Chinland Defence Force Matupi nih cathanh achuah.

Chinland Defence Force Matupi nih cathanh achuah.
========================
2022, January 13, Suimilam 9 hrawng ah Matupi le Midat lam an i tong nak bik ah Chinland Defense Force Matupi le ralhrang kalkap he kahdohnak ah ralhrang ralkap lei in minung 1 athi i minung 3 nih hliam an tuar. Chin Defense Force Matupi lei in hliam a tuar mi an um lo tiah” Chinland Defence Force Matupi nih cathanh achuah.

Lakchap, Ka kawi Nang cu ram le miphun cah na rian na lim cang ee kan Uang kho tuk. Ka Uu Ka tta ka thinlung a kek kuai tuk e zei ti awk hi hi ka thei lo e vawlei hi a mui dih ko e Rest In Peace ka tta. kai zumh kho rih lo e hi mang chia hi i thangh ka duh tuk e. By Ramleng Par Pari.

Ka kawi Nang cu ram le miphun cah na rian na lim cang ee kan Uang kho tuk. A bel te a tuan deuh ko ee. Na Farle le Na Naule nih a fak an tituk lai mu. Nunnnak pek tiang in na dawtmi Chin Miphun dawtu A nung Pathian nih umpi hna in hnem hram ko hna seh mu.

Kawi Vana Khiteng Upatnak Sang bik he. By Pahup, Miphun le ram dawtu ka u na rian nai lim cg caah uk pak nak sang bik kan pek ee na nau le tu ni kan ra pe zual lai mu. Kan uk pak tuk mu . VanaKhiteng: Credit: Salai Biak Hlei
Tulio ka ruahmi: Hruaitu thalo Nero le Hitler an tuanbia he kan i khat ngai.

Nero siangpahrang cu, December 15, 37 ah achuakmi pa asi. Kum 17 asi in Roman Empire pennak a rak hruaitu misual mi thalo asi. Amah nih pennak arak lak lio caan ahhin Roman Empire pi a tthawn saling arak si. Mi nih thil tha an tuah ciami cungah mit athimi pa asi. Mah nih thil tha tuah khawh ttung lo ah. Nikhat cu Rome khuapi cu Mei nih akangh cuahmah ti asi. Cu Mei akhanghmi cu thlanglangong in a bih i lungdiriamnak ah a hman len ko ti asi. Kawl holh cun Zinnkhannak ah a hman. Cheukhat chimnak ahcun thingtang tumpah in lunglennak ah a hman ti asi.

Hipa hi Musician ringon hlasak lei phun khi a huam ngaimi pa zong asi. Zei si hmanh ah cutluk in Rome khuapi Mei nih a kangh lio ah, mipi nih zeitindah harsatnak an tuar ti ruat loin amah nuamhsaihnak men ah ahmanmi hmuh tikah, Mi zer le mitha lo hrim asi ti cu alungput hi hmuh khawh ngai asi. Rome khuapi cu ni 6 chung mei nih a kangh caah, cheuthum ah cheuhnih cu mei kanghmi ah atel cang. An khuapi hi mi chahnak le athetkhawt ngaimi asi caah, tlik zamnak a fawi lo ruangah minung tampi zong mei nih akangh chih hna. Cutik ah Rome khuapi cu zakhat ah sawmsarih cu arawk dih cikcek cang.

Cheukhat ca tialtu hna nih an chimmi cu, Nero hrim nih Mei akhanhgmi asi ti hna zongin an tial len. Mipi cungah dawtnak le zawnruahnak angei lomi Hruaitu hna nih cun thil thalo tuah cu an ngamh lomi aum lo. Vawlei tuanbia ah kan hmuh bantuk in tutan kan Kawlram sining zongah fiang tein kan hmuh khawh vemi asi. Nero singpahrang pa nihcun, hi Mei kanghnak hi Khrifa hna nih an tuahmi asi tiah apuh salam fawn hna. Cutik ah Khrifa hruaitu a rem deuh lomi hna cu pakhat hnu pakhat in atlaih ter hna i an nun buin Mei in akhangh ter hna.

