A Poi Tuk E; Min Aung Hliang Nih A Power A Hman Than Cang E!!!

SAC Ralhtrang Nih Shan Tatmadaw-SSPP Ralkap Sakhan An Thial Ter Hna
=======================
Shan ram chaklei kam Mongshu pengkulh chung Loi Naing khuate le Mong Aw khuate lamzinpi ah a um mi Shan-SSPP ralkap sakhan cu SAC ralhrang nih June thla ni 10 hlan ah nan chuah tak lai an kan ti tiah SSPP lei nih an chim. June thla ni 5 ah SAC ralhrang lei nih thawngtheihter a si ii SSPP in chimnawl ngeitu Lieutenant Colonel Sai Su nih RFA ah a chim.

‘Yah-Lah-Khah ramthen ralbawi ii chuahpi ning tiin Lt. Gen. Ya Pyi hruaimi miphun funtomhnak le daihnak sersiamnam committee lei nih a tu bantuk in thawng theih ter a si. Hi hi zeitin hmanhin a si kho lomi thil a si. Kan mah lei nih thawng kan theih ter than hna, Zeidah kan ton te lai timi hi kan hngak ko.” Kap hnih in ceihmainak ngeih a si ii mah ruangah a tang leiin ral buainak a chuah ah cun SAC ralhrang lei nih sawm a si mi ramdiah ceoihmainak kai khawhnak a thih khawh mi a si.” tiah Lieutenant Colonel Sai Su nih RFA ah a chim.

SAC ralhrang nih ii thialnak ding hmun an kan ti mi pawl cu SSPP caah humhimnak, ral lei in a biapi mi hmunhma an si ii SAC ralhrang lei nih ramdaih ceihmainak tuah hlanah khihlkhamnak peek bantuk a si tiah Shan ram chung tlangcungmi kongkau hlethlaitu nih a chim. Mongshu pengkulh chung SSPP sakhan thialter mi kongkau ah SAC ralhrang leiin chimnawl ngeitu sinah RFA nih pehtlainak a ngeih cuahmah lio a si tiah theih a si.

Sagaing ramṭhen Watlat Peng Butae(ဘိုတဲ) khua sianglairun uktu siangcachimtu nu le a nau nu hna cu a luancia June 6 zaanlei ahkhan thah an si i, hi kong he pehtlai in tualchung hriamtlai phu nih anmah tuahmi a si kong an thanh. Sianglairun uktu Daw Moe Moe Khine le a nau Daw Gay Za Khine cu innchung an umlio ah kahthah an si, tiah SAC ralkap nih an rak thanh.

Daw Moe Moe khine le a nau cu SAC ralkap nih rallam an sial caan ah, rak dong hna in eiding ti-rawl an pek tawn hna lengah CDM cawlcanghnak a tuahtu hna cu CDM tuah lo ding in an forh hna. Cupinah SAC ralkap sin thawng an peknak ruang ah khuachung minung 7 tlaih an tong cang, tiah an thanh chih. A tubantuk thil kan tuahmi hi voi tampi ralrinpeknak kan tuah hnu ah a cang mi a si, tiah tualchung hriamtlai phu nih cun an langhter.

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.

Magwe ramṭhen Pakokko peng Kyaithtu palik sakhan cu Pakokko PDF le tualchung hriamtlai phufonh nih June 8 zinglei ah an kah hna i Palik le pyusawhti 20 hrawng an thi tiah Pakokko PDF nih an thanh. Tuzinglei suimilam 6:30 hrawng ah tualchung hriamtlai phufonh nih 40 mm hriamngan le hriamhme hmang in SAC ralkap sakhan cu an kahdoh hna i, sakhan cu laak ding in timhtuah a si nain motor pakhat in SAC ralkap bawmtu an phanh caah tualchung hriamtlai phufonh hna cu hnu an tolh ṭhan. Kahdohnak ah cun PDF in minung pakhat a nunnak a liam, tiah PDF nih an thanh. Myitchay(မြစ်ခြေ) in a chuakmi palik motor pakhat zong tualchung hriamtlai phufonh nih bomb an puahhnawh hna tiah Pakokko PDF nih cun an thanh.

Magwe ramṭhen chung ṭhiam, Kyaw in Gangaw lei ah a kalmi SAC ralkap motor run hna i hmaifong ralkap hna cu Master People’s Defence Force Gangaw – MPDF le Nagani tualchung hriamtlai phufonh nih rak bawh in an kah hna i, cu kahdohnak ah cun SAC ralkap 38 an thih lengah 13 hliamhma an tuar tiah MPDF nih an thanh. SAC ralkap rallam sialtu hna hi minung thazaang 80 hrawng an si tiah theih a si i, Kahdohnak ah tualchung hriamtlai phufonh lei hliamhma tuar um lo in hnu an tolh kho ṭhan, tiah MPDF nih an thanh.

Pale-Gangaw Lampi Ah Phungki Lemcang SAC Ralkap Tlaih A Si: Magwe ramṭhen Pale-Gangaw lampi ah khah-lah-yiah 553 in SAC ralkap Htat Myat Soe cu phungki thuam he phungki lemcang in bomb zohfelnak a tuah lio ah kan tlaih tiah PRA nih an thanh. Pale-Gangaw lampi ah PRA nih hmanhmi bomb hna cu phungki pahnih nih zohfelnak an tuah lio hmuh an si i, lunghrinh in chek an si tikah Khah-lah-yiah 553 in SAC ralkap Htat Myat Soe cu phungki lemcang in phungki thuam aa hruk tiah theih a si. Phungki thuam aa hrukmi dang pakhat deoh zong hlathlainak kan tuah lio, tiah PRA nih an thanh.

Kalay – Tamu zinpi mipi vaksuak khap asi.mani sun lam ih sin do awk nak tu le tu a um rero ruang ah mipi him nak ding ah tin mawtaw le bike pawl vak suak khap hrih asi tin mipi humhim tu lam cun theih ter nak an tuah asi. Thu ngai awk a tha cun thu kan than thei sun tete hi thu ngai ten um uh si.kan dung kalay-Natchaung zin ih mawtaw mawngtu le 2 tla uico ralhrang pawl in an kap that zo. cu mi tla mipi humhim tu lam cun mipi vaksuak khap zo hnu asi.cu ruang ah vak hlah uh ti ih thuthan mi cu zawm tum ve uh si. (Kalay mino )

Malaysia Ah Chin Mino Pakhat Nih Mual A Kan Liam Tak. Malaysia ah ralzaam dirhmun in khua a sa mi Chin mi mino pakhat nih mual a kan liam tak. Atu mual a kan liam takmi kan unau pa hi Tedim peng Tuikhal khuami Pu Khup Suan Pau le Pi Man Nuam Mang hna i an fapa a si. Amah hi a min ah Mung Do Khual timi kum 26 minung mino lei a si rih. Mung Do Khual hi Malaysia ram Mahkota khua ah a ummi a si i nihin June 7 ah chunglei damlo nak in inn an hlannak ah mual a kan liam tak hi a si. A ruak kongkau ah an community upa pawl nih an tawlrel cuahmah lio pi a asi. Atulio hi tluk kawlram thawngchiat lio i ramdang lei i thihnak thawngpang i theih chinchin cu ngeih a chia hringhran ko. Kal takmi chungkhar kan biak Pathian nih hnem hram ko hna seh. Credit- Zam

A Poi Tuk E; Min Aung Hliang Nih A Power A Hman Than Cang E!!!

Be the first to comment

Leave a Reply Cancel reply