A Poi Ko, Hi Bantuk Bia lehnak Nih Kan Mah Chinmi Le Chinmi An Kan Thenthek Dih Tertu A Si Kho

CNF/A taang ah CDF Kan Lut Lai lo, Tiah CDF-Mindat Lutlai nih Pu Zing Cung Lehnak A Tuah

CNF Chairman Pu Zing Cung biachim mi “CDF an dihlak in CNA ah i fonh ding in command pakhat taang ah kan um dih ahcun tutan kan dothlennak ah hmual a ngei deuh lai i teinak lam a fawi lai” tiah a chim mi kong ah CDF-Mindat lutlaibik a simi Salai Yaw Mang nih fak ngai in lehnak a tuah. Salai Yaw Mang nih a pumpak timeline in lehnak a tuah mi zoh tikah a ning’hngal pah ngai ko timi hmuh khawh a si.

CDF-Mindat Salai Yaw Mang nih a tial mi cu a taanglei bantuk hin asi. “CNA ah CDF vialte luh dih in order or command pakhat taang ah um dih ahcun tutan dothlennak hmual a ngei deuh lai tiah CNF Chairman Pu Zing Cung nih a chim tiah ka theih.

A ngaingai ti ahcun a liamcia caan ah zeidah a cang timi ruah hmasa zong a herh. SAC nih hramhram in rampi uknak an lak tikah Mindat zong Chin ramkulh chung a um mi, Chin miphun minung kan si ve caah CNF/A ah ruahchannak ngan pi kan ngei i kan bochan tuk ve hna.

Kan ram boruak zoh tikah hriamtlaih a herh cang timi kan theih i Mindat mino pawl zong nih CNF/A kan va fuh colh ve ko hna. CNA Tatzin pakhat taang ah Mindat mino zong kan cawlcang ve ko lai tiah kan nawlpat hna nain CNF/A lei in zeibantuk lehnak hmanh kan tong lo.

SAC ralhrang kan doh khawhnak ding ah raldoh training kan pe ve uh, hriamnam kan pe ve uh tiah CNF/A kan nawlpat hna zong ah zeihmanh santlaihnak a ngei lo, an kan tuah piak duh lo. Ahnu bik ah Mindat mino pawl zong kan mah tein eidin tirawl kan i phorh i CNF/A Sakhan tiang kan phan,

Training kan pe ko uh kan ti hna zong ah zeihmanh santlai lo a si than hui. A si nain Mindat mino hna cu kan mah tein Thonghrolh Meithal le Lai Meithal kan i tlaih i SAC ralhrang kan kah hna, cu hnu ah CDF-Mindat timi in kan hun dirnak hi asi.

Cu caah atu hnu pi lanwg ah CNF/A taang ah CDF vialte luh dih in order, command pakhat taang ah u m dih timi cu zeitin hmanh in a si kho lomi asi” tiah Salai Yaw Mang nih lehnak a tuah hi asi.

Relchap, Myanmar Ram Chungpi Ah CDM Pawl Caah Thawngpang Ttha Taktak, SAC ralhrang nih phung ning loin  uknak a lak hnu ah CDM zung he pehtlai in CDM riantuan tu pawl an tlaih hna i thong hna an thlak hna tikah ramri lei ah a tli mi le a zaam mi CDM cheukhat pawl cu, American, Europe, Australia hna ah i dornak VISA an ngah nak kong cu CDM hna sin in thawng theih a si.