A Tlangval Pa He An Kum A Thlau Tuk Ruangah Mi Tampi Nih A Fapa Ah An Rel

I duh nak lam ah hin kum hi zeihmanh a rak si lo zia hi mah hna pahnih in a fiang ngai. kum hi cu number lawng a si.

Norh Carolina lei mi nu pakhat, tu zong a ngei cang mi kum 50 i upa mi Sharon Hawkins nih hin a kawppi a tlangval pa caah kum 22 i upa mi Perry Hopstein cu a thim, mi tampi cu an khuaruah a har ngai pin ah mah hna pahnih kong hi an chim nasa ngai.

Mah hna pahnih hi dating app lar ve ngai mi Tinder in a thei mi an si, an kum an i thlau zat hi kum 28 bak a si. mah ruangah hin mi tampi nih cun nu le fapa ah an rel.

Sharon hi secondary school cawng sayamah a si, a tlangval pa nu nak hmanh in a upa deuh, asinain a tlangval pa Perry zong nih a duh tuk ve kum upat le tlam ah a buai lo hrimhrim.

A tlangval pa Perry nak hmanh in a fale pathum zong an upa rih, Sharon hi kum 2015 ah khan apasal he an i then hun in tlangval dang a ngei rih lo hrimhrim.

“Perry he hin um tti ding bak kan si. midang nih cun an duh duh chim hmanh hna selaw ka zei poi lem lo tiah Sharon nih a chim.

Sharon nih Perry hi keimah nak in hngakchia deuh hman selaw a ka dawt tuk pin ah amah hi a Romantic tuk tiah a chim. Mah hna pahnih hi a nei deng mang cang mi an si.

Be the first to comment

Leave a Reply

Your email address will not be published.


*