Salai CNA/F Kan Ralbawi Salai Htet Ni Ralring Peek A Tong
==================
Phaisa lem tlaih mi kong he pehtlai in palik pakhat nih cun, “Michaunghtoo(မီးချောင်းထိုး) khua lei ah phaisa lem thlennak an tuah ti thawng kan theih i, chekhlatnak kan tuah tikah Leihkungbaung khua ah tlangval pakhat sin in phaisa lem thonghra ca tlap 105 kan tlaih. Cu hnu ah Padah khua ah nungak 2 sin in tlap 229 kan tlaih ṭhan,” tiah a chim.
Nizan zinglei ah Taungkok peng ah phaisa lem tlaih a si hnu in Aung Mingalar Lampi(Highway) cu palek nih an chek, tiah cuka i rianṭuan mi pakhat nih a chim. Phaisa lem he Tlaih a tong mi hna cu Tanh Zin Thun(သန့်ဇင်ထွန်း),mah Ma Ma Win(မမာမာဝင်း) le Mah Khin Thida(မခင်သီတာ) an si i, Taungup palik sakhan nih phungrelnak 105/106 in taza an cuai hna, tiah theih a si.
A luancia thla zong ahkhan Mayankung(မရမ်ကုန်း) peng, Shwe Pyithar(ရွှေပြသာ) le Dagon Seihkaan(ဒဂုံဆိပ်ကမ်း) peng ah phaisa lem thongnga ca le thonghra ca an rak tlaih bal cang.
Arakan Army(AA) Nih Paletwa Khuami 6 An Tlaih Hna!: Chin ramkulh, Paletwa peng um mi minung 6 cu Arakan Army(AA) nih kan tlaih hna, tiah AA chimphuannak nawlngeitu U Khine Thu Khah nih a chim. “Kan tlaihmi hna cu minung 6 an si i, minung 15 an si tiin thawngpang a rak thang, cu bantuk cu siloin 6 lawng tlaih an si. Kan tlaihmi minung 6 hna cu miphun dang le Biaknak dang an si ruangah kan tlaih mi an si lo. Sualnak an tuahmi thawng an kan pek caah kan tlaihmi an si,” tiah U Khine Thu Khah nih DMG ah a chim.
Cu kong he pwhtlai in, IKACC nih July 7 ah June thla ahkhan Paletwa in Chin mi 15 leng cu AA nih an tlaih hna, tiah an thanh. Cu an thanh mi i an langhter mi minung zat cu a dik lo i minung 6 lawng kan tlaih hna, tiah U Khine Thu Khah fianhnak a tuah. AA nih cun kan tlaihmi hna hi SAC ralkap thawngpetu an si i, kan tlaihmi hna min cu anmah pumpak himnak ca ah an min kan langhter rih lai lo i, an chungkhar nih ton nan duh ah cun rak ton khawh a si, tiah U Khine Thu Khah nih a chim.
Cu kong he pwhtlai in 2022, June thla chungah Paletwah hmunhma in Chin miphun 15 leng cu AA nih an tlaih hna tiah IKACC nih July 7 ah an thanh. Cu an thanh mi chungah an langhter mi a minung zat cu a tamtuk i minung 6 lawng kan tlaih hna hi a si tiah U Khine Thu Khah fianter nak a tuah. Cathanh chungah ” an mah cu mi sawhsawh an si i AA nih tlaih hna ” tiah IKACC cathanh chungah a tel.
Cu cathanh chungah ” a tu bantuk in Chin miphun hna telin tualchung mipi hna cu AA nih an tlaih nak hna nih hin tualchung pakhat le pakhat i zumh lo nak hna a chuahpi kho caah an mah cu a rannak in nan thlah nak lai kan nin nawl hna ” tiah IKACC nih an nawl hna.
A sinain AA nih cun kan tlaihmi hna hi SAC ralkap thawngpe tu an si. Kan tlaihmi hna i an min cu an mah himnak caah an min kan langhter rih lai lo i an chungkhar nih ton nan duh si cun rak ton a ngah tiah U Khine Thu Khah nih a chim.
” An mah caah thinphan ding a um lo. Chungkhar nih ton nan duh a si ah cun ton a ngah. IKACC hruaitu bik zong nih an mah kan chiahnak hmun ah ton na duh a si ah cun rak ton an ngah. A tu bantuk in kan tlaih mi hna ah hin Rakhine nupa zong an i tel. Khumi miphun lawng an si lo tiah a chim chap.
Palatwah ah SAC ralkap le AA karlak ah kahdohnak achuak i a luancia June thla chung zongah ABaungTha khua pawngah kahdohnak a chuak. Kahdohnak kong he pehtlai in SAC ralkap nih khuami hna le khuabawi hna cu an tlaih hna i AA lei zong nih khuami hna cu SAC ralkap sin ah thawng nan pek tiah an tlaih mi hna an um.
A luancia 2019 November 3 ah Chin ramkulh NLD palai U Wai Tin cu Kala Taan tiva ah AA nih an rak tlaih i 2020 January 21 ah an rak thlah than. 2019 March 30 ah Myanmar – India Kalatan simanking lam lei rianttuan cu Suh Htoo San Construction Company and Nan Mhan Thitsar Company in riantuan tu 9 cu AA nih an rak tlaih hna i 2019 August ah an thlah than hna.
