A poi ko ee chim ding le tial ding bia hi a dih bak ko maw kan Halkha khualipi aw!!

Tukha Halkha palek leen si ko tiah an ruah, meithal a puak cuahmah ko tiah theih si.Tuhi Kan khualipi ah Langta nih a hun kan tlawng hoi e.Halkha um UC nih Timit lei hoih ah an bom ngan taktak mi pawl an kah uahmah lio.Inn zong a hnih/tlirh dih e an ti.

Nihin falam khuaah ralhrang Langta ttum mi nih kir pah ah ထွေအုပ် AD pa kawlei ah a zuanpi. Mah penguk bawi (AD ) pa aiah mizei dek a rak kai te lai. Helicopter Halkha lei arak zuang lengmang mi hi Bom/hriamngan an hun phorh pahah an hrangbawi pawl thlennawn nak an tuah pah chih. Crd-Salai Williams Hlawnceu

Ramdang nih kawlram buainak kongah ziah hriamnam a kan bawmh duh lo? timi chungah pakhat hnih te ka hun thur . Kawlram ah hriamtlai phutam tuk a um pinah an i fonh duh lo ,mah le bing cio deuh in an kal .NUG ah hin hriamtlaiphu dih lak i fun kho usilaw ramdang bawmh dingah Innka a kau deuh ko hnga.

Ramdang nih hriamnam bawmh hi an sianlo rumro lo silo in mah an hriamnam bawmhmi kha hote kut ah aphak lai,miphun tthengnge khat le khat i namnehnak ah a cang sual lai maw ti an ruah pinah a bik in kawl hi an zum dih hna lo. NUG ah hriamtlaiphu dihlak I fun kho usilaw, pakhat kan si lai,kawlta bik asi lai lo caah ramleng mitsirven kan hlawh deuh suaumuau ko hnga.

Chinram ah ta!! Chinram ah hriamtlaiphu tamlak te a um,phu 18 cu an i fun ,aa fun lo he cun phu 20 lengkai a si lai.Biatak in Chinram ah ralhrang kan dohnak hi kum 2 deng si cang,a khing kan thlai cio hna maw? Kum hnih deng Chinram kan kilvennak ah zeidah kan lawh i kan chambau? Hriamnam kha kan ti dih ko lai cumu,hriamnam kha pakhatnak silo, lungrualte le thinkhat lungkhat tein khuankhan tti le raldoh tti hi a biapi cem le pakhatnak cu a si. Hriamnam zeizat hmanh ngei usilaw kan lung aa ruallo si cun ttih hmanh a nung chin lehlam ding a si.

Hriamnam tthittha kan ngeih set lo bu hmanhah kan lungpuam manh ning hi mu! Shanram hriamtlaiphu hna khi hriamnam an ngeihtuk ruangah phukhat le khat khi an i rem lo,zeiah an irel cio lo”nangmah maw keimah timi lungput an ngeih ruangah kawlram state ah milu tamcem le tangka ngeizhmawngkhu tangka la kho,duhduh zat hriamnam cawzal kho an si nain i lungrual hrat lo cun mah khi an si ko.

Cucaah CNA/F le CJDC/NUG ah kan zeizong fun dih usilaw, tulio hi hiden agenda ngeih caan silo,Chinram khamh timh lio caan asi tikha philh lo I zuam hna usih. Chinram kan luatter hnuah pengtlang covo cu phawtzamh a site ko lai.Federal Democracy cun pei kan I hruai cang lai cu. A phung men in kan ttuantti,kan kaltti ticu a za naisai lo,90% in kaltti le umto tti a herh lio caan asi.Crd-Salai Williams Hlawnceu

SAC Ralkap Nih Kachin Bible Sianginn Cu Hriamngan In An Kah Caah Siangngakchia 4 Hliamhma An Pu! Shan ramkulh, Kuatkhine khua um KBC bible sianginn cu SAC ralkap nih nizan November 3 zanlei ah hriamngan in an kah caah siangngakchia 4 hliamhma an pu, tiah KIA ralkap sinin theih a si.’

