Nizaan zinglei suimilam 10:00 hrawngah Sagiang ramthen, Chaung-U peng Kin-Mon-TAw khuate pawngah Mipi kan ralkap PDF le SAC ralhrang kahdohnak a chuak i, SAC ralhrang nih minung pa 3 an thah hna pinah hriamnam an laak piak chap hna tiah theih a si. Nizaan zinglei suimilam pa 5:30 hrawngah Sagaing ramtthen, Tant-Sii pengkulh Naa-Daungd khuate ah mipi kan ralkap le SAC ralhrang karah kahdohnak a chuak i SAC ralhrang nih kan ralkap minung pa 2 an thah hna pinah an hriamnam an laak piak tthan hna tiah theih a s.
Sagaing ramthen Paundpyin pengkulh Naung-Moe khuate pawngah a um mi mipi kan ralkap sakhan cu SAC ralhrang phu nih an valuhhnawh kahdoh caah mipi kan ralkap minung pa 1 an nunnak a liam pinah an hriamnam an laak piak chap hna tiah theih a si. Sagaing ramthen, Than-Taw khuate ah a um mi mipi kan ralkap minung pa 2 hna cu dalaan ruang ah PDF an si tiah SAC ralhrang nih an theih hna i an pahnih ningin meithal in an kahthah hna tiah theih a si.
Sagaing ramthen, Ye-Oo pengkulh, Bo-yun khuate ah SAC ralhrang le mipi kan ralkap hna karah kahdohnak a chuak i kaphnih in thi mi le hliam mi cu theih khawh an si rih lo tiah theih a si. Sagiang ramthen, Hum-Ma-Lin pengkulh Ngiang-Pyin khuate ah a um mi khualuhnak gate ah Myo Min Tu (1) timi pa cu SAC ralhrang nih Online in PDF bomtu na si tiah an ti i an tlaih tiah theih a si.
Sagaing ramthen Pa-Lay pengkulh, Min-Tan-Pin khua te khualtlawng pa hnih hna cu SAC ralhrang nih hlethlainak an tuah hna i, hriamnam le thilri a dangdang an hmuh hna caah PDF nan si tiah a ti hna i khualtlanwg pa pa(2) hna cu SAC ralhrang nih an tlaih hna tiah theih a si. Nizaan zing lei suimilam 11:30 hrawngah Sagaing ramtthen, Bu-Ta-Linn pengkulh Ta-Pyi-Pin khuate pawngah mipi kan ralkap le SAC ralhrang karah kahdohnak a chuak i kap hnih in thi mi le hriamnam theihkhawh a si lo tiah tualchung mipakhat nih a chim.
Nizaan zinglei suimilam 10:00 hrawngah Magwe ramthen, Gangaw khuapi a hmat 3 sangah a um mi sual ngeilo mipi Inn pawl cu SAC ralhrang nih PDF pawl he pehtlaihnak an ngei tiah an ti hna i, sahrang dan upadi nawl in an ting piak hna tiah theih a si. Nizaan zaan lei suimilam 2:00 hranwgah Sagaing ramthen Monywa khuapi Set-Hmuh-Zung (2) sang Bo-Htay-Zar lam (22-23) kar mi hohmanh an um lonak hmun chungah miruak pakhat an char tiah theih a si.
Leave a Reply