A POI TUK E, MINDAT KAHDOHNAK AH CDF LEI IN A THIMI 8 AN SI

May 12-15 Karla i Mindat khuapi ah ralhrang le CDF-Mindat kahdohnak ah CDF lei in a thimi 8 an si tait theih a si. Pasarih hi hmasa ah fehter khawhmi an si i pakhat hi May 16 zan hnu lawngah a thi tiah fehter a si.

“Anih hi a tlau. Tuni zanlei ah khan ka tupa tuanvo an peknak Mindat in nitlaklei Matupi lam ah a ruak hmuh a si hnu lawngah a thi tiah fehter a si” tiah khuami pakhat nih a chim.

Hi Matupi lam cungah a ruak an hmuhmi a pariatnak mithi cu Salai Naing Ling (Kum 16) a si.

May 15 ah khan CDF cu khuami hna zawnruat in hnu an tolh cang nain a thaizing tiangah ralhrang nih an kah rih hna.

“Zaan 9:20 hrawngin ralhrang nih Mindat khuachungah biatak in an kan kah. Hriamngan zong in an kan kah. CDF pawl tu cu khuami zawnruat in hnu an tolh cang. Kan khua hi an hrawh ti khan a si ko. Vutcam ah a cang khomi dirhmun kan si ko” tiah khuami pakhat nih May 16 zanlei ah a chim.

The Chin Post

Be the first to comment

Leave a Reply

Your email address will not be published.


*