Mizoram Thaizawl Ralzaam Camp Ah A Um Mi Chinmi Namte In Sawh A Tong
========================
Mizoram, Lunglei pengkomh ah a um mi Thaizawl Refugee Camp ah ralzaam dirhmun in a um mi Salai Ram Joe (Cu) cu tuni July ni 11 ah ramlaak ah rua a hau cuamah lio ah Thaizawl khuami dum ngeitu pakhat nih lungin a cheh i “ka dum chungah rua hau hlah” tiah a dum chungah hau lo dingin a chimh tiah theih a si.
Mah pa nih cun ” Ka theih lo ruangah ka hau mi a si.” tiah ngaihthiam a hau than tiah theih a si. Cu hnu ah inn ah a tin i, inn atin hnu ah dum ngeitu pa nih cun camp a umnak tiang a val kal hnawh i a kut ah namte in a tuk tiah theih a si i a kutdanwg zungli cu a tuk i a tu ah sizung ah an kal pi tiah theih a si. A tu hi Lunglei Civil sizung ah an thlop cuahmah lio a si tiah theih a si. Namte sawh a tongmi pa cu Matupi pengkulh, Thaai khuate in a ra mi a si tiah theih a si.
Rakhine ralkap AA nih tliah mi Buthidaung pengkulh in Muslims minung pa 8 hna cu July ni 9 ah an thlah than hna tiah theih a si. A luan caimi 2021 le 2022 ah AA nih tlai mi Buthidaung pengkulh, Baya Pyin Aung in Mawlawi Mauktami, Callimullah, Ayat Foyet Phon Nyo Leik (Muslim) khuain Rofi Ma Mauk Tu Saung, Swe Yaw Noor, Noor Rusadit, Ma Mauk Ayas le Ye Chan Pyin Thit khuain Kyaw Ku hna cu kan thlak than cang hna tiah AA nih a chim.
Cu pinah Islamic Biaknaak puai “Kurbanini” lomhpinak in Buthidaung pengkulh ah Muslim khuafonh 22 ah Muslim nu, pa minung 450 hna cu hnipuanaih bomhnak an peek nak hna kong cu AA in chim nawl ngeitu Khiang Thukha nih a chim. ” Mah minung pawl cu Islamic biaknak “Kurbanini” lomhpinak caah tiin Rakhine-Muslim i dawtnak le pehtlainak fek ngeih ding timi ruahchannak he luatter hna an si.
Cun Muslim khuate fonh 22 ah Nu, pa, 450 hna zong hnipuanaih zong bomhnak kan peek hna.” tiah a chim. Mah hna pawl cu July ni 9 ah ULA/AA i Rakhine mipi nawlngeihnak tuanvo ngeitu hna nih Buthidaung pengkulh chungah အာလဖာ(၂) ralhmun ah aa pehtlaimi chungkhar sinah kuat an si cang tiah AA nih a chim.
Mah an tlaih mi hna kong he pehtlai in zeiriangahdah an tlaih hna i khuaikaa hmunah dah an tlaih hna timi AA leiin chim le phuan a um lo. A luancia mi June thla chungah AA i thawngzamh thianhhliamnak ah Rakhine khuami chuekhat cu tlaihkhih tibantuk, tlaihkhih mizat bialhal an si ko nain AA leiin fiangfai te le thawngdik chim phuan a um lo.
Nizaan Ramthlo Kahdohnak ah SAC Ralhrang 4 an Thi, CNA, CNDF le CDF an Him, Nizaan July 10, Hakha-Falam karlak Ramthlo khua kahdohnak ah SAC ralhrang minung pali an thi i, miphun ralkap CNA, CDF le CNDF lei in a nunnak a liammi an um lo, tiah thawng kan theih. Ramthlo phak hlan Tlangzar khua pawng kahdohnak ah belte ah CNA ralkap pahnih an i hliam.
Ukraine mi hna an umnak inn dot sang nawn mi pakhat cu ruah lo piin Russia ralkap pawl nih rocket in an kah caah a cim dih i minung 10 leng an thi tiah BBC nih a langhter. Nizaan Chiapa 10 ni ah khan Donetsk region i Chasiv Yar khua mi sawhsawh umnak building innpi cu Russia nih rocket in an kah caah a cheu a cim dih, cucaah a chungah khua a sa mi 15 an thi tiah BBC nih cun a langhter.