Zan sml 8:30 ah Kuatkhine khua um KBC khrihfa bible sianginn chungah SAC ralkap nih hriamngan lung 3 in an kah caah siangngakchia 4 hliamhma an pu. An hliamhma a fak ngai ko nain an nunnak caah thingphang a si lo, tiah an langhter. SAC ralkap nih hriamngan an kah ruangah Ndau Awng San, Myitung Doi La, Brang San le Sut Ring Awng cu hliamhma an pu, tiah theih a si.

Zahan November 3 zan sml 10:00 hrawng ah KBC bible sianginn ah SAC ralkap nih hriamngan kah nakin siangngakchia 4 hliamhma an put hnu zong in SAC ralkap nih pehtlai in hriamngan an kah, tiah theih a si.

Pu Sai Hmung Thihnak Kong He Petlai In CDF-Lautu Nih Fianternak An Tuah !, CDF-Lautu Cu a luancia 2021 May 4 in SAC ralkap dohtu dingah rak dirh a si i, Chin hriamtlai phu hna he voi 70 leng SAC ralkap kan doh ve cang i, kan ralkap 13 zong hliamhma an pu cang, tiah cathanh an chuah.

CDF-Lautu hmunram cu Chin ramkulh a laifang ah a um i, kan hmunram chungah check gate 11 kan chiah. Khualtlawngmi hna zong checkhlatnak ṭha tein kan tuah hna, tiah an langhter.

CDF-Lautu cu SAC ralkap a domi kan si caah dalan fimhlawm, dohthlennak a dodalmi, mi ngiathlainak tuahtu le SAC ralkap kuttang minung hna thah ding tiang in aa hmaithlakmi kan si lo pinah kan policy zong ah a um lo. A ruang tampi ruangah minung 50 leng kan tlaih hna i, thih dan kan pekmi a hohmanh an um lo, dantatnak kan pek hna hnu ah kan thlah ṭhan hna, tiah an langhter.

Pu Sai Hmung nih tualchung mi cu pistol zun khat in a tlerhkhawn lengmang hna. MATC/MDF ralbawi zik nih minung thahnak nawl a ka pek tiah aa hrocer i, khuami nih kan sinah report an tuah lengmang caah a pistol zun khat le kuan 7 he 2022 October 9 zanlei sml 3:00 ah kan rak tlaih.

Pu Sai Hmung cu biahalnak ṭha tein kan ngeih hnuah MATC/MDF sinin minung kahthahnak nawl an pekmi kong cu fiang tein a chim caah nihnih chung kan hren hnu October 11 zanlei sml 3:00 ah kan thlah ṭhan. Pu Sai Hmung kan thlah hnu in zarhkhat a rauh ah a ruak in an charnak kong zong kan theih.

Pu Sai Hmung thihnak kong he pehtlai in CDF-Lautu nih kan thahmi a si hrimhrim lo i, kan thlah hnu in a chungkhat sahlawh rualchan he zong an i tong ko. Pu Sai Hmung a thihnak hi MATC/MDF he pehtlaihnak a ngei, tiah an langhter.

CDF-Lautu cu SAC ralkap a dohmi kan sin pinah minung pumpak, miphun ṭengngei le miphun dangdang nih sualnak an tuah ahcun a herh ning in dantatnak kan tuah hna. Dohthlennak hnahnawhnak petu paoh cu upadi ning in kan tawlrel hna lai, tiah CDF-Lautu nih cathanh An chuah.

Kalay PDF Le SAC Ralkap Kahdohnak Ah SAC Ralkap 3 An Thi!, Nizan November 3 zing sml 3:00 in Kalaymyo in Kalay thlanglei ah rallam a sialmi SAC ralkap 80 leng cu, Myogyi khua le GTI karah zing sml 6: 50 ah bomb in kan puahhnawh hna, tiah Kalay PDF nih cathanh an chuah.

Cu bomb puahhnawhnak ah SAC ralkap 3 an thi i, hliamhma pummi an tam. SAC ralkap nih pawngkam cu minutes 5 chung hrawng an kah hnuah a luancia October 31 ah an rak tlaihmi tualchung mi 3 cu, GTI sianginn in SAC ralkap 40 hrawng nih kadang hmun ah an kalpi hna. Kalaymyo um SAC ralkap nih zing sml 11:00 hrawng in hriamngan in kah an bawmh hna i, hriamngan kuan cu Thohcian khua ah a tlak caah pitar kum 71 hliamhma a pu, tiah an langhter.

