Myanmar Ralzaam Pawl Nih An Zulh Mi Hlei Cu Thai Ralkap Nih An Hrawh Piak Cang Hna (Video) Zohnak Cu A Tangbik Ah A Um Lai
Myanmar ralzaam hna nih an zulh mi hlei cu Thailand ralkap hna nih an hrawk piak cang hna. Myanmar le Thailand ramri a si mi Taungyin Tiva -Walay tiva cu Thailand ralkap hna nih an hrawk piak hna tiah theih a si. Cu chin chap ah a poi bik mi cu Fortify Rights mibomchantu hna zong Myanmar ralzaam pawl cu ralring an peek hna tiah theih a si.
Fortify Rights mi bochantu phu hna nih an mah sin in Thai cozah nawl ngei tu hna lei ah Me-Soh ah phung ning loin tlaih khih a tong mi, Myanmar ralzaam sin in Extortion hmattan pawl an ngeih nak kong zong ralring an peek hna tiah theih a si.
Relchap, Sagaing ramṭhen, Myaung peng Parammah(ပရိမ္မ) khua cu SAC ralkap nih an luh hnawh i khua mi 3 an kahthah hna, tiah tualchung mi nih an chim. SAC ralkap cu nizan May 4 zinglei ah Myaung peng ah thazaang tampi he hmunhnih in rallam an sial i, Parammah khua ah zing Sml 5 tluk ah an lut in khua mi tampi cu an zaam hna, a zaam manh lo mi 3 cu an tlaih hna i, inn le dawr pawl zong an hrawh, tiah tualchung mi nih an chim.
Hmundang ah rallam a sial mi phu dang cu Myaung peng Kin Ce(ကင်ကျေး) khua ah umhmun an khuar i khuadang an cul hna, tiah theih a si. SAC ralkap nih Parammah khua high school ah a um mi PDF sakhan pakhat cu an luh hnawh tiah biathli a leng i, PDF cheukhat cu an thi i an hriamthil zong lakpiak an si, tiah SAC nih an thanh. Cu kong he pehtlai in CDSOM cu biahal an si nain bialehnak an tuah rih lo.
Kan hnulei April thla ah cun kahdohnak a daih deuh cang caah Myaung PDF hruainak in Basic Education School hunnak puai cu April thla donghlei ahkhan rak tuah a si nain May thla thokka in SAC ralkap le Myaung PDF kar ah duhsah in kahdohnak a chuak ṭhan i, kahdohnak cu a fak deuh chin lengmang, tiah theih a si.
Magwe ramṭhen, Myaing pengchung ah a luancia May 1-4 tiang SAC ralkap le tualchung hriamtlai phu karlak pehzul in kahdohnak a chuak. Kahdohnak a chuahnak hmun hi Myaing peng chaklei Watpuhtat(ဝက်ပုတတ်) khua he a naihnak hmun ah a si i, kaphnih in hriamngan le hriamhme hmang in nifatin ngawt in an i kap. Cu nili chung kahdohnak ah cun SAC ralkap 11 an thi, tiah kahdohnak ah aa tel mi Myaing Villages Revolution Front in tat-yin-hmu Dawng Min nih a chim.
Kaphnih kahdohnak in May 1 ah SAC ralkap 5, May 2 ah 2, May 4 ah 4 ti in an dihlak ralkap 11 nili chung ah an thi, tiah tualchung hriamtlai phu nih an chim. Nili chung kahdohnak ah SAC ralkap nih ralzaam dirhmun in um mi minung 13 cu an tlaih hna, cupin ah ralzaam dang 2 cu meithal he an kahthah hna, tiah tat-yin-hmu Dawng Min nih a chim chap.
SAC ralkap hna nih kahdoh a chuahnak hmun pawng hrawng um mi Yuatitgyi(ရွာသစ်ကြီး) khua inn 71, Tanbugyi(တန်ဘိုကြီး) khua inn 10 le Hnantagyi(နှမ်းသူကြီး) khua inn 7 lengah cycle 30 le motor 1 cu meikhangh in an hrawhpiak hna, tiah theih a si.
Zohnak, https://fb.watch/cPSYlfCq7X/
Leave a Reply