Nero nih aruahmi cu, mei akanghnak hmun pawl hna cu amah hmunhma ah ser in hmailei amah min lohlonak dingah tuah dingin khua a ruat. Mah aruahmi ahcun, Lente celhnak Inn nganpi sak in achungah pakhat le pakhat an i thahnak zuk pawl chiah dingin a ruat. Mah bantuk cun Inn ngan pipi hna sak aduh tik ah Phaisa angei hoi lo. Cutik ah hi inn hna saknak ah Phaisa ahmuhnak ding lam ah aruahmi cu, mirum pawl kha pakhat hnu pakhat thah in, an ngeihmi chawva hna in inn sak dingin khua atuak. Cutik ah Rome khua ummi Mirum pawl hna cu pakhat hnu pakhat in athah thluahmah cang hna. Mi cheukhat Mirum pawl cu Rome khuapi tlik tak in Ram dangah an zam tak.

Nero kong chim ahcun, Germany Nazi party hruaitu Hitler kong hi chimh chih lo awk arak tha ve lomi asi. Avoi 2nak ralpi achuah hlan ah hin Hitler nih Germany ram cu vawlei cungah minthangbik ram si dingin khua aruat ve. Cutik ah Phaisa tampi aherh ve. Cu phaisa ahmuh khawhnak ding ahcun, Jews(israel) hna sin lawngah aum kha atheih. Jew pawl cu Germany ahcun arumbik miphun an rak sive hna.

Cutik ah anmah pawl an phaisa ngah duh ah, Miphun kong in buaibainak lam akawl cang. Cutik ah Jew pawl cu aphunphun in thahnak lam cu akawl tik ah 6 millions lengpi athah ter hna. Chemical in thahnak lam hna zong kha atuahter hna i athah thluahmah hna. Cutik ah Jew pawl an ngeihmi vialte cu lak riangmang in Ral hriamnam thazaang tthawnnak ah aser chin lengmang.

Hitler: Downfall, 1939 to 45 by Volker Ullrich, Jew 6 Millions an thihnak kong hlathlai tik ah an hmuhmi pakhat a um. Cucu zeidang silo in an Rum ruangah asi. Hibantuk caan chiat lio caan ahhin, Mirum hna caah hin, an caan chiat khun lio caan asi ti khawh asi ve.

Aruang cu Hruaitu thalo nih cun mirum pawl an ngeihchiah kha chuh an timh tawn hna. Cucaah mirum pawl zonghi daipatlang in um awk an tha ve hna lo. Hmanhsehlaw caan athat tik ahcun Mirum pawl hna cu an rum tthan cawlh tawn ve ko hna, Aruang cu phaisa kawlnak lei ah an rak theih ciami ( experience) nih lam a hmuhsak thawn hna caah asi.

Nero kong peh tthan hna usi: Nero achan lio ah, achiakha bikmi atuahsernak pakhat ah an chiahmi aum. Cucu anu kha siangpahrang nu pakhat dirhmun in achiah. Voikhat cu anu chimmi cu lak sual riangmang in Mipi hmai bak ah athahmi nih vawlei cung tuanbia lak ah achiakha bikmi ah an chiahmi asi. Tulio ralkap lungput he akhat bakte asi. Nero nih Thil pakhat aruahmi a um rih:

Cucu amah dirhmun nawl ngeihnak achang khotu dingah fapa ngeih aduh. Cutik ah nu dawhdawh hna cu pakhat hnu pakhat in atthit hna. Siangpahrang kan ti cu aduhmi poah cu atthit khawh fawn hna. Hmansehlaw fa an pawi hnu cun sualnak phunphun in apuh hna i pakhat hnu pakhat in athah hawi ko hna. Hi nih hin minung lungput kengmi asi lo kha a langh ter chinchinmi zong asi. Kawl ralkap nih Nu an thlaihhrem hna i an thah behmi hna he khin akhat.

