A Poi Tuk E, SAC Ralhrang Nih Mipi Kan Ralkap An Kan Tlaih Piak Than Hoi Hna E!!

Tuni zaan lei suimilam 2:30 hranwgah Sagaing ramthen, Kalay pengkulh, ကျီကုန်း khuate zohfelnak gate ah Lal Cung Mawi le Rual Sang Cung hna cu SAC ralhrang nih zohfelnak an tuah hna tikah an phone chungah meithal he hman an ii thlak nak an hmuh hna tikah CDF nan si tiah an ti hna ii an tlaih hna tiah theih a si. Lal Cung Mawi le Rual Sang Cung hna hi Falam peng Hahringnan ( ဟာရှိန်းနန်း) khuate ah a um mi an si hna tiah theih a si.

Cu bantuk thiamthiamin Sagaing ramthen, Tamu pengkulh, Myothit khuapi ah, Thein Naing, Moe Thanda Aung, Zar Zar Khiang le Yaw Aung hna cu SAC ralhrang nih zohfelnak an tuah hna hnu ah CDF nan si tiin an ti hna i, hriamnam he an tlaih hna tiah theih a si. Cu pinah Tin Aung cu SAC ralhrang nih zohfelnak an tuah ii CDF na si tiah an ti i, hrimanam he an tlaih chih ve tiah theih a si.

Russia nih Zircon-hypersonic cruise missile cu hlawhtling tein hneksaknak a tuah hnu in nitlaklei ti-ralkap(marine) sinah a phawt cang hna lai tiah Russia ralkap nawlngeitu pakhat nih June 1 ah a chim. Admiral Golovko tiah auhmi ralkap hmanmi tilawngpi ah Zircon-hypersonic cruise missile cu hmasabik ah bunh in hman a si lai tiah nitlaklei tilawng ralkap ralbawi Alexander Moiseyev nih a chim ve.

Russia President Putin lebang nih cun Zircon-hypersonic missile cu a thawngpang nakin a let 9 bakin a rang mi, khuazei ram hmanh nih zuamcawh khawh lomi hriamnam a si tiah a chim. Russia hi Ukraine ram a tuk thla 3 chung a rauh tiang ah raltuknak ruangah sungh zawtlaknak tamtuk a tong ko nain a hnubik an serchuahmi Zircon-hypersonic cruise missile hneksaknak cu pehzulh in a tuah khawh. Zircon-hypersonic cruise missile cu a liamcia zarh chung ah khan hneksaknak an tuah cang i, meng 625 tiang a hlatnak zong tlamtling tein a khen khawh tiah an chimmi hriamnam a si.
<a href=”http://www.cherrypar.com/wp-content/uploads/2022/06/285122622_403406911681221_7278491259320139705_n.jpg”><img src=”http://www.cherrypar.com/wp-content/uploads/2022/06/285122622_403406911681221_7278491259320139705_n-300×174.jpg” alt=”” width=”300″ height=”174″ class=”alignnone size-medium wp-image-33589″ /></a>

May 31 tiang ah, Chin ramkulh chung in sianginn kai ding ah min a pe mi dihlak cu minung 22,000 hrawng an si cang. Chin ramkulh chung in min a pe mi tam bik cu Paletwa peng in an si, tiah Chin ramkulh fimcawnnak zung in ṭuanvo ngeitu pakhat nih a chim.

“May 31 tiang ah sianginn kai ding in min a pe mi cu minung 22,000 hrawng an si cang, June 2 in sianginn on a si lai. Min a pe mi hna chung in a tam bik hi Paletwa peng in a si. Tukum cacawn kum zong voi dang kel bantuk in thla 9 kai a si lai i, aa relrem ning in ca chimh an si ko lai,” tiah ramkulh fimcawnnak zung in tuanvo ngeitu pakhat nih cun a chim.

Nihin June 1 ah Naypyidaw lei thawng fianhter ning in, sianginn kai ding min a pe mi a tlawm biknak cu ramṭhen le ramkulh chung ah kahdohnak faak a chuahnak hmun Chin ramkulh a si i, Chin ramkulh ah cun sianginn kai ding 22,000 hrawng lawng an um tiah SAC ralkap chimphuannak nawlngeitu general Zaw Min Htun nih a chim.

