Chin ramkulh, Hakha ah nihin July 29 ah Helicopter pakhat a phan tiah kan theih.
===================================
“Nihin July 29 chun sml 12:05 ah Helicopter pakhat cu Hakha ah a rak phan. A zuan ning zoh tikah a nuar ngaingai. Thil rit ngai phor sehlaw a dawh bik. Duh sah in a zuang i SAC ralkap camp 266 ah a ṭum,” tiah Hakha ummi pakhat nih The Chin Post ah a chim.
Hakha khua chung ah damiah tteihnak a chuak khomi a si caah tiin SAC ralhrang nih cun chuanlam sial in Hakha khua chung dawr kip ah security camera CCTV cu nan mah le nan phaisa in nan cawk lai i nan bunh dih lai tiah SAC ralhrang uico pawl nih nawl an chuah.Ralhrang uico uknak firtu duhlonak lamzawhnak an rak ngeih lio 2021 kum ah khan Hakha khua chung Bochoh lam thluan ummi inn le dawr pawl ah an chiahmi CCTV cu SAC uico pawl nih an phoih ter dih hna i, a tu ah cun an mah lila nih an benh ter tthan hna.
Falampa a hrut pah mi mang ah ” zahan ka mang bak cu, Vui raangpi ka cit ee tiah nu pakhat cu a chim. Cu nu nih cun, aa mang ivui raangmi i cit cu tthat ttung lo tiah a ti. Cu tik ah mang manhpa nih cun” Ka ttum saal” tiah a hei ti. Cu tik ah nu nih cun a van titi pi tthan i, mang ah vui raang cit a thatnak kha a van chimh hoi. Mang manh pa nih cun “Ka Kai Saal” tiah a ti. Cu falam pa mang bang in SAC ralhrang uico pawl zong, CCTV hi an duh benh un, an duh phoih uh an ti. An bunh saal, an phoih saal.
Nihin zingpit in Khuathar le Halkha thar kar ah an hei ngalhmi ralhrang hna cu, Khuhsi lo bo, hlawhtling thlacam nak tlang pawng lei ramtoi ah an kal tiah theih si.Nihin Chinland ram caan zingka sml 6:00 tluk ah motor paruk khat tein Khuathar le Halkha thar karah ralhrang a rak ngalh hna i,motor tucu khuachung leiah an kir cang hna. Motor paruk nih a rak ngalhmi hna ralhrang hna hi kee in Timit leiah maw an kal lai,silo cun, Timit hleidonh ding thilri phor tu ding motor hna lamlak security lak piaktu zong an si kho fawn caah Timit le Halkha kar cu uico neh lawngte si lai caah i ralring ko ulaw tiah hun nolh chap ka duh ko.
Nihin 29 July thok in, Halkha le Timit kar ah chawhvah le umkal i ralrin ding si lai. Timit hleidonh ding kee kal ralhrang hna cu, Timit phak hlan deuh ramlak ah an i thup/dup ko rih, nihin or Thaizing ah hin Halkha in Timit lei ah ralhrang hna nih hleidonhnak thilri hna cu, motor in an kalpi lai. Mah thilri phor motor cu ralhrang nih an zulh lai caah Timit le Halkha kar ah mip, nan umkal lo ah a ttha bik.
Halkha le Timit kar, ramlak zongah umkal i ralrin ding si lai.တိုင်းရင်ဆေး zungah Timit hlei donh ding ralhrang zanthum riak hna kha, nihin zingka in an tlau tiah ka rak post cangmi ah khan, tuhi Ramtoi in Timit lei ah an kal tiah thawng theih si caah vahvaih le umkal i ralrin cio ding si lai. Timit hleidonh timtu ralhrang hna cu,Halkha တိုင်းရင်ဆေးရုံ ah zanthum an riah ter hna, mah hleidonh rianttuan dingah 95% cu ralhrang civil form hruk an si lai i, mah chungah tlawmte taktak civil mi an itel zumh a si.