Inn cimh ruangah a thi mi hi an karh kho men, a chan cu minung 20 hrawng hi inn cim mi nih a khuh hna, mi zei maw zat cu nundam tein an chuah khawh hna, nain an chuah khawh rih lo mi zong an um tiah nawlngeitu hna nih an chim. Ukraine Presiden Zelenskyy nih cun dongcat lo bak in an kan kah, hi bantuk mithah lainawng Russia mi hna nih hin hremnak an pumpelh kho lai lo tiah ralttha taktak in a chim.
Mandalay ah SAC ralkap pawl riahnak hmun ah PDF nih bomb an va cheh, Mandalay khuapi chung ramdang holh cawnnak sianginn (MUFL) luhnak ah hmun a khuar mi SAC ralkap pawl cu mizapi ralkap nih bomb in an va cheh hna tiah theih a si.
Nizaan Chiapa 10 zaanlei sml 5:30pm hrawng ah MUFL sianginn luhnak in hmun a khuar mi SAC ralkap pawl cu Generation Z Power (Mandalay) nih bomb pahnih in an va cheh hna caah a thi le hliam an um kho men tiah an langhter. MUFL sianginn kam ah aum mi SAC ralkap hna hi kan hnung zong ah bomb in an va cheh cang hna, atu hi a voi hnihnak bomb an va cheh a si. An i tthial hlan lo kan doh peng hna lai tiah an langhter rih.
Mitampi cu kan zumhnak in kan tlu i kan minung sinak mawh phurh kan hmang. David nih a titsa duhnak in mi nupi a ih pi mi cu Pathian nih a zoh sawh lo, a let in a cung ah a tlun ter lehlam. Zumtu pakhat dirhmun in kan tuah mi tthatlo nak ruang ah ka minung taksa duh nak ruang ah a si kan ti awk a si lo.
Kha ti kan chim nak ruangah Pathian nih a kan ngaithiam lai lo. Zeicahtiah zumtu cu kan mah ah Thiang Thlarau pek kan si cang. Kan tuah mi le ruah mi vialte rel piak kan si cang.
Cun Thlarau thei tlai ding in Pathian nih a kan phut cang fawn…. “22 Sihmanhsehlaw thlarau theitlai hna cu dawtnak, lawmhnak, daihnak, lungsaunak, zaangfahnak, òhatnak, zumhtlak sinak, 23 nunnemnak, i sumnak te hna an si. Cu hna ralchan cun zei phung hmanh an um lo. 24 Khrih ta a simi hna nih cun an thisa diriamhnak le duhnak te hna cu vailam ah an tahchih cang,” Galati 5:22-24.
Mah hi Baibal ah hin a fiang tuk mi a si. Cucaah kan minung si nak cu a der mi pei si cu tiin na zumhnak in tluk i tim hlah. Cu ti ruahnak na ngeih ahcun na palh taktak. Tukforh hau lo in na tlu ti nak si hnga.
Asinain tukforhnak kong ah Jesuh nih cun “ttih hlah uh chuahnak lam kan sial piak hna lai” tiah a ti. Tukforhnak kan in tik ah chuahnak lam a um zungzal…Amen. Kan mah ah Thlarau kan cawm tthat lo ruang ah kan minung sinak a chuak lengmang tawn.
Zumtu dirhmun in “ka minung sinak cu a der tuk mi si i” tiah kan minung sinak mawh phurh in a tlu mi si ti hlah u sih…Zeicatiah kan tukforhnak chung ah kan tluk nakhnga lo Bawipa Jesuh nih lam a kan sial piak zungzal ko…
SAC Ralhrang nih Tlangzar Khua Inn an Khangh Than, Nizaan July 10, zaanlei sml. 3:30 hrawng ah Hakha-Falam karlak Tlangzar khua cu SAC ralhrang nih mei in an khangh tthan, tiah khua upa sin in thawng kan theih. Khua upa pakhat nih, “Inn zeizah ngaingai a kangh timi kan fiang rih lio atu naite khan an khangh. Inn an khanghnak hi Baptist biakinn pawng lei khin a si,” tiah The Chin Journal ah a chim. Tukum May thla chung zong ah khan SAC ralhrang nih Tlangzar khua inn 17 mei in an rak khangh cang.
Leave a Reply