2022-2023 cacawn kum ah Thantlang le Kanpalat peng dah ti lo Chin ramkulh, pengkulh 7 ah June 2 in sianginn on a si lai. Chin ramkulh ah CDM cawlcanghnak a tuahmi cachimtu (saya/sayamah) an tam caah minung thazaang i daihlonak a um ah cun, sianginn on khawhlonak hmun in cachimtu hna le khuate lei cachimtu hna cu a herh ning in auh an si lai, tiah Chin ramkulh fimcawnnak zung in rianngeitu pakhat nih a chim.

Sagaing ramṭhen, Kalay peng chaklei May 28 in May 31 tiang ni li chung kahdohnak ah SAC ralkap a tlawmbik 4 an thi i, hliam tuar zong an tam, tiah PDF-Kalay nih a thanh. Kalay chaklei ah rallam sialtu SAC ralkap minung thazaang 50 leng le tualchung hriamtlai phufonh hna cu May 28 ah, Heloh(ဟဲလုပ်) khua pawng ah an i kap. Cu kahdohnak ah cun SAC ralkap 3 hrawng an thi. Cun, Natmyawng(နတ်မြောင်), Natchawng(နတ်ချောင်း) khuachung ah kahdohnak a chuak ṭhan i cu kahdohnak ah cun SAC ralkap 1 a thi ṭhan tiah theih a si.

Htaukgyant(ထောက်ကြံ) khua nitlak lei ah PDF Kalay battalion 2 nih an kaltak cangmi sakhan cu minung thazaang 200 leng he SAC ralkap nih an fuh i, SAC ralkap hna cu PDF Kalay nih timhcia tein tuahmi bomb he an puahhnawh hna caah SAC ralkap zeimawzat nih hliam an pu, tiah theih a si.

SAC ralkap hna nih cun Zawlpi khua le Tungingsuh(သုံးအိမ်စု) khua cu luhhnawh in, inn an khangh leng ah Tungingsuh(သုံးအိမ်စု) khua mi (thluak lei damlonak a ngeimi) pakhat cu an thah, tiah theih a si. May 31 ah SAC ralkap lei hriamngan kahmi cu Natmyawng khuachung phungki sianginn hmunhma chung ah a tla i, inn zeimawzat a kangh lengah kum 5 tluk ngakchia pakhat telh in ralzaam 4 nih hriamngan hma fak ngai an pu tiah PDF-Kalay nih an langhter.

Mandalay ramṭhen Myinchain-NgawngOo le Kungpahtu(ကုန်းပုထိုး) lamṭhennak ah tualchung hriamtlai phuruk fonh nih May 31 ah an hmanhmi bomb thianhhlimhnak tuah ding in a kalmi SAC ralkap hna chung in minung 4 cu bomb nih a hliamh hna i, an thi tiah Myinchain pengkomh battalion no. 1, 27 Revolution Force nih an thanh. “SAC ralkap hna nih bomb an hmuh caah hrawk ding in an kalmi a si lo, a thawng thang ngaimi bomb lungkhat puah in kan lem hna. A hmun an phak tikah cun bomb cu kan puahhnawh hna i, kan mit hmuhah minung 4 an thi,” tiah an chim.

Bomb thianhhlimhnak a tuahtu SAC ralkap hna cu Myinchain pengkomh Tawngta peng, Kyawzi(ကျောဇီ) khua ah umhmun khuarmi an si i, cycle 4 he SAC ralkap 8 cu bomb hrawk ding in an kal, tiah theih a si. Cu bomb a hmanhtu hna cu Myinchain pengkomh battalion no.1, 27 Revolution Force, Myinchain pengkomh battalion no.3, Maylat-PDF MGN District, TTA- pah-kah-phah phu, Seven People Defence Force, Natogyi Regional Defence Force le The Value Of Young Man phufonh hna an si tiah theih a si.

Post Views: 6

A Poi Tuk E, SAC Ralhrang Nih Mipi Kan Ralkap An Kan Tlaih Piak Than Hoi Hna E!!

Be the first to comment

Leave a Reply Cancel reply