Maraland Defense Force Ralbawi Zik Nih Kan Policy Ah Min Aung Hlaing Doh A Hau Lo Tiah A Chim
Peng 3 nih a kulh i a rawk ngai cangmi Mara ram hi remh ṭhan ding ah Pathian nih Policy a kan pek ti hi kan fian a hau. Cheukhat nih Min Aung Hlaing kan doh an ti, kannih nih cun Min Aung Hlaing cu doh a hau lo,Mara ram kan ven khawh cun a za.
Zei ruangah Min Aung Hlaing doh a herh lo kan ti a si ahcun chungtlik in a thi kho mi a si.
Abraham Lincolh nih tlaihtleng ah a hmanmi cu ramkhel lei a thiam tukmi hna hi, an ralpa hmanh hawikom ah an ser khawh ti hi a si. Kannih zong nih Min Aung Hlaing hi kan ralpa tiah maw kan ti lai, hawikom ahdah kan ser lai ruah setmat a hau.
Bawipa Jesuh hmanh nih nan ral va daw hna u tiah a ti, Cheukhat nih Min Aung Hlaing tiah an au, an khuang. Au zong a hau lo, doh zong a hau lo, dirpi zong a hau lo. Kan au le kan khuan deuh ahcun a zual chin lai. Sianginn cachimtu saya/sayamah pawl cu CDM tuah tuah tiah nan hei forh len hna. Cacawn loin kan fale kum 5 um hna sehlaw an kum a luan deuh lai, kum 10-15 an phan lai i nupi ṭhit va ngeih lawng a tang cang.
Cucaah kan policy ah CDM tuah ter ding um a herh lo. SAC ralkap he pehtlaihnak tuah i kanmah le kan rian te ṭuan ding a si ko, tiah Mara Administrative Territorial Council/ Maraland Defense Force(MATC/MDF) hruaitu zik nih a chim. Kan hnu ah Sabawngbi khuami pakhat cu meithal kuan nih a khen caah ngandamnak lei rianṭuantu zong an um ti lo, CDM an tuah dih.
Cucaah kum luan cang mi sii an thuh caah a kut zong tan aa huah deng. Kanmah chung in sii aa kenmi an um caah an zohkhenh. Hi bantuk harnak kan ton hi ngandamnak lei rianṭuantu CDM an tuah dih caah a si. CDM tuah a herh lonak kong le a lungfahnak kong cu MATC/MDF hruaitu zik nih cun a chim. Crd – TCP
Rel chap – Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.
A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.
January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.
Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.
Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.
Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.
Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum
Myanmar Ram Mipi I Telin Ramchung Sahrang Vialte A Ran Khawh Chungin Kan Kham Hna Lai By Zaw Min Htun, Myanmar ram mipi pumpak in tel mi Mipi humhimnak system cu tlamtling tein tuanvo lak dingah SAC ralhrang in chim nawl ngei tu Zaw Min Htun nih a chim ” Mah kongkau he pehtlai in Mipi pumpak in itel in, Mipi himnak system cu Mipi italnak mipi thazaang, a herh mi bomhchanhnak thilri pawl zong tlamtling tein tuanvo lak a si lai nak kong ka chim duh.
Mah system tuanvo laak a si lai caah Mipi itel in Myanmar ram chungah a um mi Sahrang vialte a ran khawh chung in kan kham hna lai,” tiah SAC ralhrang in chim nawl ngeitu Zaw Min Htun nih a chim. Mah kong hi SAC ralhrang in chim nawl ngeitu Zaw Min Htun nih tuni Nay Pyi Daw ah tuah mi SAC ralhrang thawngzamh thianhhlimnak ah a chim mi a si. Mah chin phuanmi himnak system ah Tatmadaw,
Police phu, Khuate kik bmhchanhtu phu le mipi pawl zong itel in, mah system hi tlamtlin ter khawh ding in tuanvo kan lak lak tiah a chim chap. Cu ruangah mipi pawl itel nak Rampi Himnak system cu China ram le Iindia hna zongah tlamtlin ter in tuanvo lak a si bantuk in ASEAN ram zongah Philippine le Vietnam etc. tibantuk in ram dang hna zong nih mah system hi an hman mi a si tiah theih a si.
Leave a Reply