Nero siangpahrang pa cu atuah sernak kha akarh tuk cang caah, Mipi nih an tuar kho hrim ti lo. Amah chan ahhin that lonak atuahmi hi rel cawk lo asi. Cucaah Mipi nih an tuar kho hrim tilo caah, a umnak hmunhma ah thah dingin an luh hnawh cang. Cuticun mipi hna nih lungrual tein Nero thah dingin an luh hnawh tik ah Nero cu zamnak khua atuaktan cang. Azam len zongah luatnak lam ahmu tilo.

Amah acawngtu hna ralbawi pawl hna zong kha apawngkam ah pakat hmanh an um tilo. A inn kulh ah achiahmi hna ralkap bu hna zong pakhat hmanh an um tilo, an zam tak dih cang. Tulio Kawlram mipi kan rual arual bantuk tein, ahnu ahcun MAH pawl hna zong hi tliknak ngei loin anmah tein an nunnak an i lak caan a phan te hrim lai tihi hmuh chung khawh asi cang.

Cutik ah apawng ummi anupi nih ruahnak pakhat apek. Cucu hitin asi. Luatnak dinglam pakhat hmanh na caah aum tilo. Cucaah Mipi nih zohchia in an in thah hlan ah nangmah le nangmah na nunnak naa lak hau tiah ati. Cutik ah anupi nih Nam cu apek. Cuticun nu nih aruahnak pek bantuk te cun amah le amah a nunnnak cu alak ti asi. Cu athih ni cu, June 09, 68 asi. Athih ah kum 31 lawng asi rih. June thla chungah hin MAH pawl an donghnak ni si hram seh tiah thla cam hna usi.

Nero siangpahrang ruangah, cutluk in aminthangmi Rome khuapi cu chimh awk tlak loin vawlei tang ah a luhpi hna. Nero hrim hi vawlei cung singpahrang lak ah min chiabik le santlai lobikmi asi tiah tuanbia ah ataang vemi saingpahrang asi. Kawlram hruaitu hna lak ah ho dah Nero bantuk ah kan chiah vete lai, ruat chung hna usi.

Phungthluk pakhat ah aummi cu, thil thalo kan tuahmi nih hin kan cungah kan tuah zat in kan cungah akir than ee ti asi. Thil tha kan tuahmi nih kan tuah ningin kan cungah thil tha a kir tthan ti asi. Cubantuk cu Nero atuahsernak tha lo hna nih acungah a tlun hnawh vetik ahcun, thihnak lawng kha Nero nih aathimmi lam pakhat angeihmi cu asi.

Amah tein athat anti ko nain atuahsernak kha mipi nih an celh tilo caah lehrulhnak an tuah. Khakha re-action timi cu asi ko. Khakha kan tuahsernak nih achuahpimi aphi chuak cu asi. Mi thalo le thil thalo atuahmi hna cu kan mah nih lehrualh hau loin an tuah sernak thalo tu nih alehrulh tawn ko hna hi i fiang hna usi.

Voi 2nak ralpi lio ah Jew miphun 6 millions arak thattu pa Hilter zongcu atuahsehnak that lo ruangah vawlei ram kop nih an doh ve tik ahcun,a luatnak lam apit ve. Cucaah amah nih aathim dingmi lam cu amah tein anunnak lak kha asi. Cuticun thil thalo kan tuahmi hna hi kan tuh bangin kan zun caan a phan hrim lai tihi asi.

Hitler le Nero bantuk in Kawlram tuanbia ah min chiabik in atang dingmi cu Newin le Min Aung Hlaing maw? Ahodah timi cu nan lung catlap ah rak i chiah chung ko uh. Chinmi chungin tah hodah kan tar ve te lai? Ruat, Ruat, Cucaah, mi cungah thil thalo kan tuahmi nih hin kan cungah tlung than sehlaw kan celh lai maw tihi ruat hmasa lengmang hna usi tiah hi capar in ralrinnak kan pek hna. Credit: Moses Lian, American

Refsource;