Mah hlei donh rianttuan mi hna cu,palek nih security a lak piak hna lai tiah theih a si. Nihin zingka khan, zanthum an riahnak hmun in an tlau,an um ti lo caah Timit lei panh in an kal kho men tiah zumh a si.Kumhnih chung Covid agenda pakhat an lim kho rih lo,zarh tinte an tuah zungzal ko rih. Chinland le Halkha khualipi ah Covid a um lonak sautuk cang nain Covid meeting an tuah pengmi ruah tikah mah Covid cherhchan in Lai upa le pastors he i tonnak caanttha ah an ser rua tihi ka hun post nolh rih.
Aung San Generation Monywa nih cun a herh ning in cawlcanghnak kan tuah peng lai, tiah an cathanh ah cun an langhter. Aung San Generation Monywa le tualchung hriamtlai phufonh hna nihhin July 27, zaan suimilam 8:30 hrawng zong ahkhan Butalin(ဘုတလင်) palik sakhan cu kutser bomb an chehhnawh hna i, SAC ralkap 8 hliam an tuar, tiah theih a si.
ThanLyin Khuapi Navy Headquarters In SAC Ralkap Ralbawi Pakhat BawLa Khe PDF Sin Ah CDM A Tuah , Yangon ramțhen, ThanLyin ( သန်လျင်) khuapi Navy Headquarters in SAC ralbawi pakhat cu kan sin ah CDM a tuah tiah BPDF nih nihin July 29 ah cathanh an chuah. ” Job For Kayah” in a rak kan pehtlaih i a rak ra mi a si. Atu ah cun a himnak hmun ah kan kuat cang tiah an langhter.
Yee Khuachung Palik Sakhan An Kah, Palik Pali An Thi, Mon ramkulh, Yee( ရေး) khuapi laifang ah a ummi palik sakhan cu hriamngan, hriamhme hna in kan kah i kan luhhnawh hna tiah Yee Monsters Phu hruaitu sin in theih a si. July 28 zing Dalan kan fimtawl dih hnu kan țin pah zanlei Suimilam 2:30 ah kan kah pah mi a si tiah Monsters phu hruaitu nih a chim.
” Kanmah lei nih ruahlo piin kan kah hmasa hna, anmah lei nih cun an kan kap ve lo i him tein hnu kan tolh kho ” tiah a chim chap. 40 mm le hriamhme hna hmang in kan kah hna caah 4 an thi i 5 hrawng hliam an tuar tiah a chim. A Luancia July 19 zongah SAC ralkap gate pakhat cu kan rak kah i 2 an thi tiah a chim chap.
Pakokko Peng Khuate Pakhat Ah Umhmun Khuarmi SAC Ralkap Kah An Ton Caah 5 Nak Tlawm Lo An Thi Magway ramṭhen, Pakokko peng Ashibungkan(အရှေ့ဘုန်းကန်) khua ah umhmun khuarmi SAC ralkap pawl cu, PDF nih July 28 zanlei sml 5:00 hrawng ah kan kah hna i, ralkap 5 nak tlawm lo an thi, tiah Earthquake People’s Defence Force (UG) sin in theih a si.
SAC ralkap nih umhmun an khuarnak cu Earthquake People’s Defence Force၊ PKU North PDF le Royal Defence Force PKU hna nih an kah hna i, King Cobra People’s Defense Force nih hmunhman humhimnak an lakpiak hna. Cu kahdohnak ah SAC ralkap an i thuhnak(bunker) pakhat le an umnak phungki sianginn an lak khawh. Cun, 60mm lung thum in kah an bawmh hna, Pakokko in bawmtu motor pakhat le Inpin lei in bawmtu ralkap an rak phanh caah hliam tong lo tein PDF cu hnu an kir, tiah theih a si.
Myinmu Peng Ah SAC Ralkap Pawl Drone In Bomb An Thlak Hna I 3 An Thi, 3 Hliam An Tuar. Sagaing ramțhen, Myinmu peng , NgiangPinWin( ညောင်ပင်ဝန်း) palik sakhan hmai ah checking a tuahtu SAC ralkap hna cu nizan July 28 zanlei Sml 4:00 hrawngah Drone in bomb kan thlak hna i 3 an thi 3 hliam an tuar tiah MyinChan pengkomh, Battalion 7 ZERO phu nih cathanh an chuah.
