A Liam
============================
Kalaymyo, Sanmyo sang ah ummi kum 8 ngakchia nu pakhat amin Lal Ngeih Tluang ti mi cu nihin June 7 zaanlei suimilam 4:00 in khuachung ah a leng i a ṭin ti lo. Ruth cu a holh kho lo mi a si i, inn ṭinnak lam zong a hngalh lo caah a hmutu nan um ah cun phone number 09257187045 ah pehtlaihnak tuah ding in kan in nawl hna.” tiah Media kip nih thawngpangthanhnak an tuah hnu ah Lal Neih Tluang cu an hmuh hnu cu a nunnak a liam cang tiah theih a si. “Nu te aww na tlau ti thawng kan theih hmanh asau rih tung lo na kan liam tak ti thawng vg theih colh cu lung hi afak ko e na nu zei hme alawh la w apoi tuk hrin hran ko e nunu he van ram tu ah nan i tong than te ko ne lai mu RIP Lal Neih Tluang:.Crd-April Iang
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Ukraine le Syria ah a thimi Russia ralkap chungkhar hna cu Ruble 5 millions pek ding in President Putin nih June 6 ah khan minsen thutnak a ngei. Cu nawlchuahmi cu Rogvadia tiah hngalh ciomi bodyguard ralkap theihpinak le cohlannak a si i, Rogvadia cu Russia caah special force an si i, Ukraine kahdohnak ah zeimawzat an thi. resident Putin sinah direct in thawngpang peknak nawl a ngeitu special force cu a liamcia Kum 2016 ah khan rak dirh a si i, dai tein cozah duhlonak langhter in lamzawhtu hna cu ṭhencheu dingin Russia ramchung ahcun an hman hna.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Ukraine ram luhhnawh in kahdohnak caan chungah Russia ralkap 1351 an thih pinah 3825 nih hliamhma an tuar tiah March 25 ah khan cathanh an chuah nain cu hnu pinlei ahcun a thimi le hliam tuarmi hna zat hi cathanh an chuahmi a um ti lo. Ukraine le nitlaklei ram hna nih cun Russia ralkap a thimi zat hi an chimmi nakin alet in an tam tiah an chim ve. Russia ralkap hna nih Ukraine khualipi Kiev le khuapi bik changtu Kharkiv hna cu laak ding in kahdohnak an tuah nain an ruah ningin hma a kal lo ruangah hnulei an i zukphiat i, atu ahcun nichuahlei Donbass lei ah faak ngai in kahdohnak an tuah ṭhan.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Cuba, Venezuela le Nicaragua ram hna cu tuzarh cawn nikhat ni in Los Angeles, US ah thok mi ‘Summit of The Americas’ in an hnon hna nakkong cu June 6 ah khan media nih an thanh. Cu bantukin America ram cheukhat hnon an tonmi kong he pehtlaiin Mexican president nih cun, “America ram um dihlak nan sawm hna lo ahcun smmit ah kaa tel lai lo, tiah a chim. Americas summit ah Maxican aiawhtu ah ramdang pehtlaitu minister Marcelo Ebrard a kai lai tiah Maxican President Lopez Obrador nih thawnglatu hna cu a chimh hna.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Cuba, Venezuela le Nicaragua ram hna cu summit ah sawm lo ding in zarhkhat chung ceihkhannak an ngei i, cuticun cu ramthum hna nih cun nuhrin covo le democracy zulhphung an ngeih lo ruangah hnon an si tiah US cozah in ṭuanvo ngeitu pakhat nih a chim. Biden cozah nih Maxico dirhmun cu a theihthiam ko nain summit kai ding cun a biapi taktakmi cu democracy uknak hi a si. Hi ramthum hna hi cu democracy zulhphung an zul lo tiah US cozah ramdang pehtlaihnak ministry zung in biachimnak nawlngeitu Ned Price nih a chim.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Sagaing ramṭhen Monywa-Mandalay lampi ah civil thuam he SAC ralkap nih khalhmi Prado motor 2 cu PDF phufonh nih bomb an puahhnawh hna caah SAC ralbawi pakhat telhin minung 4 an thi, tiah tualchung hriamtlai phu nih an thanh.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Nihin June 7, chunhnu suimilam 2:30 ahkhan Sagaing ramṭhen Monywa-Mandalay motor lampi ChawngOo le Myinmu kar ah Farmers Revolution Force FRF (CHU) battalion, Myaung peng dohthlennak tuahtu phu MRA le Bandulah(ဗန္ဓုလ) hriamtlai phufonh hna nih civil thuam he SAC ralkap citmi private motor hna cu bomb in an puahhnawh hna. Cu bomb puahnak ah cun SAC ralbawi pakhat le SAC ralkap 3 an thi i, midang 3 zong faak ngai in hliam an tuar tiah Farmers Revolution Force FRF (CHU) battalion nih an thanh.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
