<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
Irrawaddy ramthen, Warkham pengkulh biaceih zung May hla ni 30 ah bomb puah nak a chuah caah SAC ralhrang nih ning cangloin zumh lomi khuami 22 hna cu June hla ni 1-2 ah an tlaih hna tiah an chim. ” Zaan ah an tlaih hna, Nizaan an khan mino 12 tlaih an si. Tuni zinglei khua dei kaa zongah minung 10 an tlaih tthan hna. Tlaih a tong mi hna laak ah nu pawl zong an itel hna. Zohfelnak tuah dingah tiah zumh lomi pawl ruahdomh in an tlaih hna.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
Tliahkhih a tongmi an nu le pa thinphang tthaloin an um cang.” tiah tualchung mi pakhat nih a chim. SAC ralhrang nih an tlaih mi hna minung 22 hna laak ah nu pa 9 an itel ii a tang mi a dang hna cu pa an si ii, POlice phu, SAC ralhrang ralkap phu hna nih an tlaih hna tiah tualchung um nih an fehter.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
” Ho nih dah a tuah tiin hlehhlai loin tlaih an si. Police an si ah SAC ralhrang ralkap an siah ralkap thazaang tampi he zaan ah an tlaih hna. An tlaih mi hna chung zongah tlukvelhin an tlaih mi hna zong an um.” tiah tlaih atong mi pakhat ii chungkhar mi pakhat nih a chim.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
Vawleicung hmunkip ah monkeypox zawtnak ngeitu cu minung 550 leng an um cang tiah World Health Organisation(WHO) nih June 1 ah khan thawng a thanh. Europe ramchung ram 12 ah monkeypox zawtnak ngeitu zat cu 321 tiang an phan cang tiah European Union’s zawtnak control-nak le khamnak zung zong nih cathanh an chuah ve. Britain zong ah hi zawtnak ngeitu hi minung 196 an um cang i, Australia, Canada le US zong ah zawtnak ngeimi an um pah ve cang.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
Europe ramchung ah cun a liamcia April thla hramthok lei khan hi zawtnak hi a chuak cang i, party (puai) an tuahnak hmun le mitampi umnak hmun in zawtnak hi a karh tiah WHO European Regional director nih a chim. Cu zawtnak a ngeitu hna cu anmah dang tein umter ding an si i, zawtnak ngeitu hna he naihniam tein a ummi hna zong dothlatnak tuah ding a si. Zawtnak an ngeih le ngeih lo zong hlathlainak tuah in Monkeypox zawtnak he pehtlaiin zeitin dah kan i runven lai tibantuk hna zong theihternak tuah colh ding in vawlei cung ram hruaitu hna cu WHO European director nih a forh hna.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
Ukraine sinah Long-range missiles kan pekchanh lai tiah President Joe Biden nih a chim hnuin hi bantukin US nih a tuahmi hi kahdohnak caan lehlam a rauhter tiah Russia nih aa mawhchiat. US nih hi bantuk hriamnam hna cu Ukraine a pek ahcun kahdohnak caan hi rauhter chin a duh caah a si, tiin Russia President zung i biachimnak nawlngeitu Dmitry Peskov nih a chim.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
Hi bantuk hriamnam pek chanhnak cu ramhnih karlak ah remdaihnak kong ruah ṭhanṭinak le ceih ṭhanṭinak ngei ding in Ukraine nawlngeitu hna i duhmi zong a si fawn lai lo tiah a chim chap. Germany zong nih air defense system kan pek lai tiin Ukraine cu bia a kamh fawn.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
United States nih a pek dingmi hriamnam hna lakah hin HIMARS Missiles System 4 bak a tel lai tiah US cozah ṭuanvo ngeitu nih a chim. Atu ah cun Russia ralkap nih an control nak Ukraine nichuahlei Severodonetsk khuapi chung zong ah kahdohnak a chuak rih i, cu khuapi an control khawhmi hi Luhansk hmunhma dihlak ngawt cu Russia nih a control cang ti tluk a si.
Magwe ramṭhen, Yesagyo peng Zikung khua le Kungtalin khua pawng ah SAC ralkap zulhmi cycle 3 le motor cu nihin June 2, zinglei suimilam 11:30 ah Yasagyo PDF nih bomb an puahhnawh hna caah SAC ralkap 8 an thi, tiah theih a si. SAC ralkap nih khuachung mipi thilri cu hramhram in an chuh hna caah, an firmi thilri a phortu SAC ralkap motor cu bomb puahhnawh in doh an ton hi a si. Bomb puahnak in cycle 3 cu aa hlonh i motor cu lamthlang ah a tla. SAC ralkap lei nih an duhnak hmunpoh an kah ve nain Yesagyo PDF lei hliam tuar um lo in hnu an tolh kho, tiah Yesagyo PDF nih a thanh.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
SAC Ralkap Lampi Hngaktu Hna Gate Ah An Hriamthil a Tlau Caah Thingphang In An Kawl: Mandalay-PyinOoLwin lampi meng 16 toolgate SAC ralkap nih lampi an hngahnak sakhan ah, June 2 zinglei ah an hriamthil a tlau caah SAC ralkap hna cu, cuka gate pawng hrawng ah thinphang ngai in hriamthil cu an kawl, tiah theih a si. SAC ralkap lampi hngahnak sakhan in hriamthil a tlau caah lampi khamnak, chekhlatnak le hlathlainak an tuah, tiah Mandalay khuachung thilcang a thanhtu VOMDY-3 nih facebook page ah a langhter. A tlaumi hriamthil cu zeibantuk hriamthil a si le pa zeizat a si cu langhter a silo nain, hriamthil a tlau ruangah cuka gate in ṭuanvo ngeitu cheukhat cu tlaih an tong, tiah theih a si.
<a href=”http://www.cherrypar.com/wp-content/uploads/2022/06/285954609_1678304989210640_8124415909647066692_n.jpg”><img src=”http://www.cherrypar.com/wp-content/uploads/2022/06/285954609_1678304989210640_8124415909647066692_n-300×149.jpg” alt=”” width=”300″ height=”149″ class=”alignnone size-medium wp-image-33629″ /></a>
Leave a Reply