Thantaungkyi Peng Ah SAC Ralkap Motor Cu KNLA Ṭangṭi Phu Nih Bomb An Puah Caah Ralkap 10 Hrawng An Thi, Motor Pahnih Rawk, Karen ramkulh, Thantaungkyi(သံတောင်ကြီး) khua le Palikhi(ပလေခီး) khua karah SAC ralkap motor cu KNLA Brigade 2 nih nizan July 28 zing sml 9:30 hrawng ah bomb an puahhnawh hna caah an motor 2 a rawk. Ralkap 10 nak tlawm lo an thi, tiah theih a si.
Taungngu(တောင်ငူ) in Thataungkyi ah riahcaw a chantu SAC ralkap motor panga cu, KNLA nih bomb in an puah caah ralkap 10 hrawng an thi, 5 hrawng hliamhma an pu. A thimi chungah ralbawi pakhat aa tel. Suimilam cheu chung kan i kap i, a thimi an hriamnam char manh a si lo. Bawmtu an rat caah hnu kan kir tiah KNLA Brigade 2 nih an langhter. Bomb puah an ton hnuah SAC ralkap bawmtu an ra i, pawngkam cu hriamngan in an kah thluahmah tiah KNLA sinin theih a si.
Taze, Intaw Le Kantbalu Kahdohnak Ah SAC Ralkap 23 An Thi, A Nung In Pakhat An Tlaih, Sagaing ramṭhen, Taze peng ah rallam a sialmi SAC ralkap le Kanhtuma(ကံထူးမ) palik camp cu July 27 ah Taze PDF ṭangṭi phu hna nih voithum an kah hna caah SAC ralkap le palik 15 hrawng an thi kho, tiah Taze PDF sinin theih a si.
Taze peng Ye Oo Kone(ရေဦးကုန်း) khua pawng ah rallam a sialmi SAC ralkap pawl cu, July 27 zing sml 10:50 hrawng ah Taze PDF ṭangṭi phu hna nih hriamngan le hriamhme in minutes 10 chung hrawng an kah hna. Ralkap a thimi an tam. PDF ralkap pakhat hriamngan nih a khen caah hliamhma hme a pu, tiah theih a si.
SAC ralkap pawl cu July 27 chun sml 12:00 hrawng ah Chaungsone(ချောင်းဆုံ) khua lei ah an kal i, PDF ṭangṭi phu nih an kah ṭhan hna. Cu pinah Taze peng Kanhtuma palik camp cu July 27 zan sml 10:50 hrawng ah PDF Battalion 6 nih hriamngan in voinga an kah hna i, palik a thimi an tam lai tiah an zumh.
“Nikhat chungah voithum kan i kap. Ralkap pawl cu a thimi an tam caah Kywinlay(ကျွန်းလည်) khua in motor nih a rak don hna. Kanmah lei in ralkap pakhat hliamhma hmete pumi a um ve,” tiah PDF pakhat nih a chim. Taze peng July 27 ah kahdohnak voithum a chuak. Taze PDF, Shwebo Battalion 6,7,8, peng Pah Kah Phah le PDF hna i bawm in an kah hna tiah Taze PDF sinin theih a si.
Cu ṭhiamṭhiam in July 27 zanlei ah Sagaing ramṭhen Intaw peng KTV pakhat ah SAC ralkap pahnih cu KIA le PDF nih an tlaih hna, tiah Indaw Revolution nih a langhter. Intaw peng Mawlu le Naba karlak ummi, KTV ah zu a dingmi ṭatma 88 kuttang Battalion 416 in ralkap Chan Aye le Sergeant Thura Aung cu KIA le PDF nih an kah hna i, Thura Aung cu a thi. Chan Aye cu an tlaih tiah theih a si.
July 28 ah Sagaing ramṭhen, Kantbalu(ကန့်ဘလူ) peng Ongchauklung(အုန်းခြောက်လုံး) khua pawng ah KLPDF B 1, Kawlin peng Pah Kah Phah, Kantbalu pe Pah Kah Phah hna i bawm in zanlei sml 4:30 hrawng ah SAC ralkap cu bomb kan puahhnawh hna caah ralkap 7 an thi, tiah Kawlin Revolution KR nih a langhter.
Leave a Reply