Madaya Ah Rallam A Sialmi SAC Ralkap Bomb Puahhnawh An Tong I, Ralkap 3 An Thi, Hliamhma Pumi An Tam! Mandalay ramṭhen, Madaya peng ah ke in rallam a sialmi SAC ralkap cu PDF nih bomb in an puahhnawh hna caah SAC ralkap 3 an thi, ke kiak le kut kiakmi an tam, tiah Nat Soe PDF in an hruaitu Nat Soe nih a chim.

Nizan November 3 zanlei sml 2:00 ah Madaya peng Kaukselay khua le Nyaung Ngoh khua kar ah ke in hmun hnih ah rallam a sialmi SAC ralkap cu bomb puahhnawh an ton caah ralkap 3 an thi, hliamhma pumi an tam, tiah theih a si. Rallam hmun thum in sial ding in timh tuahnak an ngeih lioah an motor Htaw Lar Gyi cu bomb puahhnawh a ton caah SAC ralkap 3 an thi. Ke kiak le kut kiakmi an tam. Daung PDF le Nat Soe PDF i bawm in an puahhnawh hna, tiah theih a si.

Monywa Ah SAC Ralkap Le Pyusawhti Bomb Puahhnawh Ruangah 10 An Thi! Sagaing ramṭhen, Monywa peng Nagatwin(နဂါးတွင်း) khua ah rallam a sialmi SAC ralkap le pyusawhti cu, nizan November 3 ah bomb puahhnawh an ton caah SAC ralkap le pyusawhti 10 an thi, tiah theih a si. SAC ralkap pawl cu zing sml 7:00 hrawngah pyusawhti an tamnak Tawpu khua in Nagatwin khua ah an lut i khuami inn le lo an khangh.

Zanlei sml 5:30 ah pyusawhti 4 cu bomb thianhhlim ding in an kal lioah a voikhatnak bomb kan puahhnawh hna i a hmun ah an 4 ning in an thi, tiah Monywa Peregrine PDF in bawino Lay Paw nih a chim. SAC ralkap 10 le pyusawhti 10 leng nih khuami an facang, chiti le thilri dangdang an fir i, zanlei sml 6:15 ah bomb in a voihnihnak kan puahhnawh ṭhan hna i SAC ralkap 6 hrawng an thi,” tiah bawino Lay Paw nih a chim.

Cu kahdohnak ah Monywa Peregrine People’s Defence Force, Daung brother PDF, Generation Z People Defence Force၊ Eagle PDF, Monywa pengkomh Battalion 1, M.P.D.F le Zar Ma Ni PDF hna i bawm in an kah hna, tiah theih a si. SAC ralkap nih Nagatwin khua inn 9 nak tlawm lo an khangh i a ciam dih. Tualchung mi 7,000 leng a himnak hmun ah an zam, tiah theih a si.

Nihin November 4 zinglei ah SAC ralkap pawl cu Monywa hmunram ah rallam an sial rih ko, tiah PDF hna sinin theih a si. A luancia November 2 zong ah Monywa khua Suanye Htet(စွမ်းရည်ထက်) datsi dawr pawngah bomb thianhhlim ding in a kalmi SAC ralkap motor 1 cu, Monywa Peregrine People’s Defence Force nih bomb in an rak puahhnawh hna caah SAC ralkap 5 an thi i, 5 hliamhma an rak pu.

Hakha Le Falam Ah Electric Mei A Ngah Thannak Ding Ah An Remh Lai, Chin ramkulh, Hakha le Falam ah zarh thum chung electric mei a rawh caah, mei rawk remh ding ah Mandalay in Electrical Engineering 17 Kalaymyo an phan cang tiah theih a si. Electric mei a ngahnak ding caah a herhmi thilri hna cu mei tung a rawhnak hmun ah a phan cang tiah theih a si. Company riantuantu hna nih mei an remh khawh a si ah cun, November 15 hlan ah mei a ngah ṭhan lai tiah theih a si. Crd-The Chin Post

Be the first to comment

Leave a Reply

Your email address will not be published.


*