Kalay Peng Kahdohnak Ah SAC Ralkap 10 Leng An Thi, Kalay peng SAC ralkap le PDF July 12 kahdohnak ah SAC ralkap 10 leng an thi tiah theih a si. Tuzing zong ah SAC ralkap hna cu bomb kan puah hna tiah mizapi vengtu ralkap phu nih an chim. Yaw,Kalay le Chinram ah July 11 in kahdohnak pehzulh in a chuak. July 11 kahdohnak ah mizapi vengtu ralkap pakhat hliam a tuar. July 12 kahdohnak ah SAC ralkap 10 leng an thi tiah Kalay PDF battalion 1 i ralkap pakhat a nunnak liam. Kahdohnak pehzulh in a um caah meithal kuan kan chambau tiah PDF hna nih an chim.
Kanpetlet Sianginn Ah Umhmun A Khuarmi SAC Ralkap 2 Sniper In Kahthah An Tong, Chinland, Kanpetlet khuapi, Office of General Administration Department le High School ah umhmun a khuarmi SAC ralkap Brigade 55 in ralkap 2 cu Sniper in kahthah an tong.
“SAC ralkap Brigade 55 umhmun an khuar nak Office of General Administration Department chung cu July 11 ah voikhat, July 12 chun Sml 11:00 in 2:00 tiang High school ah umhmun a khuarmi hna cu kan kah hna” tiah Chin Defense Force Kanpetlet tuanvo ngeitu pakhat nih a chim.
A nikhatnak kan kah hna ah SAC ralkap a thimi an um le um lo kan thei lo, kanmah lei cu kan i hliam lo. Nizan ah High School um mi hna kan va kah i SAC ralkap 2 an thi ti cu fiang tein kan theih. Sniper in kan kah hna. Cu kaa zawn i um hmun a khuarmi SAC ralkap hi Brigade 55 an si tiah kan theih. High school ah hin palik battalion zong an i tel. Office of General Administration Department ah cun a dang battalion zong an um tiah theih a si” tiah CDF Kanpetlet tuanvo ngeitu nih a chim.
July 12 Palaw Kahdohnak Ah SAC Ralkap 9 An Thi, Tanintharyi ramthen, Palaw peng nizaan july 12 kahdohnak ah SAC ralkap 12 an thi. Pawatkone khua ah nihin July 13 zinglei Sml 10:00 hrawngah kahdohnak an thok țhan cang tiah mizapi vengtu ralkap pakhat nih People’s Spring ah a chim.
ThanTaung Kahdohnak Ah SAC Ralbawi Tel In 23 An Thi, Karen ramkulh, ThanTaung meng 13, Pyia Sakhan khua chuah ah July 12 zing Sml 11:00 ah thazaang 70 hrawng asimi SAC ralkap mawtaw run cu ThanTaung mizapi vengtu ralkap phu nih an kah hna i SAC ralkap 23 an thi i hliamtuar an tam tiah ThanTaung PDF tuanvo ngeitu nih a chim.
Bawkalih( ဘောကလိ) in ke in a ra mi SAC ralkap thazaang 70 rallam cu ThanTaung meng 13 in mawtaw 4 an i cit i an rak ra, Pyia sakhan khua an phak ah PDF hna nih an bawh i bomb an puahhnawh hna. ThanTaung PDF tuanvo ngeitu nih ” ThanTaung in meng 13 Pyia sakhan khua in kan bawh hna i bomb kan puahhnawh hna. Mawtaw 2 cu kan kulh i kan kah ralbawi tel in 23 an thi i hliam a tuarmi an tam ” tiah a chim.
Cu kahdohnak ruangah SAC ralkap mawtaw 2 a rawk i ralbawl pakhat tel in a thimi an tam caah SAC ralkap hna nih a rawkmi mawtaw 2 cu kan dawh lio ah PDF hna nih nan kan kah ah cun Pyia Sakhan ( ပျားစခန်း)khua cu hriamngan in kan kah lai tiah an hro hna tiah a chim chap.
SAC Ralkap Pawl Cu Ramthlo In Hakha Lei Ah An I Thawh, Chin ramkulh, Falam peng Ramthlo in SAC ralkap pawl cu Hakha lei hoih in an i thawh ṭhan cang, tiah kan theih. Dokṭhek khuami pakhat nih,” ralkap pawl cu nihin July 13 zing sml 11:00 hrawng ah kan khua an phan cang.
Ralkap pawl cu ke in an kal chung, motor bel kan khua ah an um rih ko,” tiah The Chin Post ah a chim. “Kan khua hi atu tiang cu a him rih ko. Nihin July 13 ahcun kahdohnak a um rih lo. Kan ṭih bikmi cu SAC ralkap tam tuk an thih cang caah Vanlawng nih a bawmh hna lai ti hi kan ṭih bik ko. Khuami hna cu thinphang thlalau in kan um ko,” tiah a chimchap.
Leave a Reply