A poi tuk hringhran, Mizoram i TNT Center ah Covid-19 zawtnak ngei 528 an hmuh hna

June 20 ah khan Pathian bia he ngaktah, Addict pawl le ruahnak lei tlamtlinglo mi hna zohkhenhnak (Thutak nunpitu Team-TNT) hmunpi ah covid-19 zawtnak a ngei mi 528 hmuh a si.

TNT hi Covid-19 rai a tlun hnuah ralring ngai in kalpi a si nain kan hnu zarh ah khan TNT Center-1 ah a ummi damlo pakhat cu an hruaitu pakhat nih Cycle in sii-inn ah a kal pi.

Sii-inn in covid zawtnak an chek tikah a hruaitupa tu hi a positive tiah an theih hnuah Covid Care Center ah chiah colh a si.

Positive pa nih contact a ngeihmi hna zong test an si i an negative dih caah hnangam tein an um lio ah TNT i an inn lei ah a tin mi cheukhat hna cu an chungle nih ralrinnak ah an test hna tikah an rak positive cio ti an theih caah Mizoram ngandamnak Vuanci nawl pek nak in nizaan June 20 ah Covid-19 an dihlak in test nak (mass test) hi ngeih asi.

TNT hmunpi hi Aizawl, Muana veng ah a ummi hi 1300 hrawng an si. An lakah nizaan ah khan kum 2-80 kar minung 1099 zohfel an si i, minung 528 sin in zawtnak an hmuh caah TNT hi covid zohkhenhnak hmun ah hman colh a si.

Positive 528 an hmuh mi chungin 275 hi cu zawtnak a lang mi an si nain a tutiang ahcun zawtnak a zual ngai mi an umlo tiah theih asi.

The Chin Post

Be the first to comment

Leave a Reply

Your email address will not be published.


*