A Tlau Mi Indonesia Ti Lawng Thilri Cheukhat Hmuh A Si
A tlau mi Indonesia ti chung lawng (submarine) thilri cheukhat hmuh a si
Kan hnu cacawn nithum April 21 ah a tlau mi Indonesia ti lawng thilri cheukhat cu hmuh a si i, dam in a um rih mi hna bawmh dingin khua kan khan lio a si tiah Indonesia ralkap nih thawng an thanh.
“Ti chung lawng a hnu bik a umnak hmun pawngah kan hmuh mi thilri pawl cu kan ti lawng thilri pawl an si tiah zumh a si. Mah thilri pawl hi rih nak (pressure) a um lo ahcun lawng chungin zeitik hmanh ah a chuak kho ding a si lo” tiah Indonesia Vanlawng ralkap bawi Haddi Tjahjanto nih a chim.
An hmuhmi thilri pawl ah Lubricant (thil a naltertu). Torpedo missile vennak thil hna an si i, an hmuh mi thilri pawl hi ti rihnak faktuk in a nenh lo ahcun a chuak kho ding mi an si lo tiah Indonesia ralbawi zik pawl nih cun an chim.
Mah ralkap tichung lawng hi tichung metre 800 tluk ah an hmuh mi a si. Lawng chungah lawng ralkap 53 an tel i mithiam pawl nihcun lawngchungah a um mi oxygen zong a dih cang kho men cang lai an ti.
Ti awng riantuan tu Wisnu Subiyantoro farnu Ratih Wardhani nihcun thil a that khawhnak dingah thla kan cam cuahmah ko. Lawngchung ummi vialte an him lai tiah zumhnak kan ngei tiin a chim.
Leave a Reply