Finland Le Sweden Nih NATO An Fonh Ahcun Nuclear Ralthuam Ka Hman Lai: Russia, Russia le Ukraine tukdohnak a kal cuahmah mi boruak ah Finland le Russia nih North Atlantic Treaty Organisation(NATO) an fonh ahcun Baltic Rili pawngkam hrawng ah Nuclear ralthuam kan hman lai, tiah Russia Security Council Deputy Chief, Dmitry Medvedev nih i hrocernak bia a chim.
Russia president hlun Medcerev nih cun, “Baltic rili kongkau ah chawnhbiaknak kan ngei kho lai lo,” tiah a chim i, hi rilipi ah hin Iskander Missile, Hypersonic hriamthil le Nuclear ralthuam hna cu an chiah zau khawh kong a chim fawn. Medverev hi Russia nitlak chaklei ram hna nih NATO fonh an timhnak kongkau ah hrocernak bia a chim hmasa biktu a si. Ukraine cung i Russia a cawlcangh ning zoh buin Finland le Sweden zong nih NATO pehtlaihnak tuah kongkau cu an tuaktan lio, tiah a chim chap.
Hilio ah Lithuania Defence minister Arvydas Anusauskas nih cun tuzarh cawn nili ni ah khan Russia nih Baltic rili kam Kaliningrad ah Nuclear ralthuam a chiah diam cang kong a chim. Russia le Finland nih hin ramri Km 1300 a sau mi an i hrawm i, hihi NATO ram vialte he an ramri nakin a sau deuh mi a si. Sweden le Finland cu NATO member i an luh ahcun Russia nih vawlei ralkap a ṭhawnter an hau lai i, anti-aircraft(vanlawng kahnak) leng ah Gulf of Finland lei ah ralkap tilawng an ṭhawnter a hau lai, tiah Medverev nih cun a chim. Baltic rili hi Sweden Finland lengah European ram NATO member hna le Russia nih an i hrawm mi rili a si.
Mariupo khuapi Vuanci ” Mariupo Khuapi Chung Lawngah Mithi Ruak 1,0000 Leng Hmuh A Si!! Ukraine ram ah a um mi Mariupo khuapi cu Russia ralkap hna nih zarhhnih chung an kulh dih hnu ah tih a anung tuk mi thawngpang hna a chuak i khuami miluu 10000 leng an nunnak aliam mi miruak hmuh an si tiah tiah Mariupo khuapi vuanci nih a chim tiah AP thawngzmah nih a tial.
Ukraine ram ah a um mi Russia nih lak dingah aa timh mi lawng si lo in an ram in nichuak lei ah ralkap thazaang tam taktak in Russia nih tuk kah ding in timhlamh nak a ngeih cuahmah lio ah ” Putin nih chemical hrimnam pawl a hman khawh nak kong ” Ukraine president Zelensky nih ralring nak a pek hna tiah theih a si.
Tig a nung tuk mi pakhat cu Mariupo khuapi chungah sivai a si mi thilri pawl van lei in an rak tlak nak kong, Ukraine tatyin pakhat sinin fiang fai tein theih khawh a si lo mi thawngpang zamhnak pakhat cungah Nitlak lei i Cozah riantuan tuanvo ngei tu hna nih hlethlainak an ngeih cuah mah lio a si tiah theih a si.
Kiev khuapi chungah a um mi hna nih a fak tuk mi kahdoh an tuar cuah mah mi hmuh an si ko nain Russia ralkap hna nih lak dingah kuan le zen bomb, cung lei vanlawng le tanks hna in khuapi chungah a kah cuah mah ko nain, Kiev khuapi chungah a cang mi thawngpang pawl cu online cungah thawngzamh lo dingin an phihkham tiah theih a si.
April ni 12, AP thawngzamh nih phone in thawng hal nak an tuah tikah Mariupo khuapi vuanci Vadim Boyle nih ” Russia ralkap hna nih minung fa lo loh in an thah mi pawl cu an thawngpang theih ter hna lo in an thuh i minung zawruahnak bomtu pawl cu zarhkhat chung caan sau pi luh ter duh loin an kham hna” tiah a chim. Mariupo khuapi chungah a nunnak a liam mi thongkul lei an um kho ti zong in a chim chap. Ref-AP
Leave a Reply