June 6 zinglei suimilam 9:30 ah Magwe ramṭhen Saetutaya(စေတုတ္တရာ) peng Dungchaung(ဒုံချောင်း) khua le Thangkai(ထန်းကိုင်း) khua karlak lampi ah cycle he chekhlatnak a tuahtu SAC ralkap hna cu tualchung hriamtlai phufonh PRA-Magwe le Saetutaya(စေတုတ္တရာ)-PDF phufonh nih an kah hna caah SAC ralkap 1 a thi tiah PRA-Magwe nih an thanh.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Magwe ramṭhen Gangaw peng chaklei Ngaunglay(ညောင်လယ်) khuachung ah June 3, zaanlei ahkhan SAC ralkap nih khuachung ah inn an rak khangh. Inn an khanghmi pakhat chung ah a kut thirhri ṭem chih in khanghmi ruak pakhat cu khua mi nih an hmuh. Ngaunglay(ညောင်လယ်) khua Tlanglawng lam pawng inn pakhat chung zong ah thirhri in ṭem i, khanghchihmi ruak 4 hmuh an si, miruak 5 hna cu mizei nantuk an si, ti hngalh a si rih lo.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Kyaikhto Peng Ingabo Khua Pawng Kahdohnak Ah SAC Ralkap 10 An Thi: Mon ramkulh Kyaikhto peng Ingabo(အင်္ဂဘို) khua ah SAC ralkap motor run cu nihin June 7, zinglei ah tualchung hriamtlai phu (PDF) nih an kah hna i, SAC ralkap 10 an thih lengah 15 hliam an tuar, tiah tualchung hriamtlai phu battalion 3, Tathung(သထုံ) pengkomh nih an thanh. Kahdohnak ah cun tualchung hriamtlai phu lei hliamhma tuar um lo in hnu an tolh kho, tiah an langhter. Kahdoh a chuahnak hmun cu KNU brigade 1 hmunram chung ah a si i, SAC ralkap motor run cu KNLA le PDF phufonh nih atu le tu an kahdoh tawn hna, tiah theih a si.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
North Korea nih a rauh hlan ah nuclear hriamnam hneksak ding in timhtuahnak a ngeihmi he pehtlaiin thinphang a si, tiah US nih a chim. Nuclear hriamnam hneksaknak a tuah taktak ko ahcun Japan, South Korea telh in US le an hawile ram hna nih lehrulhnak kan tuah colh lai tiah US ramdang pehtlaitu minister nih a chim.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
North Korea nih a rauh hlan ah a vawisarihnak nuclear hriamnam hneksaknak a tuah kho tiah US ramdang pehtlaitu nih June 6 ah khan thawngpang latu hna sin ah a chim. US le a hawile ram hna cu Indo-pacific telh in vawlei cung hmunkip ah kan um i, North Korea nih nuclear hriamnam telh in missiles hneksaknak a tuahmi cu kan hawile ramdang zong nih an theih dih cang tiah a chim chap.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
North Korea nih nuclear hriamnam vawi tamtuk a hneksak ruangah dantatnak le phihkhamnak hna cu a hlan nak fak deuh in pek a herh tiah US nih UN Security Council ah a chuahpimi biatung cu Russia le Tuluk nih VETO Power hmang in an hnon. Asinain North Korea nih nuclear hriamnam a hneksak ṭhan ahcun UN Security Council ah biachahnak pakhat khat tuah dingin US nih biatak tein ṭuanvo a laak lai tiah UN Security Council ah ambassador simi Linda Thomas Griffiths nih a chim.
<a href=”http://www.cherrypar.com/wp-content/uploads/2022/06/285634884_511763707395284_6499114651939700582_n.jpg”><img src=”http://www.cherrypar.com/wp-content/uploads/2022/06/285634884_511763707395284_6499114651939700582_n-300×168.jpg” alt=”” width=”300″ height=”168″ class=”alignnone size-medium wp-image-33854″ /></a>
Leave a Reply