A Thiang Mi Raltuknak (Holy Just War Theory)
Bible thiangah raltuknak phun 3 an um: teinak raltuknak (Joshua 1:6), ramchung raltuknak (2 Samuel 3:1) le vancung khua raltuknak (Biathlam 12: 7) tiin an um hna. Mah hna pathum chungah ramchung raltuknak hi tulio kan raldohnak asi ve caah kan nih khrihfa mi hna nih biatak tein M. A. H le a ralkap pawl kan doh hi a thiangmi raltuknak asiloah Pathian nih a duhmi le cohlan mi a si hnga maw tihi kan zoh ti hna lai. A tam deuh sual sile ka ruatthiam uh. Biakamhlun cauk kan zoh tikah Pathian hrimhrim hi ral a do i amah nih a mi hna kha raltuk a fial lengmang hna ti kan hmuh (Joshua10: 7-11:23).
Zeiruang ahdah Pathian nih ralruk a awnh hna ti si ahcun thilthalo kha hrawh i amah bantukin thianghlim le dinnak tuah kha a duh caah asi. Israel mi nih an ral an tei hna tikah nan sual a ti bel hna lo. Mah cu nih a fianh ter micu Bible ah lai va nawng hlah timi le Jesuh nih na ral va daw hna a timi a suallam le tu i ramchung raltuknak hna hi an suallam ai dannak le ai lawh lonak kha a langhter. Bawipa Jesuh nih nan ral va daw hna a ti rualrual in daihnak a sertu cu mi thluachuak nan si ati.
Cun Lamkaltu 10 chungah Kornelias kha ralkap asi ti kan hmuh. Ralkap asi ko nain Jesuh a zumh hnu ah Jesuh nih na ralkap sinak in i phuak a ti bak lo i a tinak cacang zong kan hmu lo. Cun Biakamthar cauk chungah ralkap asi i a piangthar mi hna kha Jesuh nih ramchung ah ral do hlah uh nan ralkap sinak in i phuak uh a ti bel hna lo. Mah ruangah na ral va daw hna timi le ramchung raltuk hi an suallam an i khat lo. St. Thomas Aquinas nih “Just War Theory” a rak thok. Ai timh bik mi cu “raltuknak cu thilthalo hrawh awk le daihnak ser ding lawngah tuah siseh” tiah ati. Cucaah Min Aung Hlang le a nau le hi kan doh duh mi le thah duh mi an si hrimhrim lo, an tthatlonak le sualnak tu kan doh mi hna asi deuh tihi zumtu kan za te nih kan theih awk aherh. Zumtu/Khrihfa cu a thiangmi Pathian pennak vawleiah a dirh dingmi kan si. Kannih cu minung menmen ado ding kan silo, kan doh ding mi cu uk tu tthalo an si (Efesa 6:12 NLT). Zeipoah nihhin caan an ngei cio, i doh caan a um i irem caan a um (Phungchimtu 3:8). A reltu nan dihlak cungah kailawm. by Bawi Min Lian
Pako ramṭhen, Minhlah le Oakphu (အုတ်ဖို) pengchung ah SAC ralkap kuttang um palik 1, pyusawthi 6 le inn zakhat uktu 1 ti in, an dihlak minung 8 cu kahthah an si, tiah Pako ramṭhen tualchung hriamtlai phu nih an thanh. Pako ramṭhen Tayawady pengkomh Minhlah peng Sanboat(စမ်းဘုတ်) khua ah tit-taw(သစ်တော) thing a firtu hna sin ah phaisa a haltu gate hngaktu palik 1 le pyusawthi 5 cu nizan May 10 ah, Tayawady pengkomh battalion no. 3801, tat-khuai 1 le battalion no. 3802, tat-khuai 3 nih an kah hna caah an thi, tiah theih a si.
Cun, Tayawady pengkomh Oakphu (အုတ်ဖို) peng Wai khuakomh ah SAC ralkap rian a cohlangtu khuabawi si mi pyusawthi hruaitu Khin Maung Tan le Tawatai(တာဝါတိုင်) khua inn zakhat uktu Aung Myo Zaw cu Pako ramṭhen tualchung hriamtlai phu battalion no.3803, tat-khuai 4 nih nihin May 11, zaanlei suimilam 6:00 ah an kah hna i, kah ah tonnak hmun ah an thi colh, tiah theih a si.
Thil Zuartu Hna Sin In Cycle le Phaisa A Chuttu SAC Ralkap PDF Nih An Tlaih: Magwe ramṭhen Pakokko ah thil zuartu hna sin in cycle, phone le phaisa a chuttu SAC ralkap pakhat cu PDF nih an tlaih, tiah Young Force UG nih nihin May 11 ah an thanh. Nizaan May 10, zaanlei ah tualchung hriamtlai phu hna nih khuachung chekhlatnak an tuah lio ah thil zuartu cheukhat nih cycle, phone le phaisa chuh an tonnak kong cu an chimh hna. Cu hnu ah Young Force UG le Pakokko pah-kah-phah nih hlathlainak an tuah i, thilri a chuttawntu SAC ralkap pakhat cu an thilri a chuhmi hna he tlaih a si, tiah theih a si. Tlaih a tong mi SAC ralkap pa cu zaam a timh caah fimhlawm a si, thilzuar mi hna sin in a chuh mi thilri cu a ngeitu hna sinah pek ṭhan an si, tiah theih a si.
China President Xi Jinping cu thlarhri lei (Thin walls of blood vessels) zawtnak in a khat mi dirhmun a si caah kum 2021 kum dih lai hrawh ah sizung ah aa thlop mi a si tiah Medias pawl nih langhternak an tuah. Thlahri lei zawtnak a ngeih caah a thazaang a tlawm deuh a si ah cun, a thlahri lam a kuai hnga ding i ( a nunnak tiang a dih kho mi a si) caah Xi Jinping cu operation tuah ding a si ko nain China Tanyin sii a duh deuh mi a si caah mah sii in cun aa thlop cuahmah mi a si tiah theih a si,
Covid-19 zawtnak a chuah hnuah Beijing Winter Olympics puai tuah a si hlan ah tiang Xi Jinping nih vawmleicung hruaitu pawl tonnak a ngeih hna lo ruangah a tu lio ah a zawtnak kong cu mi nih chimcawm ngai mi a si tiah theih a si. kum 2019 Italy a khual tlawmnak ah Xi Jinping a lam kal ning cu punghman ningin a si lo bantuk in France a khual tlawmnak zongah thut aa timh lio ah mi bomhnak a herhmi a si tiah theih a si.
Cu bantuk in kum 2020 October thla Shenzhen ah biachimnak a ngeih chung ah punghman nakin a nawr deuh pinah a khuh hna a khun lengmang ruangah a bia ngai tu hna nih zawtnak a ngei mi a si lai tiah chimcawm mi a si tiah theih a si.
Leave a Reply