A Ropui Kho Taktak, AA Hruaitu Twan Mrat Naing Timi Cu Hi Hi A Si Ko Eh!

AA ralkap bawi Twan Mrat Naing nih ralhrang bawi a hei hro

AA ralkap bawi Twan Mrat Naing nih ralhrang ralbawi Commander in chief of western command a ttuan lio mi Htin Latt Oo cu fak ngai in a hei hro. “Pu Htin Latt Oo a herh lo mi tam tuk in tuah hlah, hna na hnok, remdaihnak tibantuk kha zei ah rel a si hlei lai lo, na umnak tiang ra in kan in rial dih sual lai” tiah Twitter hmang in a hei hro. Nai hrawnghrang cu Rakhaine ram ah SAC ralkap thazaang an chap vuahmah hlei ah AA he ai pehtlai mi pawl an tlaih lengmang hna caah hi bantuk in a hro hna hi a si kho men tiah ramkhel thiamsang hna nih an chim.

Breaking news. Ralhrang kawlralkap pawl CDF Mindat nih bomb an puah hnawh hna. Ralhrang a thimi le hliam a tuarmi tamtuk an um. Tuni May ni 7 ah ralhrang kawlralkap motor tlar hna cu CDF Mindat nih zingka suimilam pariat le cheu ah bomb in an puah hnawh hna i, tamtuk a thimi le hliam a tuarmi an um tiah an thanh.

 

Ralhrang kawlralkap hna nih meng sawmli nak khua mipi umnak inn hna cu an khangh tiah an langhter. Tuzing ah ralhrang kawlralkap a thimi le hliam a tuarmi zat hi an langhter lo. Asinain a thi mi le hliam a tuarmi an tamtuk tiah CDF Mindat lei in thawng thanh nak an tuah.

Thawngpang dang. Ni 8 chungah kahdohnak voi 5 a chuak, SAC ralkap 60 leng an thi, CNA ralkap 2 an nunnak a liam. Magway ramthen, Gangaw peng le Chin ramkulh Hakha khua karlak lam cung ah Chin National Army (CNA), CDF-Hakha, Hti Lin PDF phufonh hna le Gangaw khua in thazang 200 hrawng he ke in Hakha lei ah a kalmi SAC ralkap karlak ah

April 22 in April 30 tiang chungah kahdohnak voi 5 a chuak i SAC ralkap 61 an thi,CNA ralkap 2 nih ram caah an nunak an pek tiah Chin National Front nih May 6 ah a thanh. Magway ramthen, Pakokko khua lei in Chin ramkulh Matupi lei ah tampi he aa rak thawhmi SAC ralkap pawl cu CDF-Mindat le CDF-Matupi nih an rak kah ve hna tiah a cathanh chungah a telh chih.TCP

 

 

Min Aung Hlaing amah pumpak nih onnak a tuah mi mipi hlennak MRTV Application le Website cu mi zei bu hmanh nih an kan hrawk piak lo i kanmah nih kan remh lio a si caah caan karlak kan dinhter chung mi a si. Ralhrang lainawng Min Aung Hlaing nih ramleng he ramchung he mipi hlennak ding caah tiah timhtuahnak a ngei i MRTV Application le Website cu mi zei bu hmanh nih an kan hnawh puak lo i kan remh lio a si caah chitkhat cann karlak kan dir ter chung mi a si tiah lih hrawkhrol in thawngthanhnak an tuah hoi cang.

May ni 4 ah khan ralhrang lai nawng pa Min Aung Hlaing pumpak nih onnak a tuahmi MRTV Application le Website cu Hacker phu 43 nih an hun luhhnawh i hrawk an timh caah remh ding in tihmtuahnak kan ngeih lio a si caah caan karlK kan dinh ter chung mi a si i MRTV Application le Website cu mi zei bu hmanh nih an kan hrawk piak kho lo timi mipi sinnah theihter kaninduh ko hna tiah Lih hrawkhrol bak in MRTV thawngzamhnak ah an chim.

Ralhrang lei lemsoinak tuah ding in, MRTV Application le Website cu May 4 ah khan Min Aung Hlaing pumpak nih onnak a va tuah. May 5 ni khat hmanh a rauh hlan ah American company US developer Apps Web Social nih MRTV
Application pawl cu Apple App store le Google play store platform nih an hnawh piak than diam hna. Cun MRTV website zong cu May ni6 ah an hrawk piak than hna.

MRTV Website – mrtvmedia.com Website zong hi American hrambunh vawleicung minthang a si mi GoDaddy.com company nih a tuahter mi hna a si caah anmah company nih an hrawk piak than hna lai tiah zumh a si. A si nain Min Aung Hlaing te phu ralhrang nih cun an kan hrawk piak i an kan hnawn piak tiah chim duh lo in mipi sin ah a hohmanh nih an kan hrawh or hnawh piak lo. Kanmah nih kan remh lio a si caah kandir ter chung mi a si tiah lihrang in mipi hlen an kan timh ko nain mi zeihmanh nih an zum jlei hna lai lo timi cu zakhat ah zakhat a fiang mi a si ko.

Relchap, Ayataw ah PDF sakhan pa 6 cu hraimnam khat lo ruangah SAC ralhrang nih mei in an khangh an hrawh dih theih a si. Sagaing ramthen, Ayataw pengkulh ah a um mi, Mipi Hmunhimtuk Ralkap (PDF) sakhan cu May thla ni hnih zinglei suimilam 6:30 hrawngah SAC ralhrang nih mei in an khangh an hrawh dih nak kong cu Ayataw pengkulh PDF phu nih tuni ah cathanh a chuah.

Ayataw Sun Ye, Monywa Figter Group, Black Dragon Special Task Force le Unau Hoikom Ralkap sakhan telin a dang sakhan pa 6 hna cu SAC ralhrang  ralkap thazaang 100 hrawng in mei in kan khang an hrawk, am laak nak kong cu Monywa Fighter Group Mipi hmunhimtu Ralkap (PDF) In Bo Zar Ni nih The 74 Media zongah a chim.

” Hrimnam ngan in voinga, RPG In voi ruk le hraimnam a dang dang zong in voi tamtuk an kah hnu ah khua chungah an lut. khua chung an luh hnuah kan mah Sakhan cu mei in an khangh an hrawh, Cun hraimnam kan ngeih lo a asi ah cun kan dohthlennak cu a har peng ko lai.” ti zongin a chim.

Ayataw pengkulh chungah a um mi, Ma Teta khua le Kan Yin khua hna cu May thla nihnih ah inn 803 hrawng an khangh piak dih hna tiah theih asi. Myaing pengkulh sakhan zong SAC ralhrang nih an va luh hnawh i PDF an hraimnam, meithal le bomb hna telin hraimnam a dangdang zong an lak piak chap hna tiah theih si.

Relchap, SAC ralkap hruaitu Min Aung Hliang nih daihnak kong i ceihmai ding in tlangcung hriamtlai phu hna a auhnak Nationwide Ceasefire Agreement(NCA) minsen thutnak ah tlangcung hriamtlai phu 5 an i tel lai, tiah Peace Process Steering Team(PPST) sin in theih a si. Nihin May 6 ah PPST cu meeting an tuah hnu ah tlangcung hriamtlai phu 5 lawng nih SAC cu kan ton lai, tiah an fehter ti in meeting aa tel ve mi pakhat nih a chim.